انا بحاول أطور من نفسي بس عندي مشكلة إن بيت سلبي جدا وده بيأثر علي ذهني ونفسيتي ومش بعرف أذاكر وضغوط بالهبل وبكسف اكلم في مواضيع زي دي ومش بقدر خالص ومش مستعد اصلا وكل ما أكلم مع حد في البيت بيبقا عنده نقص فمش بيحترمني خالص
فأنا اضايق وانا كل ما احاول ما اتعاملش معاهم برضو معرفش لازم أتعامل وكل ما أتعامل يحصل كده ومش عارف أشتغل علي نفسي خالص غير إن اصلا اهلي مهملين فيا في كل حاجة حرفيا معنوي أو حتي جسمي أنا مش عارف أكل خالص في البيت ومفروض أرضي ناس وأحترمهم هما مش محترمين وعلي فكرة مش أمي ولا أبويا وضغوط كتير أوي لدرجة إني مكنتش بعرف اضحك اقسم بالله مكنتش بحب اضحك خالص
بس الحمد الله بعد ما أستقمت وكده موضوع ابتسامة اتحسن شوية بس لسه مؤثر بس بجد أنا في ضغوط كتيرة أوي بشكل مش طبيعي أنا عندي 14 سنة وحاسس إني شوية وهقفل الحياة انا اقسم بالله محروم من حاجات كتيرة أوي وكل ما أشوف حد في سني بيضحك أو كده اقسم بالله بعيط عشان انا من كتر ضغوط مكنتش بعرف اضحك بكره أساسا إني ابتسم انا والله اقسم بالله في ضغوط كتيييير والدرجة برضو بقيت بحس إن مفيش حد في سني عنده ضغوط زيي أنا إلي مصبرني إن الله لا يكلف نفساً إلا وسعها ومستني الفرج بس مش عارف هيجي ازاي
انا حرفيا غرقان في ضغووط
هتحط ابتلاءاتك قدام عينك هتعيش حزين مكسور هتحط النعم وحكمة ربنا زى ما قولت كده ( لا يكلف الله نفسا الا وسعها ) هتعيش راضى وحاسس ان كل شىء بيحصل مش قد نعم ربنا علينا لو كل حد فينا ركز مع سلبيات البيئة حواليه كنا دفنا نفسنا كلنا فى الارض عشان نهرب منها . احنا مبنهربش من الواقع احنا بنواجه ونتصالح معاه ونبطل نشوفه وحش هياكلنا . ايوه مضغوط بس راجل وقدها وقدود ان شاء الله ...ده تحدى اكتر ما هو ضغط يلا يا بطل اتحدى الصعب ده وجهز نفسك للاصعب ...عشان مكافئتك فى الاخرة والدنيا تزيد وتكبر .
تم النشر الخميس، ١٦ نوفمبر ٢٠٢٣
هون علي نفسك وصلي وقرب لربنا سيدنا محمد عليه افضل الصلاة والسلام كان يتما ولكن كان خير البشر ومعلم الامه اصنع لنفسك البيئه الايجابيه ودور علي فرحتك وسعادتك وانتزعها بنفسك من الحياه محدش بختار اهله لكن كلنا بنعرف نختار طريقنا وبالذات لو عندنا يقين بالله ونفسنا سمع دايما لنفسك اكون اولااكون واختار انك تكون والحمد لله انك ولد يعني ممكن تشتغل جنب دراستك وتعمل الحاجات الصح طبعا اللي نفسك فيها وبلاش تبكي من سعاده غيرك بل افرح لفرح الناس وادعي ربنا لنفسك يرزقك الرضا وافتكر انك اكيد احسن من ناس كتيروابسط مثال ابناء فلسطين واي حد غيرك بلاام ولااب ولامأوي
تم النشر الأربعاء، ١٥ نوفمبر ٢٠٢٣
انت حليت الموضوع اصلا لا يكلف الله نفسا إلا وسعها مريت بنفس تجربتك بالظبط وكنت بقول لنفسي نفس الكلام دا وفعلا الفرج هيجي...كان مسلوب حقي في كل حاجه 🥲 حتي في اني يبقي عندي صحاب واضحك قربت من ربنا اكترر وحبيت نفسي واقتنعت اني محدش بينفع مريت بحاجات كتير وحشة من ونا في أولي ابتدائي بس لو سألتني لو رجع بيكي الزمن هتغيري اي؟هقولك عمري ما هغير حاجه علي قد ما المواقف دي جرحتني وعملت شرخ واتحفرت في دماغي بس اتعلمت منها كل موقف هتمر بيه لازم تتعلم منه هيا الحياة كده...ولو عايز تتطور من نفسك سيبك من اي حد محبط ممكن يرجعك ورا اتعلم واشتغل حتي وهما بيحبطوك هتتدايق من احباطهم في الاول بس كمل وبعد كده والله ما هيفرقلك حد
تم النشر الخميس، ١٦ نوفمبر ٢٠٢٣
لا علي فكرة أنا أستقمت من زمان
تم النشر الأربعاء، ١٥ نوفمبر ٢٠٢٣
ممكن تكون حاس بنقص وانك محروم من حاجات كتير بس ف غيرك متمني نعم كتير انت عندك اغلب مشكلتك حتتحل لو بقيت هادي وقادر تتعامل كويس مع أي ضغط نفسي والحل الوحيد انك تصلي وتدعي ربنا وتقرا القرآن
تم النشر الثلاثاء، ١٤ نوفمبر ٢٠٢٣
لعرض السؤال في فدني اضغط هنا