السلام عليكم ورحمة الله وبركاته
عاوزه أفضفض شويه ومحتاجه حد يفهم وجة نظري معلش أنا عندي 25سنه و 3 شهور لسه ربنا مكتبليش نصيب من الجواز
أنا لسه صغيره في نظري لكن اللي حواليا محدش متفهم دا الحمد الله بيتقدملي ناس بس مفيش حد فيهم شايفاه مناسب ليا معايا بكالوريوس لغة عربية والحمد لله مختمرة وملتزمة إلى حد ما اللي بيتقدمولي يا إما معاه دبلوم يا إما معاه كليه بس بيشرب سجاير أنا رافضه مبدأ السجاير دا خالص يعني حاجه مش قادرة أتقبلها خالص نهائي وقلت ممكن اتنازل واخد واحد معاه دبلوم وبيصلي وعارف ربنا بس حوار السجاير مش هعرف أتقبله بس برضو الموضوع دا حازز في نفسيتي
اخواتي الحمد لله واحد مهندس زراعي والتاني دكتور صيدلي هما أصغر مني بس مبيوافقوش على اللي معاه دبلوم نفسهم أختهم تتجوز جوازه كويسه وحد معاه كليه زيها أنا برضو نفسي يكون معاه كليه عشان لما يقعد وسطهم ميحسش نفسه أقل منهم لانه لو حس دا هيطلعه عليا انا وبرضو ممكن لو جيت اتكلمت مره بدون قصد على حد منهم انه عمل حاجه كده او نجح في شيء ممكن يفتكر اني بقلل منه
معرفش تفكيري صح والا غلط بس الراجل دائما مبيحبش يحس نفس قليل حتى البنت بتحب تحس ان اللي معاها أعلى وأحسن منها
بابا مش فاهمني وبيرمي ودانه لكلام الناس وخصوصا تيتا وجدو ودايما بيتخانق معايا ويقولي هتفضلي قاعده لما تجيبي ال30 ما الشباب كلها بتشرب سجاير والشباب فيها مبيصليش ويتغير بعدين وعنده وعنده وشغال طيب ما الناس كلها عندها وكلها بتشتغل مش عاوزه واحد دكتور انا ولا مليونير عاوزه واحد معاه كليه وبيصلي ومبيدخنش
فحقيقي أنا نفسيتي ساعات بتكون صفر بسبب الحوار الناس كده كده بتتكلم بس عاوزه منكم نصيحه
بصي ربنا سبحانه وتعالى قال ..الطيبون للطيبات... إنتي بنت متعلمة، ملتزمة، وبتحافظي على نفسك، فمن حقك الشرعي والعقلي إنك تطلبي حد كفء ليكي. الكفاءة في الزواج هي تقارب المستوى التعليمي والفكري دي حاجة أساسية عشان المركب تمشي، مش تكبّر أبداً. والصلاة هي عماد الدين، اللي مبيصليش بيبقى فيه خلل في علاقته بربنا، فإزاي هيصونك؟ والسجائر ده حقك تماماً ترفضيها، لأنها بتأثر على صحتك وصحة أولادك بعدين، ومن حقك تعيشي في بيت بيئته نضيفة. وانتي ٢٥ سنة، يعني في عز شبابك! فكرة هتوصلي للـ ٣٠ دي فوبيا بيصنعها المجتمع عشان يضغط على البنات يوافقوا بأي حد. نصيبك هيجي في وقته، ..وعسى أن تكرهوا شيئاً وهو خير لكم... اصبري عشان لما تتجوزي تتجوزي صح، مش مجرد تتجوزي وخلاص وتندمي بعدين. ونظرتك ليكي ولإخواتك صحيحة جداً. الراجل فعلاً بيحس بنقص لو اتجوز واحدة أعلى منه بكتير تعليمياً، وده بيعمل مشاكل وحساسيات إنتي في غنى عنها. وجود تكافؤ بيخلي فيه لغة حوار مشتركة. بصي خليكي ثابتة على موقفك، متتنازليش عن الصلاة، الأخلاق، والتقارب الفكري. استخيري في كل حد يتقدم، ولو مش مرتاحة قولي لأ بقلب جامد. بعتذر عن الإطالة 😊 وجد والله ربنا يحفظك ويسعدك
تم النشر الأحد، ٨ مارس ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أنا فاهمة تماماً وجهة نظرك وأنتِ محقة 100%.. 25 سنة مش كبيرة خالص، ومعاييرك دي سليمة جداً من الناحية الدينية والصحية – الالتزام بالصلاة والابتعاد عن السجاير ده أساس قوي لزواج سعيد. التدخين مش بس عادة سيئة، ده ضرر صحي ويأثر على الأسرة كلها. نصيحتي العملية خطوة بخطوة: الصبر والدعاء : ربنا كاتب لكِ الأفضل، ادعي ربنا كل يوم بعد صلاة الفجر أن يرزقك للزوج الصالح واستمري في تطوير نفسك. وسعي دائرة معارفك : مش كل الشباب زي اللي بيتقدموا.. جربي: الفعاليات الإسلامية أو الجمعيات الخيرية (مساجد، دروس علم). تطبيقات زواج ملتزمة زي تطبيق الصالون. ابحثي في Fedni عن أسئلة مشابهة زي "كيف أجد شريك زواج ملتزم؟" هتلاقي إجابات كتير مفيدة، أو شوفي صفحات الخبراء هنا: https://www.fedni.net/experts – فيه استشاريين زواج وأسرة هيساعدوكِ. مع العائلة : كلمي أبوكِ بهدوء لما يكون هادئ، قوليله "بابا أنا عاوزة اللي يرضي ربنا ويبني معايا بيت طيب، مش هقبل أقل من كده عشان خاطرك أنتِ". أخواتك هيحترموا اختيارك لو كان قوي وصادق. والتعليم مش كل حاجة – الراجل اللي واثق من نفسه مش هيحس بأقل مهما كان، المهم الاحترام المتبادل. رعاية نفسيتك : متخليش كلام الناس يوصلك، هما كمان عندهم مشاكلهم. مارسي رياضة خفيفة زي المشي، أو اكتبي يوميات شكر لربنا كل يوم عشان نفسيتك تبقى أقوى. اللي يستاهلك هيجي في الوقت المناسب، وهيكون أحسن مما تتخيلي. لو عاوزة تفضفضي أكتر أو نصيحة شخصية، قوليلي! 💕 ربنا يرزقكِ الزوج الصالح قريب إن شاء الله.
تم النشر الأحد، ٨ مارس ٢٠٢٦
الحل في النقاش بهدوء وبشكل مقنع مع الوالد لتوضيح وجهة نظرك مع لفت نظره للأحوال من حولكم وكيف يكون الاختيار السيء خراب على الجميع وليس الزوج أو الزوجة فقط ونصيحة تابعي دورة البيت المسلم لأيمن عبد الرحيم ستعينك كثيرا في تحديد معايير الزوج الصالح
تم النشر الثلاثاء، ١٠ مارس ٢٠٢٦
انت صح و اثبتي على مبادئك و اوعي تتنازلي عن اي طلب من طلباتك
تم النشر الأحد، ٨ مارس ٢٠٢٦
السلام عليكم - انتي صح وانصحك بلاش تتخلي عن مبادئك اللي هي صح وترضي ربنا وانتي فعلا لسه صغيرة وان شاء الله ربنا هيرزقك بإنسان علي دين وخلق بلاش تتسرعي وسيبك من اي كلام لان انتي اللي هتتجوزي مش حد تاني وانتي اللي هتعيشي فمن حقك تختاري اللي يناسبك وادعي ربنا في الايام المباركة دي ان يرزقك بالزوج الصالح- رمضان كريم
تم النشر الأحد، ٨ مارس ٢٠٢٦
قيام الليل كل يوم ركعتين يأتي بها الله مجربه يا اختي
تم النشر الأحد، ٨ مارس ٢٠٢٦
أنتي صح أدعي ربنا يرزقك بالزوج الصالح و متنزليش على م بادئك
تم النشر الأحد، ٨ مارس ٢٠٢٦
اول مره اشوف بنت بتفكر صح انتي تعرفي سبب المصايب اللي الناس فيها اي انهم اتخلو عن مبادئهم وبقو يتجوز اي حد وخلاص بيشرب سجاير بقا مخدرات وف الاخر بيطلقو ومحاكم وقرف انت صح اثبتي على رايك بدل ما تتجوزي جوازه تندمي عليها طول حياتك+انك هتكرهي اهلك غصب عنك اه والله زي ما بقولك كدا هتكرهيهم لانهم اللي ضغطو عليكي تتجوزي
تم النشر الأربعاء، ١١ مارس ٢٠٢٦
انتي صح ومش غلط خالص هو في بعض الأهالي كدا انتي نصيبك هيجيلك في وقتك انتي بس ادعي ربنا كتير جدا وادعي بالدعاء ده اللهم ارزقني زوجا صالحا يصب عليا الحب صبا صبا و يكون عابدا لله اللهم اجعله تقيا نقيا غنيا لا تشفي في صحبتيه ابدا
تم النشر الأربعاء، ١١ مارس ٢٠٢٦
ايوة تفكيرك صح و الرسول صلي الله عليه وسلم قال: بدأ الإسلام غريبًا و سيعود غريبًا كما بدأ فطوبي للغرباء. حاولي صلي الصلاة في وقتها و منهم الفجر و كل يوم ورد صغير من القرآن حتي لو سورة قصيرة و قيام الليل و الدعوات فيه مُستجابة بإذن الله و أثناء السجود أقرب ما يكون العبد لربه و هو ساجد و الأذكار الصباح و المساء و الباقي ، و باباكي شكله غير قابل للنقاش أدعيله معاكي و بإذن الله يحصل الي تتمنيه و أقدار ربنا كلها خير .🤍
تم النشر الأحد، ٨ مارس ٢٠٢٦
لعرض السؤال في فدني اضغط هنا