أنا مشكلتي اني كنت مكتوب كتابي وتم الفسخ بعد العقد وقبل الدخول
وكان في خطوبتين قبل العقد بس برضو محصلش نصيب يشهد الله عليا اني والله مفسختش ولا العقد ولا الخطوبه إلا لأسباب مكنتش هقدر استحملها يعني مش دلع ولا اي حاجه من دي
المهم كان بعد العقد كان بيتقدم لي ناس كتير وكلهم مش مناسبين وكان لم حد يسألني ليه اطلقت اقول مفيش نصيب واسكت
المهم أنه اتقدملي شخص اكبر مني بي ١٥سنه
انا٢٥ وهو ٤٠ وكان متزوج قبل كدا
وطلق بعد تلاتة شهور من الزواج
اهلي قالوا لي السن مش كل حاجه وكدا وانا قولت ادي نفسي فرصه واقعد معه رؤيه قعد و من اول القعده لاخرها وهو مصمم علي شيء واحد ليه فسخت وليه أطلقت قولتله مفيش نصيب ومتفقناش فكريا مع بعض وبس
قالي لا في اسباب اكيد قولتله دا سبب اهو فضل يضغط عليا ويحاول يسأل بشتى الطرق اي السبب وانا للاسف مع الضغط قلت بعض الاسباب والله كنت بحاول اجمل صور الاشخاص علشان متبقاش غيبه بس للاسف قولت وكنت بقوله إن دي اسرار ناس مينفعش ودي بالنسبه ليا غيبه قالي لا دي مش غيبه هو ملتحي وملتزم على فكره
المهم أنه عرف وفضل يتكلم في حاجات تانيه عشوائيه وكان عاوز يعرف صفحتي علي الفيس وسألني خرجت مع حد من الا كنت مخطوبه ليهم ولا لا وقولنا كلام حب ولا لا وكان ردي إن الحمدلله كنت ماشيه علي ضوابط الخطوبه
المهم قالي كمان أن مراته الأولي طلقها بعد تالت شهور علشان كانت مهمله في البيت وكانت مش بتقابل أهله كويس وأنهم قعدوا قعده وكل واحد خد حقه قولتله بس ليه قعده طالما انت الا عايز تسيب يعني كنت طلق واديها حقها وخلاص قالي لا مانا سايب بأسباب
دا شئ خوفني وقالي أنه هيقفل صفحتي على الفيس لو حصل بينا ارتباط
وانا دا مش معارضه علي دا اوي عادي بس مستغربه أنه يتقال بالطريقه دي ومن اول قاعده
وكمان في القعده لم رفضت اني اقول جزء من أسباب فسخ العقد قالي اني مش صريحه كذا مره وكمان كان بيهزر بعشم اوي كأنه يعرفني من زمان ومن هزاره قالي اني جاهله وقال غبيه ولم قولتله أن دا مينفعش واني مش جاهله قالي كلنا جاهلين بأشياء
انا مش حاسه دا طبيعي اهلي بيقولوا يمكن دا طبعه انا مش حاسه كدا وحاسه في حاجه غلط ولم أقوله انت شايف فرق السن دا بينا اي رأيك قالي دا النورمل الطبيعي
وعشرين كمان
انا معرفش هل. دا حاجه عادي وادي فرصه اقعد كمان مرره ولا لا دا مش طبييعيي
قلبيييي لا م طبيعي ابدا البني ادم دا دا باين عليه متسلط متحكم صفاته غريبه ازاي يسأل انتي ليه فسختي العقد ملوش يسأا وبعدين ازاي يقول عن اللي كانت زوجته مهمله في البيت ازاي يقول كدا دا ربنا قا ل( فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِنْكُمْ وَأَقِيمُوا الشَّهَادَةَ لِلَّهِ ذَلِكُمْ يُوعَظُ بِهِ مَنْ كَانَ يُؤْمِنُ بِاللَّهِ وَالْيَوْمِ الْآخِرِ وَمَنْ يَتَّقِ اللَّهَ يَجْعَلْ له مخرجا) ركزي بكلمه فارقهن بمعروف عاوزه اقولك كمان ازاي يقول انك جاهله دا اي دا!! وبعدين حبيبي مش ملاحظه فرق السن !! هتقولولي الرسول والسيده خديجه هقولك دا رسول اما دا م رسول باين انك صغننه قدامك العمر هيجي ناس احسن حذاري توافقي لمجرد إن عيلتك عاوزين تقعدي معاه افتكري بعدين الفرق بين التفكير افتكري انك كتبتي. المنشور دا دا معناه انك خايفه ومش حابه كدا وعيلتك مع احترامي ضاغطينك ولو فعلا مش ضاغطينك مفيش اهل هيجوزوا بنتهم واحد قد ابوها العلاقه دي مش متوازنه تماما والراجل دا ما يغركيش إنه بلحيه التيس ليه لحيه وكمان هقولك اللي تشوفيه دا قرارك محدش هيفيدك بس اسالي ربك يقربه لو خير وانا هدعيلك إن شاء الله بس نصيحه مني عارفه اني ما ليش لازمه بس راجعيي نفسك وسيبك من اهلك
