كيف أتعامل مع أبي وأنا أكرهه ولا أستطيع أن أحبه؟

Question

السلام عليكم أنا بنت عندها 17 سنة بابايا مسافر من وأنا لسه جنين بيسافر سنتين ويجي يقعد شهرين بس وطول الشهرين أصلا بيجي ناس بتفضل قاعدة زيارات عليه وطول النهار والليل ومش بيقوموا حتى لو بابايا عاوز ينام عاوزين من الحاجات اللي بابا بيجبها عاوزين ياكلوا طبعا فقضينا السنين واحنا على هذه الحال بابا مش بيرضى يقولهم حاجة ولا يطردهم لأن بابا فاكر ان لما يقولهم كده تبقى من قلة ذوقه فنتج عن ده ان انا واخواتي اصغر مني سنا مبقناش عارفين نقعد مع بابانا ولا نتفاهم معاه ولا نشوفه غير قليل جدا ولما كبرنا ودخلنا في مرحلة المراهقة بابا مسافر ومش موجود معانا واحنا كبرنا من غيره اتعودنا على ماما بس هي كل حاجة ودا أثر في بابا جدا لأن لما جيه ينزل أجازة وبدأ يقعد معايا أنا واخواتي يكلمنا ويتفاهم معانا كأب لولاده إحنا يا جماعة حاسين أنه غريب عننا وحاسينه ضيف هيجي شوية ويمشي مش حاسين بأي مشاعر أبوة من ناحيته والحب كله رايح للأم دا طبعا عمل مشاكل بينا وبينه كتير جدا لدرجة أنه كره أمي وبيتعارك معاها كل يوم وبيقولنا انه بيكره مامتنا وبيحبنا احنا ودا جعل فجوة كبيرة بينا وبينه مش عارفين نسدها لحد دلوقتي وكل لما ينزل بيبقى في مشاكل كتير زي نظام الحياة هنا في مصر مش زي بره وهو يعتبر طول عمره عايش بره فعايز يعيشنا زي بره واحنا كنا اتعودنا وكبرنا خلاص على نظام مصر هنا من حيث بقى الاكل والشرب وطريقة التعامل حرفيا عاوزنا نعمل زي بتوع بره ودا مش نافع معانا لأن احنا اتربينا من غيرك واتربينا في مصر فأنت جاي بعد ما خلاص كبرنا وعاوز تغير مننا وهكذا بقى مشاكل مش بتنتهي معاه وأنا مش عارفه أحبه ولا أتقبله وبهرب منه ومن القعدة معاه وحاسة اني مقصرة جدا في حقه لأني يامة كنت بقف مع ماما ضده لأني كنت بحسه غريب أنا مش عارفة اعمل ايه تجاه بابا نفسي أحبه زي باقي البنات ما بتحب أبهاتها

Accepted Answer

وعليكم السلام ورحمة الله وبركاته طب ايه رأيك تكوني انت المبادرة في الموضوع يعني زي ما الاخوات قالوا ابعتيلوا ازيك يا بابا عامل ايه وصحتك عامله ايه انت وحشنا اوي وافتحي معاه كلام عارفه ان الموضوع غريب عليكي في الأول بس فكري كأنك بتتعرفي عليه لأول مرة مثلا لمت يجي من السفر اعرضي عليه ياخدكم فسحه او مصيف دا هيعمل ذكريات كتيرة اوي معاكوا حاولي قربوا منه وعرفوه انكم بتحبوه هو وماما اقعدوا سوا واتكلموا واتعرفي عليه من جديد وكمان ممكن تجربوا تتكلموا سوا فيديو بحيس ان يكون في واقعيه اكتر وشويه شويه هتلاقي المسافات الي بينكم وكل الحواجز دي طارت في الهوا ومعتش ليها أثر ربنا يخليه ليكم ويبارك فيه والدك بيحبكم والله عشان كدا متغرب وشقيان الانسان مش بيختار الشقى باديه غصب عنه اكيد

Answer

طبعا حقك انك تكوني متعودة علي والدتك لكن التمس لاخيك المسلم سبعين عذر مبالك بقي لو والدك هو مش بإيده هو بيعمل كدا عشانك انتي واخواتك انتي متخيله يعني اي واحد يتغرب طول عمره ميشوفش اولاده غير كل فين وفين والله اعلم صحته اي نظامها وكل دا عشان يوفرلك حياة كويسه ليكي ولاخواتك وفي الاخر يشوف المعامله دي هقولك انه بردو صعب عليكوا وبالذات كبنت وانه اب وفي حساسيه في التعامل لكن ليه متحاوليش مثلا تكسري الحاجز وتكلميه اثناء سفره مسدجات حتي كتمهيد حاولي تفتحي معاه اي موضوع اخواتك الاصغر منك هيتعملوا منك صدقيني كل واحد قدامه اختيار

Answer

السلام عليكم ورحمه الله وبركاته طبعا الوضع ده وضع طبيعي جدا بيحصل مع كل الاباء اللي بيكون مغتربين. لانه هم حرفيا مش موجودين وطبعا لما بنختصر التواصل والعلاقه ما بين الانظمه وما بين الولايات على بس لما يبقوا ينزلوا اجازه ده بيخلي الموضوع اصعب. فخلينا نشوف كده ان احنا ممكن نعمله اولا يعني ممكن نعمله ان احنا دلوقتي هو عارفين ان في فجوه طيب احنا لو في عندنا فجع وعندنا حفره بنعمل ايه بنردمها يعني لازم نملاها لازم نملاها بشيء لحد ما الارض ما بيني وما بين اللي على الناحيه الثانيه تتساوى ونقدر احنا الاثنين نمشي خطوات تجاه بعض في كل المساحه المفتوحه دي احنا محتاجين ان احنا نبدا نملا طبعا نملاها بايه اولا اهم حاجه نرميها تحت خالص هو ان احنا نعبر عن اللي احنا حاسينه كل الكلام اللي انت عبرتك عنه دلوقتي ضروري جدا يوصل لوالدك يوصلوا عن طريق مين يوصلوا عن ط فاحنا هنكتب اللي احنا حسينه وهنبعته لبابا لها هنبعثه في الاول خالص قبل اي حاجه عشان يبقى هو اللي هيترمي تحت خالص في الحفره دي عشان لما نحط حاجات تانيه تتحط فوق وتردم عليه وما يبقاش موجود على السطح مع اي مشكله ثانيه نتكلم بكل اللي جوانا ونطلعه يا ريت نعملهم كمان نفس الكلام او لو اخواتي مش حابين يعملوا كذا فانا اوصل انا نفس اللي هم حاسين بيه عن طريق والكلام يوصل لبابا ايا كان رد فعله مش هو ده موضوعنا خالص احنا عايزين نرمي اللي جوانا عايزين نفرج اللي جوانا ونبقى وصلناه اللي قدام لان هو طبيعي جدا ممكن ان هو يكون اللي هو انا ما عملتش كل ده في حياتي او ما عملتش كل ده وما تعبتش نفسي وكنت متغرب وقاعد لوحدي عشان خاطر يبقىريقه احنا ممكن نبدا نتواصل مع بابا في الفتره اللي هو فيها بره وده هيخلي الموضوع اسهل شويه. او مش هنقول اسهل وانا هنقول انه مقبول هنقدر نتقبله شويه عشا ن مش هيكون في مواجهه مباشره. ده مردود ده لانه ده بيكون احساس الاباء طبعا يعني هم شايفين ان هم عملوا شكل من اشكال التضحيه وما بياخدوش بالهم من الاثر بتاع التضحيه دي ان هو ليه اثر سلبي برده يعني فغصبا عنه ممكن تلاقيه بيقول انا ما عملتش كل الجهد ده عشان. ابقى في اخر ده اللي باخده يعني مش مهم خالص رد فعله هيكون ايه المهم ان احنا قلنا تمام دي كده اول خط.بعد كده نبدا بقى نملا الفجوه بكل الحاجات اللي بتتعمل قبل كده ان احنا نجيب من الموقف القديمه فاكر لما كانوا الناس بيجوا يقعدوا معاك في الشهرين بدايل للحاجات اللي ما حصلتش يعني احنا ما كناش بنقعد. مع بعض واحنا صغيرين نتفرج على الفيلم ده وخلاص بقول لك ايه انا دلوقتي في فيلم حلو وممكن ابعث له اللينك بتاعه يكون موجود اون لاين تعال لو انت نتفرج عليه وقولي رايك ايه وانا هقول لك رايي السلسله احنا عملنا ايه عملنا شيء مشترك ما بيننا حتى لو احنا بعاد عن بعض وحسينا ان احنا بنملى الفجوه اللي هي فيها المفروض تقارب احنا كده ما قعدناش مع بعض حرفيا نتفرج ولكن شاركنا بعض بشكل ماكس انا بحبك كذا انا بحب القرايه مثلا انا في اوقات كنت ببقى عاوزه اجي اقعد اتكلم معاك في كذا بيحصل معايا كذا وانا في المدرسه كنت عايزه اقعد احكي معاك انا كنت نفسي في الوقت اللي هو ما بين الاب وبنته يقعدوا يهزروا مع بعض او اقعد في حضنك بس كده وانت واحنا قاعدين بنتفرج على التلفزيون ولكن للاسف محدش كان بيسيب لنا مساحه في ده اتكلم بكل المواقف اللي فاتت علينا المواقف اللي عدت واحنا ما قدرناش ان احنا نحققها وننفذها دي هتبقى من الحاجات اللي احنا هنملى بيها الفجوه دي طيب هنعمل ايه بعد كده؟ نبدا نحط بدايل.

كيف أتعامل مع أبي وأنا أكرهه ولا أستطيع أن أحبه؟

اجتماعية

نفسية

أهل

سؤال من احد أعضاء فدني

تم النشر الخميس، ١٩ يونيو ٢٠٢٥

4 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك