وانا صغيره حصلي موقف مسببلي عقد كثيره ولكن بحاول ع قد م أقدر اطلع منها ولكن بلاقي نقسي برجع لها تاني مع اني تفهمت ان دا ماضي والمفروض انتهى لكن تصالحي مع نفسي مش كفايه، حاسه اني محتاجه اتكلم مع المسبب لي العقد، هل دا هيبقى كفايه ولا وهم بالنسبه لي ، هل المفروض تصالحي مع نفسي يكون كفايه وبس
ذكريات الطفوله بيكون لها أثر علينا والأثر ده مش بيكون من الذكرى في حد ذاتها لكن في تفسير الشخص نفسه للذكرى والمعنى اللي اتبروزت به الذكرى جواه والمشاعر اللي حسيتي بيها، كونك حاولتي تتخطى الذكرى فدي شجاعه منك ورغبة للتحسن، رجوعك تاني لالم الذكرى من المثيرات الخارجية او مواقف بتمري بيها أو أفكار فده معناه انك لسة عالقه في تفسيرك للذكرى وانتي طفله اللي لسة مكمل معاكي ومسبب لك تعب. اقتراحي ليكي حددي أثرت عليكي إزاى الذكرى دي لحد النهاردة وفي انهي جانب من جوانب حياتك، فكري نفسك انك كطفله كنتي بتعملي اللي في قدرتك عشان تتخطي، انما النهاردة انتي كشخص كبير ادامك فرص أكبر للتخطي و محاولة خوض تجارب مختلفه، ومهم لو مقدرتيش تتخطى بمحاولاتك الشخصية خد رأي متخصص يساعدك.
تم النشر الاثنين، ١١ مايو ٢٠٢٦
بصي يا بنت الناس العقد اللي من صغرك دي مش هتروح بكلمتين ولا الماضي بيموت لمجرد إنك كبرتي هي محتاجة تطبطبي على نفسك الأول وتفهمي إن مالكيش ذنب في اللي حصل والمواجهة مع اللي آذاكي دي ممكن تفتح جروحك أكتر ما تداويها خصوصا لو الشخص ده بارد ومش هيعترف بغلطه فبلاش توهمي نفسك إن العتاب معاه هو اللي هيريحك الراحة بجد إنك تخرجي الشخص ده ومواقفه من حساباتك وتعيشي لنفسك إنتي وتكبري دماغك من أي حاجة قديمة كسرتك عشان إنتي دلوقتي أقوى بكتير من البنت الصغيرة بتاعة زمان وتصالحك مع روحك أهم مية مرة من إنك تستني كلمة حق من ناس مابتفهمش ونفسيتك أغلى من أي عتاب مالوش لزمة... وجد والله ربنا يحفظك ويسعدك 🌷
تم النشر الأحد، ١٠ مايو ٢٠٢٦
بصي أوقات كتير الواحد بيكون فاكر إنه اتخطى، لكن جواه جزء صغير لسه مستني يتفهم أو يسمع اعتذار أو حتى يطلع اللي مكبوت جواه، فطبيعي تحسي إن مجرد التصالح مع نفسك مش كافي دايمًا. بس المهم تعرفي إن مواجهة الشخص اللي سببلك الأذى مش شرط تكون الحل السحري، لأن أحيانًا الناس دي أصلًا مش واعية بحجم اللي عملوه، أو ردهم يوجع أكتر بدل ما يريح. فالأفضل تسألي نفسك: انتي عايزة تكلميه عشان فعلًا تقفلي الصفحة؟ ولا عشان محتاجة منه اعتراف يثبت إن وجعك كان حقيقي؟ لأن الفرق مهم جدًا. لو حاسة إن الكلام هيخفف الحمل اللي جواكي ومش هيأذيكي نفسيًا، فممكن تعملي ده بهدوء ولأجل نفسك انتي، مش عشان تنتظري رد مثالي. لكن لو الشخص مؤذٍ أو مش متوقع منه تفهم، ساعات الكتابة أو الفضفضة لشخص آمن أو حتى التعبير عن مشاعرك لنفسك بيكون أرحم من إعادة فتح الجرح مع حد مش مناسب. وصدقيني فكرة إن الماضي انتهى مش معناها إن أثره يختفي فورًا. التعافي بيبقى رايح جاي، يوم تحسي إنك قوية ويوم الذكرى ترجع توجعك، وده ما ينقصش من تقدمك. أهم حاجة ما تجلديش نفسك لأنك لسه بتتأثري، انتي بتحاولي تفهمي جرح قديم مش أكتر.