تم النشر الجمعة، ٢١ نوفمبر ٢٠٢٥
كل اشي قلتيه بكفّة وقلك غبية بكفّة ثانية، شخصيا نفرت من هيك شخصية من دون مأقعد معو.. تذكري اختي اسلوب الكلام اهم اشي، حتى لو في حب اذا اسلوب الكلام فيو تقليل منك هاي علامة حمرا للمستقبل... بعدين بلا مؤاخذة انت مش كبيرة بالعمر ٢٥ سنة صغيرة، الموضوع بيضغط شوي بعرف ، بس انت صبية وما حدا دخل فيكي قبل، يعني بكر. والفرص قدامك بإذن الله... استخيري واسمعي صوت قلبك وفكري منيح، ما تقرري حسب كلامي ولا حسب كلام غيري، انت استخيري وقرري بنفسك، واهم اشي اكثري من الاستغفار {فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (12) } [ نوح]
تم النشر الجمعة، ٢١ نوفمبر ٢٠٢٥
السلام عليكم، أكبر ظلم هترتكبيه في حق نفسك إنك توافقي على الشخص ده. أنا مش شايفة أي شيء طبيعي في اللي حكيتِه وعلامات الخطر منثورة في كل سطر. بعيدًا عن فرق السن الكبير كل حاجة تانية بتصرخ إنذار فبلاش تلقي نفسك في التهلكة عشان خاطر ضغط أي حد أو كلام أهلك لأن محدش هينفعك بعد كده. أنتِ سنك لسه صغير وكمان متزوجتيش أصلا قبل كده وحتى لو تزوجتِ قبل كده واتطلقتِ ده لا يدفعك للموافقة على شخص بالمواصفات دي. ** خليني أقول لك حاجة مهمة، أنتِ محتاجة تقفي مع نفسك وقفة وتراجعي أفكارك ونظرتك لنفسك، لأن لو عندك مشكلة داخلية تجاه سنك وتجاه فسخ خطوبتين وعقد قبل كده أو إنك تكوني بتتأثري بكلام سلبي من اللي حولك إنك مثلا بتكبري أو مطلقة أو محدش هيرضى بك وبتصدقي ده جواك، كل الأفكار دي للأسف هتخليكِ تجذبي النوعية دي من الرجال. ** غيري أفكارك وحبي نفسك وشوفيها تستحق الأفضل وثبتي في عقلك تمامًا، إن لا سنك ولا تجاربك السابقة تقلل منك في حاجة أو تعطي مبرر لحد إنه يقلل منك أو يقول إنك تستحقي أي جوازة والسلام. ** تاني مرة تقعدي مع شخص متقدم لا تسمحي له يتجاوز بالطريقة اللي عملها الشخص ده، ولا من حقه يسألك عن تجاربك السابقة ولا حتى من حقه يقول لك هقفل لك حسابك أو مفيش نت لأن دي غالبا علامة خطرة وفي معظم الحالات بيكون شكاك أو عارف بنات مش كويسة على النت أو عنده غيرة مرضية. *** اختاري بتأن وصلي استخارة قبل الموافقة على أي شخص متقدم (أي حد غير ده) حتى لو حسيتِ بقبول وطولي فترة الخطوبة براحتك وادرسي الشخص كويس لحد ما تتأكدي إنه يستحق يكون شريك حياتك وأب أولادك فعلا. وربنا يكتب لك الخير ويرضيك به.
تم النشر السبت، ٢٢ نوفمبر ٢٠٢٥
بصي ي سكر قلبك هو دليلك لو مش مرتاحه معاه دلوقتي مش هترتاحي معاه بعدين بس ف الاول وفي الاخر صلي صلاة استخاره و لو فضلتي حاسه بعدم راحه عرفي اهلك اما لو بعد الصلاة حسيتي براحه نحيته خلاص ده اختيار ربنا ليكي خدي القرار الصح عشان متندميش عليه بعدين🫶🏼
تم النشر الجمعة، ٢١ نوفمبر ٢٠٢٥
هو فعلا شخصية متسلطة وهيتعبك جامد اوي اوي اوي قدام ونصيحة لو متغيرش وده صعب مع سنه يبقي الاحسن بلاش
تم النشر السبت، ٢٢ نوفمبر ٢٠٢٥
بلاش احسن لانو من كلامك ده وكلامه ده مش هتنفعوا مع بعض وانتي براحتك صلي استخارة وادعي ربنا بالزوج الصالح والمناسب ليكي وربنا هيجيبه ان شاءالله
تم النشر السبت، ٢٢ نوفمبر ٢٠٢٥
لأ مش طبيعي يجي يقلل منك من اول مقابله ليكم حتى لو هزار + حاسه انه عنده ثقه وهميه زياده عن اللزوم في نفسه ..
تم النشر الجمعة، ٢١ نوفمبر ٢٠٢٥
مش هكلمك فى اسباب.. لكن فرق السن كبير وهيتعبك قدام فبلاش
تم النشر الجمعة، ٢١ نوفمبر ٢٠٢٥
لعرض السؤال في فدني اضغط هنا