انا مشكتلي انني بعرف اعمل حاجات توصلني لنجاح بس بالقي نفسي متشل ومش قادر اتحرك وأبدأ آخد خطوه والقى نفسي بضيع وقتي كله على الفاضي من غير فائده
السلام عليكم ورحمه الله وبركاته. بص يا سيدي لما الانسان يكون عنده قدرات وهو عارف انه عنده قدره داخليه او هو شاطر في حاجه ويمتلك المهاره ولكن معندوش الدافعية هنا احنا بندور على الدافعية ايه اللي يخليني اقوم اتحرك مكاني تعال كده نحط مثال عشان نشوف انا دلوقتي عندي قدره على اني اقوم اعمل اكل انا بعرف اعمل اكل فانا كده امتلك القدره امتلك المهاره جميل جدا ايه الحاجه اللي هتخليني اقوم اعمل اكل. لازم يكون عندي دافعيه فالدافعيه عندي ممكن تكون ان أنا حسيت بالجوع مفيش حد معايا في البيت مفيش حد هطلب منه. في عندي دافعيه هنا عملت ايه؟ حثيتني على اني اقوم ابذل مجهود بقى فيه حاجه داخليا هي اللي بتخلي المخ يقدر يدي اوردر لكل الاجزاء بتاعه الجسم احنا محتاجين نقوم دلوقتي يعني لازم نقوم مفيش اختيارات وما ينفعش نختار غير كده ويلا احنا في عندنا حاجه قويه جدا اللي هي ايه اللي هي الشعور بالجوع اللي احنا عايزين نسكته تمام طيب هل ممكن يكون عندي دافعيه معنويه لانه الاحتياجات الاساسيه دي هي اه يعني ما بنقدرش نقفف قدامها. ممكن اكون عايزه اقوم اعمل اكل عشان انا بحب اعمل اكل فانا ممكن اقوم انا مش جعانه بس هقوم اعمل اكل وهدوقه لحد ثاني وهاعمل حاجه حد ثاني بيحبها حد من اخواتي حد من اهلي وانا هعمل ده والدافعيه عندي انه انا عايزه اشوفهم مبسوطين عايزه اشوف استمتاعهم بالاكل فانا هاقوم وابذل مجهود رغم انه انا شخصيا ولا جعان ولا عايز اكل ولا اي حاجه فاللي هيخليني اقوم اتحرك ان في عندي دافعيه ثانيه وهي جوايا قويه. ممكن عند حد ثاني يكون الدافعيه دي مش قويه الحاجه اللي هو قوم اعمل اكل عشان لما تشوفهم يقول لك لا طبعا يعني مش فارقني ان هم يكونوا مبسوطين انا لما اقوم كده واتعب نفسي واعمل مجهود عشان اعمل اكل ايه بقى انا اللي هاكل يعني انا اعمل وما اكلش منه لا انا هستنى لما انا اجوع هنا الشخص ده اللي بيمثل عنده الدافعيه لازم تكون حاجه تخصه كل واحد فينا لازم يكتشف ايه الدافعيه الاقوى عنده ممكن تكون كل الحاجات اللي عندك قدره فيها حتى الان ما لهاش دافعيه يعني لو انا بعرف اصمم حاجات على الفوتوشوب طيب إيه فين الدافعية فين الحاجه اللي هتخليك تتحرك تقوم من مكانك وتقوم وتفتح وتنزل مجهود قدام اللابتوب وتقعد وقت وتعمل تصميم. ممكن تكون الدافعية بتاعتك مادية فلو ده هتاخد عليه فلوس هتلاقي نفسك قايم تعمل لكن طالما هي معليهاش فلوس مش هتعمل فيه حد تاني الدافعية بتاعته إن هو عاوز يشعر بالإنجاز فبيقوم يعمل حتى لو هي حاجة مش هياخد عليها فلوس بيقول حد هه تعالى شوف هعملك أي ديزاين معنديش مشكلة حابب إنه هو يعمل كده فيه حد تالت الدافعية بتاعته إنه هو عايز يتمرن فاللي هيدفعه هو اهتمامه بإنه يكون بيأدي فترة تدريبية عشان يكون أحسن وهكذا فدور على الدافعية بتاعتك إيه الشيء اللي بيدفعك وهو ده اللي لازم تبدأ تربطه بكل الحاجات اللي انت تقدر تعملها وتربطه بمعنى النجاح اللي عندك علشان تلاقي نفسك قايم وتتحرك وتعمل.