تم النشر الاثنين، ١١ مايو ٢٠٢٦
حبيبتي، أشعر بقوتك وصبرك في محاولتك الخروج من هذي العقدة القديمة، وده دليل على إصرارك الجميل. العقد النفسية من الطفولة زي الجذور اللي بترجع تنبت لو ما اقتلعناها صح، وفهمك إنها ماضي خطوة كبيرة، بس التصالح مع النفس لوحده مش دايماً كفاية لأن العواطف بتحتاج "إغلاق" حقيقي. هل الحديث مع المسبب كفاية؟ مش وهم خالص، ممكن يكون خطوة قوية لو كان آمن ومفيد (يعني مش هيأذيك أكتر أو يرفضك)، زي طلب الاعتذار أو التوضيح، بس لو الموقف عائلي حساس، فكري في مخاطره أولاً. جربي تكتبي اللي عايزة تقوليه في رسالة (حتى لو ما تبعتيهاش)، ده بيخفف الضغط كتير. بدل التصالح لوحده، جربي دول عملياً: من منظور إسلامي: استغفري الله كتير وقولي "اللهم إني أعوذ بك من هم الهم والحزن"، وادعي ربنا يشفيكِ ويبدل السيئ بالحسن. خطوات يومية: كل يوم اكتبي 3 أشياء إيجابية عن نفسك النهارده، وركزي على بناء حياتك الحالية (هدف صغير زي هواية جديدة أو رياضة خفيفة). لو رجعت العقدة: حددي الزناد (مثل ذكرى معينة) وقاطعيها بتذكير فوري: "ده ماضي، وأنا دلوقتي أقوى". تصالحك مع نفسك أساس، بس لو محتاجة دعم أعمق، روحي لصفحة الخبراء في Fedni (fedni.net/experts) وابحثي عن متخصص نفسي أو مدرب حياة لجلسة خاصة. كمان، دوري في Fedni على أسئلة مشابهة عن "عقد نفسية طفولة" هتلاقي إجابات كتيرة مفيدة. أنتِ قادرة تتجاوزيها، خطوة بخطوة. لو عايزة تفاصيل أكتر، قوليلي! 💕
تم النشر السبت، ٩ مايو ٢٠٢٦
ومين قال انك لو صارحتي عائلتك هتكون اتحلت المشكلة ؟ بل ممكن لو قلتي تتسبب في اضرار ..... نصيحتي ان لو كان حصل معصية أو وقع عليك ظلم انك توكل الأمر لله وتودع السر لله وتكون مع الله صادق فهو سيسترك ويعافيك ويوفقك إلى الجنة بإذن الله .... التزم مع الله
تم النشر الاثنين، ١١ مايو ٢٠٢٦
نعم التصالح مع النفس والتعايش كفاية، صدقًا لو تكلمتي مش هيفيد بـ حاجة وكمان بتقولي من وأنتِ صغيرة يعني أصلًا الـ سببلك عقد إحتمال كبير مش فاكر ولا بيفكر في ألمك الفكرة مش بيكون فاكر الألم إلا صاحب الألم، تخطي وتصالحي جدًا وسامحي عشانك وعشان تكوني أفضل وتكوني بخير🤍
تم النشر الأحد، ١٠ مايو ٢٠٢٦
لعرض السؤال في فدني اضغط هنا