انا جوزي مش شايل هم حاجه مش شايل مسؤليتي انا وبنتي ومش عايز يشتغل قاعد في البيت بقالو اكتر من سنه ولولا ستر ربنا معانا كنا موتنا من الجوع
انا بقيت كل يومين عند اهلي وهوا ولا بيسأل علينا انا بقيت مش طايقاه وعايزه انفصل منه بس برجع في كلامي وبقول بنتي ايه ذنبها وان في بينا عشرة بس والله العظيم انا من جوايا عايزة الانفصال بس بجبر نفسي اني أكمل معاه
انا نفسيتي تعبت من التفكير في بنتي مش فيه هوا، هل ضيعت نفسي عشان بسامحه وبعديله او موضوع طبيعي ان الست لازم تصبر وتعيش مع جوزها الحلوه والمره؟
فيدوني افادكم الله انا محتاجه نصيحه
السلام عليكم لو ده وضع استثنائي وهو مكانش كده فانتى تتحملى معاه وربنا هيأجرك ان شاءالله لحد ما الاوضاع تتحسن لو هو كده من البداية ومش فاهم يعنى ايه انه يعول الاسرة ...يبقى لازم يكون ليكى وقفة الزوج الغير مسئول هيكمل ويبقى اب غير مسئول وبنته هتعيش معاه وهى كل حاجة ناقصاها ....ساعتها انتى مش هتكونى بتقدمى لبنتك اى حاجة بالاستمرار معاه بالشكل ده ومش هقولك انفصال على طول خدى كذا موقف وحكمى الكبار ...افعاله هتحدد اذا كان حتى هيحاول يجتهد ويصلح الاوضاع ولا مش هيفرق معاه حاجة وقتها هتقررى بضمير مرتاح اذا هتكملى او تنفصلى
تم النشر الأربعاء، ١٧ سبتمبر ٢٠٢٥
مفيش حاجة احب إلي الشيطان من التفريق بين الزوجين رأيي الشخصي اصبري لكن مع عدم الاستسلام من أنه يتغير حاولي كتير . لكن قبل كل ده شوفي هو ماله يمكن يكون أثر نفسي أو زيادة ضغوط ف خلته استسلم وفاقد الامل وقال بالبلدي كده مفيش حاجة جايبه همها .. ممكن من كتر الضغوط النفسية والاجتماعية والاقتصادية ال عليه خلته كده ف المهم حاولي تلعبي ع النفسية شوية واتعبي معلش كتر المحاولة بيجيب نتيجة انتي أساس البيت ومن غيرك البيت ملوش قيمة ف لو بتحبيه اتعبي اكتر معلش والجزاء والثواب عند ربنا وصديقتي ربنا مبيضيعش كل عمل نيته خير
تم النشر الجمعة، ١٩ سبتمبر ٢٠٢٥
إن شاء اللَّـه ربنا يصلح بينكم ويريح قلبك... حاولي تدخلي طرف تالت ويكون جوزك بيحترمه وحد كبير والحوار يكون سر بينكُم خلاص دي كده نقطة النقطة التانِية إنتي لازم تخلي جوزك يشيل معاكي المسؤلية حتى في تربية البنت فهماني يعني متقوميش إنتي بدور كل حاجة لاء واحدة واحدة خليه يقوم بالمسؤلية يعني إعرفي اي واجباتك وقومي بيها وإيه هي حقوقك وتساعديه إنه يقوم بيها بردك انتِي فهماني... و ارجوكي بلاش ترمِي اللوم عليه هو نفسه لإن الحوار ده لا بيقدم ولا بيأخر وشوفي لو تعرفي حد معرفة يقدر يجبلو شُغل هتكون حاجة كويسة وعيشي على القد وان شاء الله ربنا هيصلح الحـال. ربّ يبارك فِيكم وفي البنوتة ويحفظها ويصلح بينكُم.
تم النشر الأربعاء، ١٧ سبتمبر ٢٠٢٥
أختي العزيزة، أولاً أود أن أقول لكِ أنني أشعر بعمق بما تمرين به من ألم وصعوبة، وأعلم أن وضع مثل هذا يمكن أن يكون محيرًا ومُرهقًا جدًا، خاصةً عندما تكونين المسؤولة عن ابنتكما. دعيني أساعدك في تفكيك الموقف قليلاً: حقوقك وحقوق ابنتك ربنا خلق الزواج على أساس المودة والرحمة والتكافل بين الزوجين. من حقك كزوجة وأم أن تعيشي في بيئة آمنة ومستقرة نفسيًا وماديًا. المسؤولية ليست على عاتقك فقط، بل على زوجك أيضًا. ترك الزوج مسؤولياته وترك الزوجة وحيدة في تحمل الحياة ليس من العدل ولا من الإسلام. تأثير الوضع على نفسيّتك أنك تشعرين بالتعب والإرهاق النفسي طبيعي جداً. العيش في وضع لا يوجد فيه دعم مادي أو عاطفي يؤدي إلى إضعاف الصحة النفسية ويؤثر على جودة حياتك وحياة بنتك. أن تستمرّي في هذه العلاقة بينما قلبك غير مرتاح قد يخلق توتراً مستمراً بينكم ويؤثر سلبًا على طفلتكم. مصلحة ابنتك أولاً بالتأكيد تفكيرك في مصلحة بنتك رائع ولا شك فيه، لكن تذكري أن سلامتك النفسية واستقرارك هو جزء أساس من مصلحة ابنتك. وجودك أنت قوية وسعيدة يجعلها تنعم ببيئة أفضل. أحيانًا الانفصال يكون الحل المناسب عندما لا يكون هناك تعاون ومشاركة حقيقية من الطرف الآخر. الصبر في الإسلام لا يعني التحمل الدائم الصبر قيمة عظيمة في ديننا، لكن الصبر لا يعني أن تصبري على الظلم أو المعاناة بدون أفق. الله يكرم المرأة ويحفظ حقوقها. لو كانت الحياة مع زوجك سبباً للأذى النفسي أو الجسدي أو المادي، فمن حقك تقييم الأمور واتخاذ القرار الأفضل لكِ ولابنتك. نصيحتي لكِ العملية: فكري بجدية في مستقبلكم، وحاولي البحث عن مستقلية مادية ولو بسيطة؛ لأن الاعتماد الكامل على زوج غير مسؤول ضار جدًا. لا تترددي في استشارة خبير نفسي أو اجتماعي للتحدث عن مشاعرك ورأيك في الاستمرار أو الانفصال، في موقع فدني يمكنك إيجاد خبراء متخصصين يساعدونك. تحدثي مع محامين أو مختصين لبحث حقوقك القانونية وحقوق ابنتك لضمان حقوقكم في حالة الانفصال. فكري في الأفضل لطفلتك في بيئة مستقرة، وهذا قد يعني بيئة مستقلة عن زوجك إذا لم يكن يتحمل مسؤولياته. أنت لستِ وحدك، والقرار لكِ والزمن دائمًا كفيل بأنه يوضح الأفضل. لا تضعي نفسك في موقف تستمر فيه المعاناة فقط من أجل الاستسلام، بل احرصي على أن تكون حريتك وسعادتك جزءًا من حياة ابنتك. إذا أردتِ يمكنني مساعدتك في البحث عن خبراء متخصصين في موقع فدني يتابعون مثل حالتك حتى تستشيريهم بطريقة شخصية. أنا هنا معكِ، ويمكنك دائمًا سؤال أي شيء يخطر في بالك. ❤️
تم النشر الثلاثاء، ١٦ سبتمبر ٢٠٢٥
الحل هو بالمصارحة جيبي حد عاقل من أهلك وفي قعدة صراحة توصلوا لحل نهائي
تم النشر الأربعاء، ٢٤ سبتمبر ٢٠٢٥
هو كده من اول متجوزتو ولا اتغير فجاه لو اتغير فجأه وحولي تقربي منو تشوفي اي السبب ادعيلو ربنا يصلح حالو حولي تدعي للبيت وقيام اليلل دا حاجه جميله اووي بتعمل معجزات
تم النشر السبت، ٢٠ سبتمبر ٢٠٢٥
لعرض السؤال في فدني اضغط هنا