انا عارفه ان الارتباط حرام. انا بعد ما خلصت الثانويه كنت حاسه بفراغ كنت حابه اجرب شعور الحب كنت بقاوم شعوري بس مقدرتش حاولت كتير لغايه ما قولت اجرب وفعلا عملت كده بس حتى وانا كنت في العلاقه ضميري كان بيأنب فيا وكنت دايما مشتته وخايفه من ربنا بس كنت برجع تاني للغلط ده العلاقه استمريت تلت ايام وانفصلت عنه لاني مقدرتش استحمل عذاب ضميري وده غير كان بيطلب حجات خاصه فا ده خلاني اسيبه لاني كنت عايزعايزه احس بالامان مش كده فضلت في دايره اني اكلم شباب بس كلام عادي عن المجتمع والمشاكل بس كان في واحد ارتحت ليه وبات انجذب ليه كل لما احاول ابعد مقدرش قعدت شهر معاه كنت حاسه بحاجه حلوه بس بعدت عنه لاني خوفت من ربنا يبتليني بشئ او يحرمني من حاجه بحبها بس انا عايزه ارجع تاني ملحوظه ان هو شخص متزوج وكمان معاه اطفال وانا لسه طالبه جامعيه بدات افكر ان عادي لو ارتبط بيه ونبعد بس بخاف مقدرش ابعد عنه
شوفِي تأنيب الضمير اللي هيجيلك بعد وقوعك فِ الذنب مش هكون بأڤور لو قولتلِك هتفتكري كل حاجةة وهتخافي تتجوزي جوزك يخونِك او يقصر مع ولادك بسبب واحده تانِيةة،بلاش بجد متأذيش نفسك وإحفظي الأمامةة اللي ربنـا مأمنِك عليها لغايت ما يستردها تانِي. انجذابك للجنس الأخر مش حاجةة وحشةة بس خلي كل إحساس نفسك تجربيه مع جوزِك الاحساس هيكون أول مره تلقائِي كده حِلو هيعبجك صدقيني حتى لما تقولِيلو بحبك هتطلع من قلبك مش هتطلع كلمةة عادِيةة كده وخلاص،احفظي نفسك متكونيش بني أدمة مسنذفَةِ المشاعِر أي علاقةة بدايتها لا تُرضي اللّه نهايتها لن تُرضيكِي ومـا عنِد اللّه لا يؤخذ إلا بطاعته ورضاه. ربّ يحفظك ومتنسيش إحفظِي الأمانـةة لغايت ما ربنـا يستردها وذكِي نفسِك.
تم النشر السبت، ٧ أكتوبر ٢٠٢٣
خلينا نتفق علي ان الاحضراتك حس بيه دا امر طبيعي المشاعر الحب العاطفه كل دا طبيعي وأمر محمود واد طبيعة ربنا وضعها فينا ولكن هي باختلاف من شخص الآخر بمعني ان العاطفه والاحتياج عندك ممكن يكون غير شخص آخر اي زياده ولكن ذاي احافظ علي نفسي من للاستهلاك ماهو انا لو تركت نفسي كل شوي هحب واحد شكل موش هعرف اختار صح ولكن لابد انك تسيطري علي شعور والاحتياج وذلك من خلال عن تجربه بلاش تكلمي في الحب أو تسمعي اغاني رومانسيه أو قصص رومانسيه قربي من ربنا اوي اوي .ومن الحاجات جميله انك قولتي ان ضميرك بيأنبك ودا في حد ذاته كويس جدا وانك محترمه حفظي على نفسك وانتي ماشي في مرحلة حياتك هتقبلي إلا شبهك إلا يحبك إلا ينفع يكون زوج اب وساعتها هيكون المخزون العاطفي إلا حضرتك محافظة عليه موجود وتقدري استهلاكية في صح بلاش علاقات مفيش منها اي فائدة كلها بتسيب تركمات البنت المحترمة موش مطلوب منها ان يكون عندها خبره سابقه بناءا علي علاقة سابقة الرجال هو المطلوب منه كده علشان يعرف يحتوي ويتعامل.... "رجاءا حافظي على نفسك ،سمعتك وسط الناس ،اهلك .فكل ما تحلمي بيه آت إن شاء الله" تحياتي 😊
تم النشر الأحد، ٨ أكتوبر ٢٠٢٣
لأ طبعا ابعدي انتي كدا بترخصي نفسك وكما تدين تدان انتي كدا مش بتظلمي أسرته انتي بتظلمي نفسك حتى لو ناقصك أمان الأفضل انك تبعدي ومينفعش أي حد تحكيله عن مشاكلك كيف يبقى عنده أسره ويكلمك عادي كدا عادي الأهم انك تبعدي ومترخصيش نفسك واستعيني بالله♥
تم النشر الأحد، ١٥ أكتوبر ٢٠٢٣
ماهو حاجه من الاتنين ياما تخربي بيته عشان تعيشي انتي معاه و هل هتبقي كدا مرتاحه وضميرك مرتاح او هيتسلي بيكي لفتره ويسيبك وتبقي علقتي نفسك واستهلكتي مشاعرك ع الفاضي و اظن انت في الحالتين مش هتبقي مرتاحه
تم النشر الأحد، ٨ أكتوبر ٢٠٢٣
انتى فطرتك واساس اخلاقك كويس وهو ده الضمير اللى بيشدك دايما متعمليش كده اخرجى من الدايرة دى لانها عاملة زى الثقب الاسود كده ..اللى بيدخله بيتوه انتى علاقتك ب بابا ايه ؟ وعندك اخوات ولاد ولا لا ؟
تم النشر الأحد، ٨ أكتوبر ٢٠٢٣
طالبة جامعية وعايزة ترتبطي بواحد متزوج وبعدين تسيبيه في علاقة عابرة تشبه زواج المتعة؟ ليه بس عايزة تعملي في نفسك كدة؟ أنت مش بس بتعملي في نفسك أنت كمان بتعملي في أسرة ممكن تدمريها وتبقى خربت بيت واحدة تانية وشتتي أطفالها لأنك مش قادرة تصبري لحد ما ابن الحلال يدق باب بيتك! اسمعي لصوت ضمبرك واتق الله وسيبك من العلاقات العبيطة دي واعرفي أنه كما تدين تدان
تم النشر الأحد، ٨ أكتوبر ٢٠٢٣
طبعا لا شك انك خايفة من ربنا، وخايفة من غضبه وده شئ كويس جدا. وواعية شوية باللي بيحصل، يعني لما لقيتي حد عايز ياخد منك حاجات مش كويسة انتي فهمتي وبعدتي. بس مش لازم الحاجات ديه تكون بطريقة مباشرة. في ناس بتاخد حب، فيه ناس بتاخد مشاعر، فيه ناس بتاخد وقت. مش بس الحاجات اللي ف دماغك بس .. لا الموضوع اعمق من كده. انتي بدوري على الامان، بدوري على الحب، هل الحب والامان بيكون في الضلمة؟ هل الحب والامان بيكون على حساب بيت واسرة؟ انا بأكد ليكي ان الشخص التاني اللي متجوز بيلعب على حاجة اكبر من كده، هي مشاعرك. لحد ما يخليكي تطمني له. وانتي ممكن تكوني ولا اول ولا اخر واحده يعرفها على مراته. وممكن يكون بيكلم 10 معاكي في نفس الوقت. ف انتي فين من ده كله؟ انتي ازاي مخليه حد يلعب بيكي بالشكل ده ومش باصة لنيته الخبيثة معاكي. الامان عمره ما يكون في الضلمة، والحب عمره ما يكون في السر. اتقي ربنا في نفسك اولا .. وابعدي انتي نيتك كويسة من جوه. مضيعيش نفسك ولا تكوني سبب في خراب بيت تاني. حطي نفسك مكانها هل هتقبلي في يوم تكوني مكان الست دي؟ اكيد لا.
تم النشر الأحد، ٨ أكتوبر ٢٠٢٣
هو اداني اشاره اني اتخطى الحدود معاه احنا كنا بنتكلم في جروب عام بس بعد كده بدانا نتكلم خاص انا بس حبيت انه احتواني وعرف تفكيري ازاي مش فاهمني غلط اهلي دايما بيفهموني غلط وواخدين عني فكره اني منفعش لحاجه واني مش هكون ست بيت بس هو اتعامل مع الموقف بحرص شديد انا حسيت اني محتاجه شخص ذي ده في حياتي بس انا عمري ما فكرت ان ابعده انا كنت عارفه انها علاقه وهتخلص.
تم النشر الأحد، ٨ أكتوبر ٢٠٢٣
كويس جدا إن ضميرك بيأنبك ولسه فيه حاجه جواكي بتحاول تبعدك عن الغلط ، حاولي تشغلي نفسك اقفلي سوشيال فترة ، خدي كورسات ، اشتغلي ، اقرأي كتب ، وصلي وادعي ربنا كتير انه يبعدك عن الذنب ده ويكرهك فيه
تم النشر الأربعاء، ١١ أكتوبر ٢٠٢٣
بصى مش هقولك حرام ولا وكده.... كل اللى هقوله انك اولا بتغلطى فى حق نفسك ..... حطى فى بالك كل ساقى سيسقى بما سقى... مش قدها انتى انك تتحطى فى الموقف ده ...... بتستهلكى نفسك ومشاعرك بدون هدف وبدون داعى .. احنا ليه بنفكر كتير فى اللى ناقصنا.... طول ما احنا بنفكر فى ده طول ما احنا شعور بالنقصان مش هيفارقنا... ده غلط والله... وانتى كده فعلا بتوجههى مشاعرك فى الاتجاه الغلط... وعلى فكرة لحد قريب كنت بتكلم فى قصه ايه المشكله انه يتجوز تانى ... حرفيا وده اللى انصدمت لما عرفته ان الموضوع له ضوابط معينه مش يتجوز تانى وخلاص كده .... بلاش نكون لينا يد فى إننا نظلم حد عشان الدنيا مرهقه بما فيه الكفايه مش متحمله حد يرد لينا اللى احنا عملناه
تم النشر الأحد، ٨ أكتوبر ٢٠٢٣
لعرض السؤال في فدني اضغط هنا