السلام عليكم
انا عندي مشكلة هي اني دايما بحس نفسي قليل فى حاجات كتيره اوي وده بيخلني اهرب للخيال واقعد امسك التلفون وشغل اغاني واللف فى الاوضة واتخيل نفسي وافضل من اي حد واجيب ناس اعرفهم ومعرفهمش معي فى التخيل والغرض بس اني اكون احسن منهم وده بيدني دوبامين كافية يخلي حياتي فى الواقع اسوء حاجه ممكنة وده كمان بيقل ثقتي بنفسي اوي ده غير اني مبعرفش اتصرف فى المواقف الا علي الواقع بكون عبارة عن شخص تايه @Ahmad Belal
حابب أقولك إنها خطوة مميزة إنك قدرت تلاحظ وتعبّر عن اللي بيحصل جواك بالشكل ده. اللي بتوصفه مش ضعف ولا قلة ثقة بس، هو محاولة من عقلك للهروب من الإحباط والضغط عن طريق الخيال، وده طبيعي جداً لما الشخص يحس إنه مش قادر يواجه الواقع أو يحقق فيه إحساس بالإنجاز أو القيمة. فالخيال هنا بيدي راحة مؤقتة وإفراز للدوبامين زي ما قولت، لكنه في نفس الوقت بيخلي الواقع أصعب لأن المقارنة بتكون مؤلمة. اللي نحتاج نبدأ نشتغل عليه هو: تنظيم الخيال بدل ما يكون وسيلة هروب خليه مساحة إبداعية أو تخطيط حقيقي لمستقبلك. إعادة بناء إحساسك بالقيمة الذاتية خطوة بخطوة، من خلال مهام صغيرة جداً تنجح فيها في الواقع، وتدوّنها. وتشارك في ورش تدريبية مفيدة. ملاحظة أفكارك وقت الإحباط: لما تحس إنك "قليل"، حاول تكتب الأفكار دي وتراجعها كأنك بتراجع كلام عن شخص غيرك، علشان تبدأ تشوفها من منظور أهدى. لو معرفتش تلتزم بده أو الموضوع صعب فخطوة مهمة إنك تطلب المساعدة من متخصص نفسي. مشاعرك دي مش غلط، لكن محتاجة تفهمها بدل ما تهرب منها، ومع الوقت تقدر تخلق توازن بين خيالك وواقعك.
تم النشر الاثنين، ١٠ نوفمبر ٢٠٢٥
لعرض السؤال في فدني اضغط هنا