السلام عليكم انا طالبه في تالته ثانوى وامتحاناتى خلاص باقى عليها 10ايام حالياا انا ضايعه مش عارفه اذاكر بقعد على المكتب احسن بخنقه ده غير انى لسه مش عارفه حاجه في المنهج بس ضغط وتعب ومشاكل البيت فاانا مش عارفه اعمل اى حاسه نفسي انى بضيع عايزه حد يقولى اعمل اى
ملحوظه انى بدخل في حاله اكتئاب وحشه وحاولت اموت نفسي كذا مره بسبب مشاكل الاهل فاانا حالتى وحشه ومش عارفة اعمل اى
السلام عليكم، أولا ربنا يقويك ويخفف عنك صعوبة الأيام دي ويوفقك. الضغط طبيعي تحسي به الفترة دي لكن صدقيني مفيش أي حاجة في الدنيا خالص تستدعي إنك تتعبي نفسيتك أو تفكري تموتي نفسك. مهما كان الوضع صعب فهو في النهاية مؤقت وهيمر، خلي الفكرة دي في بالك على طول وافضلي كرريها لحد ما تثبت في عقلك. ** بالنسبة للضغط بسبب الامتحانات فلو هنصحك بحاجة واحدة ضروري تعمليها دلوقتي فهو إنك لازم تفصلي كم ساعة من غير ما تفكري في المذاكرة أو تحسي بالذنب على الوقت ده ولا تعتبريه وقت ضائع. نفسيتك وعقلك محتاجين يفصلوا، ممكن تقرأي إجابتي وإجابة كوتش ياسمين على سؤال شبه سؤالك هنا 👇 https://www.fedni.net/q/30953229/كيف-أتعامل-مع-ضغط-الثانوية-العامة وأرجع وأؤكد عليك لا الثانوية تستاهل ولا أي حاجة في الدنيا تستاهل تتعبي نفسيتك وصحتك أو تموتي نفسك. افصلي كده وارجعي بنشاط. واستعيني بالله أهم حاجة. أنصحك كمان، خلال الأيام الجاية كرري كتير ذكر (لا حول ولا قوة إلا بالله العلي العظيم) (وحسبي الله ونعم الوكيل) ردديهم بيقين في معناهم وثقة إن ربنا وحده اللي هيمدك بالقوة ويعينك. بالتوفيق.💚💚
تم النشر الثلاثاء، ٩ يونيو ٢٠٢٦
وعليكم السلام ورحمة الله، أنا آسفة جدًا إنك بتمري بهذا الضغط الشديد والألم النفسي، وإنك حاسة إن الدنيا بتضغط عليكِ من كل الجهات. شعورك بالاختناق والاكتئاب واليأس طبيعي في ظل الامتحانات القريبة ومشاكل البيت، وإنك وصلتِ لمحاولات إيذاء نفسك ده بيوضح إن حالتك محتاجة اهتمام فوري. أنتِ مش لوحدكِ في هذا، ومن المهم جدًا إنكِ تطلبي مساعدة متخصصة دلوقتي من طبيب نفسي أو مستشار صحي نفسي عشان يقدروا يدعموكِ بشكل آمن وفعال. بالنسبة للامتحانات اللي باقي عليها 10 أيام، خلينا نركز على خطوات عملية بسيطة عشان ما تحسيش بالضياع. ابدئي بتقسيم المنهج لأجزاء صغيرة جدًا (مثل صفحة أو موضوع واحد في اليوم)، واختاري المواد الأساسية اللي بتأثر على درجاتك أكتر. قومي من المكتب كل ساعة لمدة 5 دقايق تمشي في البيت أو تشربي ماء، واستخدمي طريقة "التلخيص السريع" بكتابة النقاط الرئيسية بدل القراءة الطويلة. لو حسيتِ بالخنقة، غيري المكان لمكان أهدى في البيت وابدئي بجزء سهل عشان تبني ثقة صغيرة. تذكري إن التوكل على الله مع الجهد البسيط هيساعدكِ، وادعي ربنا ييسر لكِ الأمر ويخفف عنكِ. أنتِ قوية لأنكِ وصلتِ لهنا وطلبتِ المساعدة، وهذا خطوة مهمة. ركزي على يومكِ الحالي فقط، وكل ما تقدري تعمليه خطوة صغيرة هتكون إنجاز. لو المشاكل الأسرية بتزيد الضغط، حاولي تخصيص وقت قصير يوميًا لنفسكِ بعيدًا عنها. أنتِ تستاهلي الدعم والراحة، وهتعدي هذه الفترة بإذن الله. لو عايزة تتكلمي أكتر عن أي جزء، أنا هنا.
تم النشر الثلاثاء، ٩ يونيو ٢٠٢٦
حرفياا كل حاجة واقفه قدامي شايفه نفسي بضيع بس فعلا مش عارفه اذاكر تركيزى كلوو في المشاكل اللى بمر بيهااا والتعب ومش عارفه اعمل اى
تم النشر الثلاثاء، ٩ يونيو ٢٠٢٦
لازم تعرفى انك فى وقت مهم جدا جدا جدا ولازم ميتأثرش باللى حواليكى حتى لو هتتحاملى على نفسك الفترة دية لحد ما تعدى ان شاء الله ... لو تقدرى تفصلى نفسك عن المشاكل دية اعمليها فورا ولو فيه تعب حاسة بية قولى وأنا ممكن أرشحلك حاجات تجيبها من الصيدلية تساعدك ... مش عارفة تعملى ايه لا لازم تصبى كل تركيزك على الفترة دية التزمى بالصلاة واقرأى قرآن كتير وحاولى تنظمى وقتك انتى محتاجة لكل دقيقة ربنا يوفقكم جميعا يارب 🤍
تم النشر الأربعاء، ١٠ يونيو ٢٠٢٦
وعليكم السلام ورحمة الله وبركاتة .... اهدى خالص ومتخليش توترك او المشاكل اللى حواليكى تأثر عليكى انتى فى أهم فترة فى حياتك حاولى تستغليها وتتطلعى منها بأعلى المكاسب وأقل الخساير هدى نفسك بس والدنيا إن شاء الله بسيطة .. بالنسبة للمواد حددى نظامك ومستواكى فى كل مادة وعلى هذا الأساس ادي لكل مادة وقت معين لازم تتخلصى من التوتر والخوف من الإمتحانات ولو احتاجتى اى مساعدة احنا معاكى برضة ربنا يوفقكم ويكرمكم وتعدوها على خير
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا