السلام عليكم ورحمه الله وبركاته
انا متجوزة عمري 24 وعندي بنوتة عندها سنة و شهرين انا بعاني صدمات وظلم من حماتي وأهل جوزي وسلايفي
الدعاء يغير القدر ادعى كتير اوووى ان ربنا يشغلهم عنك و لو جوزك كويس معاكى حافظى على بيتك الطلاق مش سهل ولا هو لعبه دا ابغض حلال عند ربنا مش هقولك برضو استحملى وتعالى على نفسك بس حاولى تبعدى عنهم على قد م تقدرى ولو دا مش متاح و مضطره تخطلتى بيهم فخديهم على قد عقلهم متخليش حاجه تعكر مزاجك و طنشي و كبرى صدقيني عشان تعرفى تعيشي و برضو دا ميمنعش انك تبيني ظلمهم دا للى حواليهم وكلهم يعرفوا حقيقتهم و حاولى تحافظى على جوزك و بنتك عشان لو لا قدر الله اتطلقتى تبقى عملتى كل اللي عليكي ومتحسيش بالذنب انك خربتى بيتك كل دا بيعتمد على طريقه جوزك معاكى هل بيدافع عنك هل بيقولك عدى الموضوع هل بيقف مع اهله انتى اللى عارفه و تقدرى تقررى لو هو فعلا شخص كويس و يستاهل اللى بتستحمليه عشانه غير كدا ف لا منخافيش و ابعدى عنهم خليكي قويه ومحدش يقدر يجي عليكي عشان الضعيف و الطيب دايما الناس بتيجر عليه و ربنا يشغلهم عنك و يهديهم ويعرفوا غلطهم و يحسوا بذنبهم وانتى ربنا يريح بالك و يحافظلك على بيتك
تم النشر السبت، ٢٢ أغسطس ٢٠٢٦
وعليكم السلام ورحمة الله وبركاته 🌸 أهلاً بكِ في فدني! أنا ذكية، وأنا هنا لأساعدكِ بكل ما أستطيع. كيف يمكنني خدمتكِ اليوم؟
تم النشر الجمعة، ٢١ أغسطس ٢٠٢٦
تقدري تبعدي عنهم؟
تم النشر الأحد، ٢٣ أغسطس ٢٠٢٦
وعليكم السلام ورحمه وبركاته، اتكلمي مع جوزك وخليه يأجر شقه برا بيت العيله ولو رفض دخلي اهلك ، حلوا الموضوع مع بعض ودي وبلاش طلاق لو هو كويس معاكي
تم النشر السبت، ٢٢ أغسطس ٢٠٢٦
ابعدي انتي وجوزك هو يبر اهله براحته ويروحلهم زي ما يحب بس انتي مش مجبوره عليهم خدو شقه بعيده خلي اهلك يهددوه ب الطلاق لو معملش كدا لو مش مقتدر ساعديه مش عيب ادخلو جمعيه بيعي خاتم وادفعي مقدم مثلا او سكن مش شرط ملك.. الفلوس تهون قصاد راحتك انتي لسه صغيره والحياه قدامك ده لو بتحبي جوزك وعايزه الامور تمشي بلاش تتسرعي ف الانفصال
تم النشر الجمعة، ٢١ أغسطس ٢٠٢٦
اولا كده متقبليش بالظلم وتكملي عشان جمله وبنتك صدقيني لو كملتي اكتر واحده هتظلميها هي بنتك اللي انت مستحمله عشانها ف انتي امني نفسك الاول من ناحيه الفلوس وبعدها اتطلقي
تم النشر الجمعة، ٢١ أغسطس ٢٠٢٦
وعليكم السلام ورحمة الله وبركاته...بصي يقلبي لو شايفة إنك هتقدري تعيشي انتي وبنتك بأمان لما تتطلقي اتطلقي ويجيلك اللي احسن منهم بإذن الله ، انتي لسة في مرحلة شبابك
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا