كنت عام وحولت ازهر ف تالته اعدادي قررت اقسم ف تالته ثانوي مريت بظروف وحشه اوي من تالته اعدادي وانا بعاني من السحر وتعبت جدا ف تالته صحتي بقت وحشه اوي مفيش تخصص مكشفتوش علطول كنت حزينه بدون مبررات بحس بحاجات غريبه كنت بدخل أنسى كل ال ذاكرته والسنادي كان معايا 10 مواد معظمهم مواد علميه دخلت حقيقي كنت ببقى تايهه جدا ف اللجنه وادخل معرفش ولا سؤال كنت بدخل وخلاص بعد ما بطلع مكنتش يراجع بس كان معظم الاجابات تيجي قدامي منها صح ومنها غلط قولت اقصي حاجه اجيبها 70 أو 75 يوم النتيجة لقيت دور تاني قولت مستحيل استنيت لحد ما روحت جبتها لقيتني نازله ف 4 مواد المواد العلميه كلها كنت مصدومه قعدت كام يوم مش مستوعبه وما زلت حاسه اني ف حلم مستوايا مش وحش وعمري ما جبت دور تاني ويشهد ربنا ما رضيت اخد كلمه من حد حاليا لا عارفه اذاكر وكان عندي امل إنه ممكن ادخل اهليه واهلي عاوزين كده لاني الكبيره ف اخواتي ومن سنين واحنا مستنين اليوم ده حسبت مجموعي بعد المعادله لقيته 51 عملت تظلم بس مش عارفه هيرجعلي ولا لا مش عارفه اتصرف حاسه الابواب كلها مقفله ف وشي نفسي ادخل اي كليه طبيه وقالو أقصى حاجه 53 أو 54 لو حد عنده اي حل او اي كليه ممكن ادخلها يقولي.
و دعواتكم لي ربنا يعوضني خير ويهون عليا الفتره دي
جزاكم الله خيرًا.
السلام عليكم، أولا ربنا يعينك وتمر الفترة الصعبة دي على خير، واضح إنك تعبتِ ومريتِ بظروف صعبة، وأيا كان السبب، سحر أو ضغوط نفسية وصحية فقدر الله وما شاء فعل. ركزي على الجاي وواظبي على الأذكار والرقية الشرعية واكشفي عشان تطمئني إن مفيش مشكلة صحية هي اللي أثرت على التركيز وتذكر المعلومات في الامتحانات. *** بالنسبة للنتيجة واختيار الكليات أو المعاهد فالأفضل تنتظري نتيجة التظلم وتركزي على اجتياز المواد الباقية وبعد كده تقارني مجموعك النهائي بالتنسيق لأنه بيختلف من سنة للتانية وكل اللي الناس بيقولوه هيكون مجرد توقعات أو كلام غير مؤكد منهم. ** متفكريش في حاجة أو قرار دلوقتي وأنتِ مشاعرك لسه في صدمة وخدي وقت تهدي عشان تركزي بعد كده مع المواد الباقية واعملي اللي عليكِ وإن شاء الله خيرًا. *** وحطي في بالك إن الثانوية مش نهاية العالم ولا عدم دخولك كلية معينة معناها إنك فشلتِ في حياتك كلها لا قدر الله، دلوقتي ناس كتير مش بتشتغل بشهادتها أصلا، وناس نجحت في مجالات مكنتش متخيلة تدخلها في يوم وكان نفسها في كليات تانية وربنا لم يشأ، ودلوقتي أي مجال عاوزة تتعلميه بقى متاح ومبقاش التعلم والنجاح مقتصر على الدراسة الجامعية. والثانوية زي ما قلت مش النهاية، هي بس بتوجهك لطريق جديد في حياتك وأنتِ في إيدك تحققي فيه النجاح والتفوق إن شاء الله. بالتوفيق.💚💚
تم النشر الأربعاء، ٥ أغسطس ٢٠٢٦
أختي العزيزة، أشعر بمدى الإحباط والصدمة اللي بتمرين بيها دلوقتي، خاصة بعد الظروف الصعبة اللي عشتيها من تالتة إعدادي لحد دلوقتي، والتعب الصحي والنفسي اللي أثر على أدائك في الامتحانات. ربنا يعوضك خير ويفرجها عليكِ، ودعواتي لكِ بالشفاء والتوفيق، فالأبواب مش مقفولة زي ما بتحسي، وكتير من البنات مرّوا بظروف مشابهة وفتح الله لهم أبواب أفضل. بالنسبة لكليات خاصة أو أهلية تقبل من 51%، في مصر الكليات الخاصة بتختلف شروطها حسب الجامعة والتخصص، وبعض المعاهد الخاصة أو الجامعات الأهلية بتقبل نسب أقل في تخصصات زي التجارة أو الآداب أو الحقوق أو حتى بعض المعاهد الفنية والصحية غير الطبية، لكن التخصصات الطبية زي الطب أو الصيدلة أو طب الأسنان عادةً بتحتاج نسب أعلى بكتير، و51% مش هتكفي غالبًا. أنصحكِ تتواصلي مباشرة مع مكاتب القبول في الجامعات الخاصة القريبة منكِ أو تتابعي إعلانات التنسيق الرسمية للمعاهد العليا الخاصة، لأن بعضها بيفتح أبواب للطلاب اللي عندهم ظروف خاصة أو بيقدموا برامج تأهيلية. كمان، ممكن تفكري في إعادة الامتحان أو التقديم على منح دراسية في معاهد فنية صحية زي التمريض أو التحاليل الطبية إذا كان فيه فرص، لأنها قريبة من حلمكِ الطبي وبتفتح مجالات عمل سريعة. من ناحية نفسية، اللي مريتي بيه من تعب وإحساس بالتيه والحزن بدون مبرر ده أمر طبيعي بعد ضغوط كبيرة، وأهم حاجة دلوقتي تركزي على استعادة صحتكِ النفسية والجسدية، سواء بزيارة طبيب متخصص أو باتباع روتين يومي بسيط يساعدكِ على التركيز. ربنا سبحانه وتعالى بيقول "وعسى أن تكرهوا شيئًا وهو خير لكم"، فاستغلي الفترة دي في الدعاء والاستخارة، واعملي تظلمكِ وتابعيه، ولو ما رجعش المجموع، ابحثي عن بدائل عملية زي الدورات التدريبية أو الشهادات المهنية اللي ممكن تطوري بيها نفسكِ لحد ما تفتحي باب جديد. أنتِ قوية، ومستواكِ مش وحش زي ما قلتِ، والظروف دي مش نهاية الطريق. لو عايزة تتكلمي أكتر عن خطوات عملية أو كيفية التعامل مع الإحباط ده، أنا هنا أسمعكِ وأدعمكِ. ابحثي كمان عن أسئلة مشابهة على فدني عشان تشوفي تجارب بنات تانيين. ربنا ييسر أمركِ ويفتح لكِ أبواب الخير.
تم النشر الثلاثاء، ٤ أغسطس ٢٠٢٦
الثانوية مش نهاية العالم و بالعكس ممكن يكون مجموعك خير ليكي
تم النشر الأربعاء، ٥ أغسطس ٢٠٢٦
مفيش كليات غالبًا
تم النشر الأربعاء، ٥ أغسطس ٢٠٢٦
الافضل انك تبحث علي جوجل لأن هنا أغلب الناس متعرفش
تم النشر الأربعاء، ٥ أغسطس ٢٠٢٦
هما بيحسبوا نص الدرجة فقط في الدور التاني ، انتي حاسبة صح يعني ؟
تم النشر الاثنين، ٢٤ أغسطس ٢٠٢٦
60 او 61 قبل المعادله
تم النشر الاثنين، ٢٤ أغسطس ٢٠٢٦
مجموعك في الطبيعي بعد الدور التاني هيوصل لكام ?
تم النشر الاثنين، ٢٤ أغسطس ٢٠٢٦
مطلعليش ولا درجه في التظلم مع اني لما راجعت لقيت ليا درجات كتير وحاليا بمتحن المواد ال عليا
تم النشر الاثنين، ٢٤ أغسطس ٢٠٢٦
عملتي اي دلوقتي؟
تم النشر الاثنين، ٢٤ أغسطس ٢٠٢٦
لعرض السؤال في فدني اضغط هنا