هل ما حدث كان تقصيرًا أم أن الله أراد لي شيئًا آخر؟

السلام عليكم

لو سمحتم انا بجد تعبانه اوي ممكن تحسوا إن السؤال تافه بس هو فعلا مهم بالنسبة ليا جدا

انا كنت في تالته اعدادي السنه دي مجموعي جاب أقل من مجموع الثانوي بنص درجه روحت عملت تظلم طلعلي 20 درجه كنت مستنيه أخدهم علشان ادخل

طلعت هاخدهم كمان اسبوع هيكون اصلا المرحله الاولى خلصت بجد انا ذاكرت اوي و فعلا بذاكر و متحسره على مذاكرتي ماما بتقولي ربنا بيعمل كده علشان يداريكي و محدش يحسدك بس انا فعلا تعبانه و زعلانه اوي

هو في حاجه زي كده فعلا و ربنا يكون عاوز كده ولا ده تقصير ولا ايه بجد والله انا تعبانه و فعلا كنت بذاكر.

وشكرا لذوقكم اوي.

سؤال من Gamila Mohamed

تم النشر الخميس، ١٧ يوليو ٢٠٢٥

4 إجابة

السلام عليكم ورحمه الله وبركاته العشرين درجة كده كده بتوعك وكده كده المكان اللي مكتوب لك هتكوني فيه في الثانوي موجود ولكن ربنا بيسبب الأسباب علشان انت تتواجدي في المكان ده وقدرك يمشي بالشكل ده مش أكتر من كده أنت كان ممكن نفس العشرين درجة تاخديهم وتطلع نتيجتك عادي جدا من غير تظلم لكن ده مكنش هيخليك تتجهي الاتجاه أو الأمور تمشي بالشكل اللي هتمشي به لما الموضوع مشي بالشكل الحالي فهو بيبقى نفس المكان اللي أنا هوصل له ولكن بيبقى له طريق هو اللي هيودينا للمكان ده. فلازم تبقي عارفه بس ان هي بتكون تدابير ربنا مش اكثر من كده علشان نمشي في طريق معين علشان يكون في خطوات معينه نتحرك فيها علشان نوصل للمكان اللي مكتوب لنا فاعرفي انه اكيد ده اللي فيه الخير لك من ترتيبات ربنا مش مسأله تقصير مش عارفه ايه التقصير اللي انت بتفكري فيه ممكن تكون انت اللي مقصره في الموضوع مثلا الامور اللي خاصه بتقصيرنا دي جزء من الاسباب برده مش اكتر من كده ولكن في اسباب اخرى ربنا بيسببها عشان تدابيره في الامر والطريق اللي مكتوب لك تمشي فيه تمشي فيه

تم النشر الجمعة، ١٨ يوليو ٢٠٢٥


وعليكم السلام يا جميلة، أول حاجة حابة أقولك إن خلاص تعبك ومجهودك مش ضايع حتى لو النتيجة طلعت أقل مما كنتي بتتوقعي. أنا فعلاً مقدرة شعور الحزن والإحباط اللي بتحسيه دلوقتي، ومش تافه أبداً إنك تسألي، بل بالعكس، ده دليل إنك مهتمة ومستعدة تتحركي وتعرفي إزاي تتعاملي مع الموقف. خليني أساعدك نحلل مع بعض الموضوع خطوة خطوة: النتيجة والظلم: أنتِ قلتي إنك عملتي تظلم وجابوا لكِ درجات زيادة، دي خطوة صحيحة لأن أحياناً بيحصل أخطاء في التصحيح. بما إنهم وافقوا على زيادة درجاتك، معناه إنك فعلاً مكانتش النتيجة تعبر عن مجهودك الحقيقي. الإحساس بالتعب والمجهود: وجودك مجتهدة وذاكرتي بجد، ده حقيقي شرف ليكي وليكي كل التقدير. أوقات النتيجة مش بتكون شايفة تعبير مباشر عن مجهودنا لأسباب كثيرة، منها عوامل خارجية، وضغط الامتحانات، وربما سوء تقدير في بعض المواد. النصيحة من والدتك: تذكير لطيف إن كل شيء بيد الله، وإن في أشياء كتير من حكم ربنا ممكن ما نفهمهاش دلوقتي لكن هي لصالحنا في النهاية. التعامل مع المرحلة القادمة: ركزى على الترم القادم: طالما الدرجة الجديدة هتضاف قريب، يعني أنك هتكوني في وضع أفضل. المثل بيقول “الغبرة بعد المطر أحلى” — يعني بعد التعب والتحدي، النجاح ممكن يبقى أجمل. تنظيم وقتك والمذاكرة: استمري في تنظيم وقتك وخلي عندك خطة يومية للمذاكرة مع تقسيم المواد حسب أهميتها ومستواك فيها. دايماً حاولي تراجعي نقاط الضعف عندك. راحة نفسية: خدى فترات قصيرة للراحة بين المذاكرة، وخليكي على تواصل مع الله بالدعاء والاستغفار، لأن النفس محتاجة تتغذى روحياً عشان تقدر تستمر. مواجهة الإحباط: إحنا كلنا بنمر بفترات إحباط، بس الرسالة اللي حابة أقولها لكِ هي إن النجاح الحقيقي مش بس في درجات الامتحان، إنما في رحلة العمل على النفس، وتحسينها، وبناء الثقة بنفسك. لو حبيتي ممكن تساعدك خبراء ومتخصصين في تحسين مهارات الدراسة وتنظيم الوقت على موقع فدني. ممكن تزوري قسم الخبراء وتختاري أحدهم للاستشارة، ده هيساعدك فعلاً تبصري الأمور أوضح. وأخيراً، جميلة، نفسي أقولك إن كل حاجة هتعدي بإذن الله، وربنا مع الصابرين ويقدرك على كل الخير اللي بتحبيه. لو حابة نكمل كلام أو عندك أسئلة تانية، أنا هنا معاك دايماً يا غالية 💖.

تم النشر الخميس، ١٧ يوليو ٢٠٢٥


فكرتيني بنفسي لما زعلت على مجموعي في ثانوي ودخلت اكتر كلية كنت بقول مستحيل أخشها وكنت مستقلية بيها، بس حالياً أنا بقولك إن عمري ما كنت هعرف اختار طريق الي ربنا اختاره ليا وعمري ما كنت اتخيل حتى ثانية واحدة إن طريق ده هو طريق نجاحي خلي أملك في ربنا كبير، وخلي عندك يقين إن ده الخير ليكي و أسعي وبس وصدقيني والله ربنا هيجبر بخاطرك وهترجعي تقولي أنا عمري ما كنت هعرف اختار لنفسي ده وجالي احسن ما تمنيت ١٠٠ مرة "عن تجربة"

تم النشر الاثنين، ١٨ أغسطس ٢٠٢٥


مبروك ربنا يوفقك دايما يارب وبعدين مش مهم خلاص الي حصل حصل نحمد الله دايما علي كل حال عشان تاخدي ثواب الصبر واهم حاجة انك دخلتي ثانوي ودي مرحلة جديدة لازم تركزي فيها وترمي الباقي كله ورا ضهرك ربنا يوفقك ويسعدك إن شاء الله

تم النشر الاثنين، ٢١ يوليو ٢٠٢٥

7 تعليق

عجبني رد والدتك اوي🥹🫶

تم النشر الأحد، ٢٠ يوليو ٢٠٢٥


ايوه اللى خلقنا مش هينسانا

تم النشر الخميس، ١٧ يوليو ٢٠٢٥


بصي يا حبيبتي ربنا مش بيضيع تعب حد وكل واحد هياخد نصيبه ودا نصيبك احمدي ربنا

تم النشر الخميس، ١٧ يوليو ٢٠٢٥


متزعليش لكل مجتهد نصيب لو مجتش المرادي ربنا هيديكي الاحسن دايما اهم حاجه متستسلميش و كمان قولي اللهم اجرني في مصيبتي واخلفني خيرا منها💗💖

تم النشر الاثنين، ٢١ يوليو ٢٠٢٥


ان الله ما قدره لا يزعل والله ان الله يحب لكي الاحسن في المستقبل

تم النشر الأحد، ٢٠ يوليو ٢٠٢٥


متزعليش نفسك ، رُفعت الأقلام وجفت الصحف ، أنتِ حاولي لحد الآخر متدخريش أي طاقة وربنا هيوفقك

تم النشر الأحد، ٢٠ يوليو ٢٠٢٥


بصي طالما انتي اخدتي بالاسباب وعملت اللي عليكي ومحصلتيش عليها يبقي ربنا مقدرلك حاجه احسن

تم النشر السبت، ١٩ يوليو ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك