واقعه في ذنب معين ومش عارفه اعمل ايه وكل شوية بقطع وارجع وخايفه ومكسوفه من نفسي و ربنا
السلام عليكم، "كل بني آدم خطاء، وخير الخطائين التوابون" احنا بشر وطبيعي بنقع في الذنوب، فمهما كان ذنبك توبي وكل ما تقعي ارجعي اقفي وتوبي واستغفري ولا تطولي في جلد الذات ولوم النفس عشان الشيطان ساعتها بيتدخل بوساوسه عشان يخليكِ تيأسي من رحمة ربنا. وافتكري دايما: "رُب ذنب أورث ذلا وانكسارا خير من طاعة أورثت عجبا واستكبارا" فخلي خوفك وكسوفك دافع أكبر للتخلص من الذنب والقرب من ربنا وادعيه دايما يثبتك على طاعته وحسن عبادته. بالتوفيق.💚💚
تم النشر الاثنين، ١٤ سبتمبر ٢٠٢٦
باب التوبه مفتوح دائما وربنا غفور رحيم لانه رب كريم الغلط أن احنا نعمل الذنب ومنتوبش ادام احنا الشمس بتطلع علينا واحنا لسه عايشين يبقي لسه في امل وربنا غفار رحيم اغلطي وتوبي واغلطي وتوبي لحد متبطلي خالص ربنا يهديك ويهدينا جميعا
تم النشر الاثنين، ١٤ سبتمبر ٢٠٢٦
أختي العزيزة، أشعر بمدى ثقل ما تمرين به، وأعلم أن الشعور بالذنب والخوف من الله يدل على قلب حي وإيمان قوي بداخلك، فلا تيأسي أبدًا. الله سبحانه وتعالى يقول: "إِنَّ اللَّهَ يَغْفِرُ الذُّنُوبَ جَمِيعًا"، وهو يحب التوابين، فكل مرة تعودين فيها إلى الذنب ليست نهاية الطريق، بل فرصة جديدة للتوبة الصادقة. ابدئي بخطوات عملية بسيطة: اجعلي التوبة يومية بقلب صادق، واستغفري الله كثيرًا خاصة بعد كل صلاة، واقرئي القرآن يوميًا حتى لو صفحة واحدة لتجددي الصلة بربك. حاولي تحديد الأسباب التي تدفعك للعودة إلى الذنب (مثل وقت فراغ أو موقف معين) واستبدليها بعادة إيجابية، مثل الدعاء أو الرياضة الخفيفة أو مساعدة الآخرين. تذكري أن التقدم ليس خطًا مستقيمًا، بل خطوات صغيرة متكررة، فكل مرة تقطعين فيها الذنب وتعودين، أنتِ تكتسبين قوة أكبر. أنتِ لستِ وحدكِ في هذا، وشعوركِ بالخجل من نفسكِ وربكِ هو بداية الشفاء. استمري في المحاولة، وادعي الله أن يثبتكِ ويبعد عنكِ هذا الذنب، فهو قريب مجيب. إذا أردتِ مشاركة المزيد لنبحث عن حلول أعمق، أنا هنا لأساندكِ بكل حب.
تم النشر السبت، ١٢ سبتمبر ٢٠٢٦
والله حضرتك خوفك وكسوفك دوت هو الي ربنا هيجازيكي عليه حسنات إن شاء الله ولكن خوف إيجابي وليس سلبي وان حضرتك بتجاهدي نفسك دا ربنا هيجازيكي عليه حسنات برده دا غير انو حضرتك النيه التي محلها القلب تريد التغير، ف والله ثم والله وبإذن الله ومع ثقتك في ريك ودعائك وخشوعك المستمر سيجازيكي ربك خيرا علي ذلك ويهديكي أن شاء الله واهم حاجه رب العباد يريدها لعباده ليس الخوف الإيجابي من الله بل سرعه التوبه،. إن الله يحب التوابين. وبالنسبه للبعد أو التقليل من الذنب دا لهو طرق عديده لازم تناسب حضرتك عشان تقاومي وتبعدي الذنب دا بكل سهوله إن شاء الله. ولازم تكوني فخوره من نفسك و انك بتجاهدي والبعد عن غرور وانكِ تريدين رجاء الله والطمع في الدعاء إليه.
تم النشر الأحد، ١٣ سبتمبر ٢٠٢٦
ربنا يعينك جاهدي نفسك الله المستعان
تم النشر الأحد، ١٣ سبتمبر ٢٠٢٦
وري ربنا مجاهدتك انك مش حابه دا. انك بتجاهديه عشان بتحبيه واكثري من الاستغفار متفضليش وحدك اعملي ورد بيكي اهم حاجه التوبه توبي توبي بصدق وربنا لما يشوفك بتجاهدي هتقعي وتقومي وتقعي كمان هتيجي لحظه انتي هتبقي كارهه الزنب ومليتي وادعي ف قيام الليل اهم حاجه ان رينا يكرهك ف الزنب
تم النشر الأحد، ١٣ سبتمبر ٢٠٢٦
أنتَ مُرَحَّبٌ بك عِند ربّك مهما جَنَيْتَ على نفسِك! فَعُد .. لا تُطِل في البُعد
تم النشر السبت، ١٢ سبتمبر ٢٠٢٦
حاضر إن شاء الله مش هرجع للذنب دا تاااني ادعيلي
تم النشر الأحد، ١٣ سبتمبر ٢٠٢٦
ماهو انتي لحظة الذنب انتي بتكوني بتحبي المعصية دي بس بعدها يتضايقي انتي اصلا من البداية لما بتروحيلها دا هروب من الضغط أو الواقع بس استبدلي الأمر دا عشان تتحسني وربنا يوفقك ف حياتك ابعدي بجد اسمعي بودكاست علاء حامد معوقات الطريق إلى الله وازاي التزم حقيقي هتستفادي خليكي فاكرة محدش هخرجك من اللي انتي فيه غير نفسك وبس احنا هنا هننصحك ونوقف جنبك بس انتي ربنا رقيب عليكي اكتر. من اي حد احنا مش معاكي لازم تعرفي خطورة الذنب اللي يتعمليه وتعرفي ان دا مش حل الحل انك تزودي طاعاتك ولو الذنب ف الفون تتركيه للفون تماما
تم النشر الأحد، ١٣ سبتمبر ٢٠٢٦
حاضر هفضل احاول بس أنتي عارفه الذنب دا عامل زي المسكن ليا بعدها بضايق بس أنا بلجأ ليه لما أكون مش عاوزه أصلا افكر في حاجه أنتي فاهمه قصدي
تم النشر الأحد، ١٣ سبتمبر ٢٠٢٦
يصي خلينا متفقين. ان كلنا بنعمل ذنوب مفيش حد خالي بس الذنوب مختلفه البني ادم ضعيف احنا محتاجين نجاهد نفسنا إلى ان نصل اننا لو شفنا المعصيه نقدر نقف قدامها بمعنى النفس محتاجه تتهذب واللي بيهذب النفس الطاعات زودي طاعات صدقه بقى قرآن واستغفار اشتغلي نفسك لان بجد لو مشغلتيش نفسك هتقعي وشوفي صحبة صالحه مالقيتش خليكي انتي صاحبة لنفسك انا اهو بكلمك وانا حد من الناس اللي بجاهد نفسي زيك ف اهم حاجه تتوبي وتبقي عارفة ان الذنب دا لو مجاهدتيش نفسك انتي ممكن تموتي عليه ف اي وقت وممكن يدخلك الجنه لو استغلتيه
تم النشر الأحد، ١٣ سبتمبر ٢٠٢٦
مش عارفه أنا مش حابه نفسي كدا وفي نفس الوقت بحس إني ضعيفه أوي لأني بقع تاني
تم النشر الأحد، ١٣ سبتمبر ٢٠٢٦
يعم احنا مش ملايكة استغفري ربنا وتوبي وربنا غفور رحيم متخليش الشيطان يلعب بيكي هو أضعف ما يكون وربنا هيسامحك ويغفرلك ويعصمك من المعاصي إن شاء الله
تم النشر الأحد، ١٣ سبتمبر ٢٠٢٦
لعرض السؤال في فدني اضغط هنا