اول مره اسأل عاوزه نصايح من اخواتى🙂💔
انا بحب واحد وبنتكلم بقالنا اربع شهور مع العلم انه كان فـي علاقه مدتها خمس سنين وانا بعانى منها اوى بس هو بيهتم بيا وبيخاف ع زعلى بس مقاليش بحبك لحد دلوقتي مع انو بنتكلم كل يوم وبيقولي عاوز اشوفك ووحشتيني وكلام حلو كتير
وبنتكلم فـ حاجات كتيره ومنها اللي مينفعش نتكلم فيه بس هو نفسو يكون معايا خالص واتقابلنا مره في مكان عام حوالى عشر دقايق بس وبعد ما مشيت رن عليا وقالى مشبعتش منك ولازم اشوفك تاني ونفس الوقت خايف حبيبته القديمه تعرف بعلاقتنا
انا بموت فيه بس مخدتش الحب اللي نفسي فيه
ابعد ولا اكمل؟؟؟!
اللي بيحب حد بيخاف عليه وبيتقي ربنا فيه، لو بيخاف عليكي زي أخته مكانش سمح لنفسه يكلمك ويستمتع بمشاعرك ليه غير في الحلال لما المأذون يكتب الكتاب وتشربوا الشربات! منتظرة تقعدي معاه في علاقة (مخادنة) خمس سنين كمان زي اللي قبل منك وبعد كدة كل واحد يروح لحاله ومايفضلش معاك غير الذكريات المؤلمة؟ لو بتحترمي نفسك قولي له الطريقة الوحيدة الي توصل لي بها هي في بيت أهلي لما تيجي تتقدم لي ومفيش أي داعي لكلام بينكم بعد كدة. ربنا لما ذكر مواصفات الجارية التي يجوز الزواج منها قال (وَلَا مُتَّخِذَاتِ أَخۡدَان) ولم يذكر هذا في المسلمة الحرة لأن الحرة لا تفعل هذا في نفسها والله أعلم
تم النشر الاثنين، ١٤ يوليو ٢٠٢٥
هو انتي لسا بتسألي!! ايه هو خايف حبيبته القديمه تعرف! طب مايخاف من ربه الاول يعني برأيك هو ينفع يصير اب بالمستقبل بيقابلك بالسر وبيخاف "حبيبته القديمه تعرف" ومعرفش ايه صدقيني طول ما علاقتك محرمه مش هتكمل, مهما كانت البداية حلوة وبيعيشك زي الملكة وبيحكي لك كلام بيحسسك بأنوثتك وكلام جميييل جدا كل دا هينتهي لان العلاقة دي مش بترضي ربنا (لو انتي ميته عليه ومش حابه تبعدي قوليله اتقدم ولا يضحك عليكي بكلام زي ماعندي فلوس خلينا نحكي بس يصير عندي بتقدم او انا حاليا وضع اهلي مش كويس استني علي فتره لو عايزك فعلا هيقول لاهله مش هيقابلك 10 د عشان هو خايف)
تم النشر الثلاثاء، ١٥ يوليو ٢٠٢٥
ابعدي ! ، انا ك واحده معرفكيش ومش عارفاني انا ممكن اقولك كلام حلو وكلام احلى منه اتمنى تكون وصلتلك فكرة انه الكلام سهل واي حد بيتكلم وازاي يتكلم معاكي في مواضيع مينفعش تتكلموا فيها مثلا ، هو واخدك ك اداة عشان يسد الفراغ اللي حبيبته سببتهوله انا عارفه انه صعب خصوصا انك بتحبيه بس انتي لسه متعلقتوش ببعض ملحقتوش عامة دا انتوا اربع شهور يعني لسه ملحقتوش كمان عمره ما قالك بحبك ؟ وخايف حبيبته القديمه تشوفكم ؟ اسألي نفسك سؤال هل ياترا لو حبيبته القديمه رجعت هيفكر فيكي ويكمل معاكي ويقولها لا انا حاليا بحب واحده ؟ لو الإجابة ب اه هيعمل كده يبقى خليكي الاجابه لا مش هيعمل كده وعقلك بيقولك كده بس قلبك رافض ابعدي قبل اما تتعمقي معاه وتتعلقي اكتر الموضوع هيبقا صعب في الاول بس هترتاحي بعدين لما تبعدي انما لو فضلتي معاه الموضوع هيبقى صعب دايما دا غير ان الموضوع حرام اصلا وكمان مش هو الكائن الوحيد اللي في الكوكب في احسن بكتير واصبري وهتلاقي الاحسن ، اتمنى تكون وصلت الفكرة فاهماني ؟
تم النشر الثلاثاء، ١٥ يوليو ٢٠٢٥
وفي فرق بين الحب والتعلق انتي مش بتحبي ولكن متعلقه بي حولي تركزي على حياتك أو هدفك كل ما تحولي تركيزك في اشياء مختلفه ومفيده كل ما هتفكي التعلق
تم النشر الثلاثاء، ١٥ يوليو ٢٠٢٥
اقولك نصيحه البدايات اللي مترضيش ربنا نهايتها مش هترضيكي✋توقفي عن هذي العلاقه
تم النشر الثلاثاء، ١٥ يوليو ٢٠٢٥
ابعدي يابنت الحلال دا بيتسلي
تم النشر الثلاثاء، ١٥ يوليو ٢٠٢٥
حافظى ع نفسك ي اختى وراعي ربنا ف اهلك
تم النشر الثلاثاء، ١٥ يوليو ٢٠٢٥
نصيحه قربى لربنا و سيبك منه ده بيتسلى بيكى
تم النشر الثلاثاء، ١٥ يوليو ٢٠٢٥
وجهه نظرك تحترم بس اولا انا مش محتاجه اسمع كلام حلو ولا حاجه انا بحبه بجد
تم النشر الاثنين، ١٤ يوليو ٢٠٢٥
خلي حبك لربنا أكبر من حبك ليه (لو كان اللي بينكم دة اسمه حب من الأصل!) أنت كنت محتاجة حد يقول لك كلام حلو ولقيتيه فيه وهو كان محتاج واحدة (يشبع منها) زي ما قال لك بنفسه!
تم النشر الاثنين، ١٤ يوليو ٢٠٢٥
الراجل الصح واللي بيخاف ربنا مش هيطلب انكم تتقابلوا ولا يحصل بينكم تجاوزات في الكلام اللي هي (علاقه محرمة )ومتستني ان ربنا يبارك لكم وانتوا بتعصوه فاتقي الله وانهي العلاقه دي ولو هو راجل بجد وبيحبك هيدخل البيت من بابه وادعي ربنا انه لو هو خير ليكي يجمعكوا بالحلال وتوبي اليه واشغلي نفسك بحاجه مفيده بعيدا عنه واعملي سكين كير والعبي رياضه وشوفي فديوهات ازاي تتخطى
تم النشر الأربعاء، ١٦ يوليو ٢٠٢٥
الولد ده نيته مش سالكه إتجاهك وده باين من كلامه ليكي بس انتي بإنك بتحبيه مش مخليكي شايفه حاجه غلط ولا عارفه تفكري في اللي بيقوله صح . انهي علاقتك بيه بدل ما تندمي طول عمرك . عايزك يجي بيت اهلك ومفيش اي مبرر انه ميجيش ودي حياتك وانتي حره ، ربنا يهديكي و يصلح حالك . سؤال ⁉ لو مفيهاش إزعاج هو مقلكيش ساب حبيبته الأولى ليه
تم النشر الثلاثاء، ١٥ يوليو ٢٠٢٥
اتجوزو
تم النشر الثلاثاء، ١٥ يوليو ٢٠٢٥
وكلمه مشبعتش منك كانو قصده انو حب قعدتنا سوا ونفسو نقعد اكتر!
تم النشر الاثنين، ١٤ يوليو ٢٠٢٥
طب هعمل كدا ازاى وانا متعلقه بيه
تم النشر الاثنين، ١٤ يوليو ٢٠٢٥
أنت في علاقة محرمة ابعدي علشان ماتغضبيش ربنا منك
تم النشر الاثنين، ١٤ يوليو ٢٠٢٥
لعرض السؤال في فدني اضغط هنا