انا وخطيبي مخطوبين بقالنا اسبوعين المهم انا لقيت فيه كل الحاجات اللي عايزاها واكتر وهو بيحبني بطريقه كبيره دلوقتي هو انسان صريح ولكن غامض بس معايه أنا لا
يعني هو بيتكلم اي الي هيحصل ما بينا بعد الجواز ومفهمني انو عمرو ما هيعملي حاجه غصب عني وانو عمرو ما هي جرحني
فهل ده صح اننا نتكلم فكدا ولو غلط اصارحه ازاي من غير ما أوجعه
السلام عليكم ورحمه الله وبركاته اولا اسبوعين دي فتره قصيره انك تقولي بقى ان هو في كل الحاجات اللي انا عايزاها بيحبني بطريقه كبيره خليني اقول لك انه لو انت ما تعرفيهوش قبل الاسبوعين دول وحتى لو تعرفي لا التعامل بقى في علاقه رسميه الموضوع بيظهر جوانب من الشخصيه ضروري جدا تكوني حاضره فيها اللي انت بتقصديه غالبا ان انتوا ان هو بيتكلم على حاجات تخص العلاقه الزوجيه او العلاقه الحميميه ما بين الزوجين فاا مهما كان الشخص قد ايه ايميل ومحترم لا احنا محتاجين نحط حدود ليه عشان ده اللي ربنا قال عليك علشان هو ده الصح يعني الكتير جدا من القصص اللي يعني انتهت بشكل مش خطير بسبب البدايات. اللي تخص الموضوع ده والكلام ده وانه يكن يكون في مجال بالشكل ده للكلام ده الكلام ده غلط وما فيش داعي انه مش هيودي ومش هيجيب ومش هيحسن العلاقه ما بينكم ومش هيخليكوا تتعودوا على بعض اكتر ولا اي حاجه من اللي بتتقال ولا اي كلام من ده هو ممكن يقوله لك تبريرا لفتح مجال للكلام ده فخلينا كده نبقى واضحين جدا حابه انك توضحي له ان الكلام ده لازم يوقف انت قلت ان انتوا بقى لكم اسبوعين وهو اتكلم في الموضوع. خلا اا ودي بتبقى من النقطه المهمه جدا ان انا اتاكد ان الراجل اللي معايا ده بيحترم الحدود الشخصيه بتاعتي والا هيبقى خلاص عادي بقى اي حاجه هتبقى عادي خلي بالك كويس قوي من الموضوع.ص يكفي اللي انت وضحته لي وانا فهمت قد ايه انت هتكون ااا يعني حنين معايا ومش محتاجين ان احنا نوضح اي حاجه في الموضوع ده مره تانيه لحد ما نتجوز ان شاء الله وده افضل بالنسبه ليا وليك هيخلينا نقدر نعيش فتره الخطوبه بشكل بشكل احسن علشان اللي جاي ما بينا ما تكونش حاجه بتعقره من المواضيع المشابهه دي علشان ما ندخلش الشيطان ما بيننا والله يا بنت الناس لو هو فاهم الكلام ده واحترمه كويس لو هو ما فهمهوش او ما احترمهوش فخليني اقول لك ان دي هتبقى علامه خطر وانه اي حدود انت هتحطيها تخص اي حاجه بدايه من الموضوع ده الراجل ده مش هيحترم.
تم النشر السبت، ٢ أغسطس ٢٠٢٥
سيبك من المشاعر لأن دي لحظات وتختفي .. الأهم هو الإحترام وده اللي بيدوم .. خلال ال ٢٤ ساعة وأثناء الفطار والغدا والعشاء والغسيل وتعب الشغل هل هيكون في احترام ؟ متقدريش تحكمي حتى لو تبين لك انه عارف الحدود والأوليات ايش ضمنك برضو ؟ ياما ناس لسانهم معسول وقلوبهم سودة / فاللي عليكي تسيبي الكلام اللي هو بيقوله . كل الكلام الحلو والوعود والتفهم والتقبل والإحترام كل ده كلام فاضي يقدر يغنيه المغني / احنا يهمنا الفعل مش الكلام وده ندرسه من السؤال عنه وفي المواقف والمواقف محتاجة وقت طويل قبل الزواج عشان يتكشف جوهره / وبرضو محتاجين مواقف كثير عشان ممكن يتصنع في كم موقف
تم النشر الخميس، ٧ أغسطس ٢٠٢٥
طيب ليه منقلش انو حبني بجد هو انسان غامض وامه متوفيه ف حساه محتاج حد يحتويه ومع ذلك حساه قد كلمته اويي وهو اصلا مش عارف حبني ليه كدا وده اكبر مثال انو يكون حبني بجد معرفش حاسه انو هو هيعوضني ع حجات كتير اوي ونا نظرتي في الناس لا تخيب مش بيعودني مثلا من غير متكلم لا نا بقوله مثلا خايفه نختلف ف يوم ع كذا ف بيقولي والله مهغصبك ع حابه وهو من نوع الي فاهم اولويات المرء وعارف كويس جدا حقه ف الدين ولا انت تقصد انو عشان بيبالغ ف حبه يبقا معناه شخص مخادع منا عايزه برضو افهم وجه نظرك وحتي لو مش هاخد بيها هحترمها لان كلنا بنمر بتجارب ولكن الاشخاص تختلف.