تم النشر الخميس، ١٢ يونيو ٢٠٢٥
مرحبًا محمد، فهمت منك شعور مهم جدًا وهو أنك لديك القدرة على القيام بأشياء قد تؤدي إلى النجاح، لكنك تشعر في نفس الوقت بالتشتت وعدم القدرة على التحرك أو اتخاذ أي خطوة، وهذا يجعلك تضيع وقتك بدون فائدة. هذا شعور شائع يمر به الكثير من الناس، وأحيانًا يكون مرتبط بالخوف من الفشل أو الضغط النفسي أو حتى ببساطة عدم وضوح الأهداف والخطط. دعني أساعدك بخطوات عملية لتبدأ في تجاوز هذه الحالة: حدد هدفًا واضحًا وبسيطًا جدًا : أحيانًا كبر الهدف بيخلي حجم المهمة مخيف. فابدأ بهدف صغير يمكن تحقيقه خلال فترة قصيرة، مثل إنجاز خطوة واحدة محددة اليوم. قسّم المهمة الكبيرة إلى خطوات صغيرة : تقسيم الأهداف يجعلها أقل إرهابًا، مثلاً: لو هدفك "تطوير مهارة"، قسمها إلى تعلم جزء صغير كل يوم. قف على أوقات محددة للعمل فقط : خصص فترات زمنية قليلة مثلاً 25 دقيقة تركز فيها على العمل، ثم خذ استراحة قصيرة. ابدأ بخطوة بسيطة جدًا : حتى لو كانت بسيطة جدًا زي التفكير في أول خطوة تفكر تعملها أو ترتيب أدواتك. تجنب المثالية الزائدة : لا تنتظر أن تكون كل الظروف جاهزة تمامًا، المهم أن تبدأ مهما كانت البداية بسيطة وغير مثالية. دوّن يوميًا ما حققته : كتابة إنجازاتك الصغيرة تعزز من شعورك بالإنجاز والثقة. حافظ على التوازن : لا ترهق نفسك أو تترك كل شيء بسبب إحباط مؤقت. انسجم مع خطوات بسيطة بشكل مستمر. ويا محمد، تذكر أن كل إنسان يمر بفترات فيها التشتت أو الجمود، ليس عيبًا ولكن المهم هو ألا تدع هذا يمنعك من الاستمرار. وإذا شعرت أن هذه الحالة مستمرة أو تسبب لك ضيق نفسي، يمكنك البحث عن دعم أعمق من خلال استشارة خبراء نفسيين على منصة فدني. هل تحب أن أساعدك في ترتيب خطة يومية أو أسبوعية تساعدك في تنظيم وقتك وخطواتك نحو هدف معين؟ أنا هنا لدعمك.
تم النشر الأربعاء، ١١ يونيو ٢٠٢٥
زيك والله
تم النشر الأربعاء، ١١ يونيو ٢٠٢٥
البدايه هي اصعب حاجه، لو عرفت تبدأ يبقي انت تجاوزت شوط كبير مع قليل من الاستمرار الدنيا هتظبط ودايما الانسان قبل ما يبدا في الشئ عقلو بيوهمو انو صعب ومتعب لكن الواقع غير كده ولما تبدا هتكتشف ان اللي كان متعب هو تصوراتك واوهامك مش الشئ اللي انت عاوز تعملو
تم النشر الأحد، ١٥ يونيو ٢٠٢٥
نفس السؤال اللي انت سالته عندي بردك
تم النشر السبت، ١٤ يونيو ٢٠٢٥
طبعاً الوصول للنجاح صعب بس جميل💗💗💗
تم النشر الجمعة، ١٣ يونيو ٢٠٢٥
قليل دائم خير من كثير منقطع
تم النشر الجمعة، ١٣ يونيو ٢٠٢٥
اي حلمك؟.. واي الخطوات اليومية البسيطة اللي هتوصلك له؟
تم النشر الجمعة، ١٣ يونيو ٢٠٢٥
مررت بنفس التجربة وفعلاً الموضوع مش سهل، لكن اللي ساعدني إني بدأت بخطوات بسيطة زي إني أخصص وقت معين أفتح فيه السوشيال ميديا، وبقيت أكتب المهام اللي عندي كل يوم علشان أتابع إنجازه. كمان حذفت التطبيقات اللي بتضيع وقتي من على الموبايل. شوية شوية بدأت أحس بتحسن، والمهم إنك تبدأ وتستمر حتى لو التقدم بسيط.
تم النشر الخميس، ١٢ يونيو ٢٠٢٥
لعرض السؤال في فدني اضغط هنا