الولد اللي بحبو كان جميل معايا قبل ما نقرر ندخل علاقه ونرتبط هو كان بيهتم وبيسأل وبيخاف عليا وكانت كل صفاتو حلوه ف انا حبيتو لكن بمجرد ما اعترفلي وقررنا نرتبط بقى حد تاني ومبقاش مهتم ولا بيكلمني كتير وطول اليوم مع صحابو وبيرجع ينام وطول اليوم ميعرفش حاجه عني غير اني عايشه والموضوع اتطور وبقى يقعد باليوم والاتنين ميكلمنيش هو قبل مني اتخذل ف هل هو خايف اني اعمل كده ولا ده عادي ولا انا المفروض اعمل ايه
حبيبتي احنا كبنات غاليين اوي وارتباطك بيه بيقلل من قيمتك حتي لو في حدود هو دلوقتي بقي صامن وجودك لو بيحبك بجد هيتقدملك وهيحاول ويعافر مهما كانت الظروف انتي سيبي وصدقيني من ترك شيئا لله عوضه الله خيرا منه ابعدي عنه واقربي من ربنا وهو لو اتقدملك خلاص يبقي النوضوع رسمي ولو متقدمش انسي وكملي حياتك حتي لو هيبقي صعب عليكي بس وجع فراقه مش اصعب من نار جهنم وهو مش هيشفعلك يوم القيامه وربنا يصلح حالك يا قمر
تم النشر الاثنين، ٣٠ يونيو ٢٠٢٥
يا ست البنات خلينا عارفين ان العلاقة الي بتبدأ بما لا يرضي الله ها تنتهي بما لا يرضي الله خليكي غالية اوعي ترخصي نفسك لحد لو بتعشقيه حتى إيام الرسول صلى الله عليه وسلم والصحابه ما كنش فيه حاجة اسمها ارتباط غير شرعي واحنا لازم نمشي على خطايا الرسول وامنا عائشة فا يا حبيبتي طنشي خالص وأبداي من الاول واقعدي بيتك ملكة معززة مكرمة لحد ما يجيلك الراجل الصح مش ها قول الذكر الصح لان الذكور كثرت الرجال قلت وطبعا فيه فرق خليكي قاعدة في بيتك جوهرة علشان الي ياخدك يعرفك انك كنتي ملكة في بيت اهلك ياخدك يعيشك ملكة في بيته وفيه قلبه ويارب اقدر افيدك
تم النشر الأربعاء، ٢ يوليو ٢٠٢٥
و مين اصلا قال ان ده حب او هو حبك فعلا المفرود يبقى عندك ادراك ان البديات مش بدوم و بصراحه شئ متوقع خلاص ارتبطو ف مفيش حاجه جديدة انه يكمل ان كان صادق فعلا مش هيتغير معاكي انصحك انتي كمان تسبيه و متهتميش ولا تسأليه حتى فينك او ليه بتغيب او اي حاجه و كان الموضوع عادي ولا فارق معاكي صدقيني هتلاقيه هو الرجع يهتم و يسأل بس سعتها متديهوش وش
تم النشر الاثنين، ٣٠ يونيو ٢٠٢٥
بس في العموم الاحسن ليكي و ليه طالما انتوا فعلا بتحبوا بعض يبقا امشوا في الطريق اللي يرضي الله سبحانه و تعالي احسن من كل الكلام ده
تم النشر الخميس، ٣ يوليو ٢٠٢٥
ثانيا بقا هو ممكن يكون خايف فعلا زي ما انتي بتقولي او مممن يكون عاوزك انتي اللي تبدأي و انتي اللي تسألي و انتي اللي تظهري الاهتمام و ده ليه علاقه بالخذلان اللي هو اتعرضله على فكرة
تم النشر الخميس، ٣ يوليو ٢٠٢٥
بصي هو اولا لو هكلمك في الصح ان الموضوع من بابه حرام و لا يرضي الله ده اولا
تم النشر الخميس، ٣ يوليو ٢٠٢٥
الموضوع سهل جدا واسهل من ما ييجي علبالك..(عززي نفسك)
تم النشر الأربعاء، ٢ يوليو ٢٠٢٥
بص لو بقا كدا فعلا يبقا كان بيسلى
تم النشر الثلاثاء، ١ يوليو ٢٠٢٥
بصي يا أختي خلينا متفقين إن أي علاقه بدايتها لاترضي الله نهايتها لا ترضيكي فنصيحتي إتركيه وخلي اللي فعلا عاوزك يبجي يطلبك من أهلك لاكن اللي إنتي بتعملوه ده بتستهلكوا مشاعر بعض علي الفاضي.
تم النشر الاثنين، ٣٠ يونيو ٢٠٢٥
لعرض السؤال في فدني اضغط هنا