تم النشر الأربعاء، ٦ أغسطس ٢٠٢٥
الراجل ده انا نظرتي انه ممثل لأن كمية العشق دي مستحيلة وكمان من منطقة تانية ف إزاي حبك فجأة كل الحب ده .. خديها مني ده ممثل كبير واستغل احتياجك وجوعك العاطفي واستغل ارتباكك وحسسك ان هو حل كل مشاكلك ولكن في الحقيقة هو المشكلة الأكبر .. لأن كل الحب ده مش طبيعي الا من واحد ممثل .. وده رأيي
تم النشر الاثنين، ٤ أغسطس ٢٠٢٥
الي اقصدو ني لما بتكلم ف كدا ف بقوله مثلا من اليوم ده وكدا فهو بيقولي والله انتي لو مش عايزه اجي جمبك خالص مش هاجي ولو عايزني انام برا هنام لان هو شايفني اغلي حاجه عنده ونا نعرفش واثقه فيه بدرجه موثقتش ف حد قبل كدا ولكن خايفه برضو معطهوش اهتمام واتجاهله لاني شايفه انو يستاهل كل الحب ومع العلم هو انسان فاهم جدا امور الحياه وفاهم في الدين ولما بحاول مثلا اقوله مينفعش نقول كلام ده وكدا بيقولي مفيش عيب بين اتنين متجوزين واحنا خلاص هنكتب الاسبوع الجاي ونتجوز ف 9 ان شاء الله ف هو شايف اننا لازم نتعود ع بعض ونا كذلك ولكن خايفه برضو اديلو اهتمام وحب فجا مثلا ف يجي ف يوم يهملني بس برضو عايزاش اجرحو ومن حيث اني ساله عليا انا ساله عليا كويس جدا وكل عيلتي سالت عشان هو ف منطقة ونا منطقه وصاحب ابن عمتي بروح وشخصيته محترمه جدا بس هو معايه انا حاسه انو يعرفني لي مليون سنه وهو قالي كدا وقايل انو حبني بطريقه غريبه ونو مش هيتجوزني كدا وخلاص لا قالي انو والله حبني من اول مشافني واختارني اني اكون شريكتو ف دنيا والاخره هو ناضج جداً وقال انو مهما حصل مش هيخسرني وخايفه قوي كل كلامو يتغير بعد الجواز انا حتي متلخبطه اوي ودايما عصبيه ف بيا ومعرفش مالي واول مره اشوف حد بيحبني كدا ونا خايفه جدا من فكره تعلق لاني تعافيت منها بالعافيه ف انصحوني بالله اتعامل ازاي معاه واحافظ علي علاقتنا
تم النشر السبت، ٢ أغسطس ٢٠٢٥
احذري الوعود الكثيرة .. فاللي واثق من نفسه مش محتاج يوعد ويحلف ويقسم .. كونه عمال يقول مش هغصبك مش هغصبك يبقا ده مؤشر خطير .. فلا تنخدعي بالغرام والعشق واسألي جيدا عن سمعته
تم النشر السبت، ٢ أغسطس ٢٠٢٥
هل تقصدي بالكلام، كلام عن العلاقة نفسها؟ ولا كلام عادي عن حياتكم سوا بعد الزواج بكل تعاملاتها اليومية؟
تم النشر السبت، ٢ أغسطس ٢٠٢٥
لعرض السؤال في فدني اضغط هنا