كيف أعالج مشكلتي مع القلق الزائد والتوتر؟

صباح الخير

انا عندي ٢٤ سنه الحقيقه ناجحه الحمد لله في حياتي بس انا عندي مشكله وهي القلق والتوتر والخوف الزياده انا يمكن مريت بمواقف مش حلوه في حياتي وكمان حاجات كنت بفكر انها هتكمل ومكملتش فتقريبا بقا عندي تروما

بقيت اي حاجه احس ان عجبتني بعرف أن كدا خلاص يعني دا غير ان طول الوقت قلقانه لما موقف يشغل عقلي وممكن يكون اصلا مفيش سيناريو وحش أو حاجه وممكن كمان الموضوع يكمل بس انا بجد دماغي تعبتني. بقيت كمان مش بنام ف عايزه حل ارجوكم

سؤال من Rofan M

تم النشر الثلاثاء، ١٦ سبتمبر ٢٠٢٥

4 إجابة

بالتأكيد دي مشكلة بس مفيش مشكلة ملهاش حل . تأكدي اول كل حاجة إن كل شئ مقدر ومكتوب والخوف ذات نفسه هو المشكلة زي مثلا بتخافي تفرحي كتير وبتخافي ترتبطي بجد و الخ .. دلوقتي لازم تتعلمي ازاي تواجهين خوفك لأن خوفك هو مصدر المشاكل والقلق وكمان بيفقد الثقة في النفس في كل حاجة .. اكتر حاجة ممكن تكون فعالة بالنسبة لوجهه نظري انك تواجهين كل ال بتخافي منه كل حاجة انتي بتخافي منها اعمليها وواجهيها هتدعمك لقدام وهتتعلمي ازاي تواجهي نفسك

تم النشر الجمعة، ١٩ سبتمبر ٢٠٢٥


انا النصيحة اللي أقدر اقدمها ليكِي بخصوص مثلا حوار العلاقات،شوفي إنتي فِ علاقاتك السابقة وأنا هنا مقصدتش علاقات عاطفية بالتحديد خالص لاء، انا بتكلم معاكِي فِ العموم،ممكن تكون علاقتك بـ أهلك، صحباتك،بـ زمالة شُغل وغيرو بعد ما العلاقة بتنتهي مثلا او بتتحول راجعي نفسك كده إيه هيا الحجات الغلط اللي انا عملتها فِ العلاقة دي، هل انا تخطيت حدودي مثلا؟،هل كنت رافعه سقف توقعاتي في العلاقة دي؟ هل هنا محططتش حدود في العلاقة دي،هل حصل موقف وكان مفروض اخد رد فعل وانا مأخدتوش؟... وغيرها من الأسئلة اللّي هتزود عندك الوعي فيما بعد وهتساعدك بحيث تتعلمي من أخطائِك فهماني بس كده. ودايما بعد أي حاجة تسبب ليكى ضرر نفسي حاولي تشوفي العبرة من اللي حصل ده إيه ده هيساعدك فيما بعد... ومتعلميش ممكن ربنـا يكون بيعدك لحاجة أحسن كـ صداقة او جواز وغيرو... و يا رب دايما من نجـاح لـ نجاح ويريح ويطمن قلبك.

تم النشر الأربعاء، ١٧ سبتمبر ٢٠٢٥


السلام عليكم يومك فيه فراغ كتير ؟ علاقاتك الاجتماعية حاليا اخبارها ايه ؟ بتلعبى اى رياضة ولا لا؟

تم النشر الأربعاء، ١٧ سبتمبر ٢٠٢٥


صباح الخير عزيزتي، شكراً لك على مشاركتك مشاعرك بصراحة، وأقدر جداً شجاعتك في التعبير عن ما تمرين به. القلق الزائد والتوتر المستمر، خصوصاً بعد المرور بتجارب صعبة أو مواقف مخيبة للآمال، أمر مؤلم ومتعب حقاً، وأنت لست وحدك في ذلك. لحظات القلق والخوف التي تسيطر عليكِ رغم نجاحك في حياتك هي إشارة من العقل والجسد بأن هناك أمور عالقة تحتاج لمعالجة، وأنت الآن في خطوة جميلة بوعي هذا ونفسك على التغيير. إليك بعض الخطوات العملية التي قد تساعدك: التعرف على مصادر القلق والحزن حاولي تحديد الأحداث أو الأفكار التي تثير هذه المشاعر. قد تساعدك كتابة يوميات أو ملاحظات يومية عن مواقف تسببت لك بالتوتر. مواجهة الأفكار السلبية عندما تجدين نفسك تغوصين في سيناريوهات ومخاوف غير واقعية، توقفي لحظة واسألي نفسك: "هل هذه الأفكار مبنية على حقائق أم مجرد تخيلات؟" تعويد العقل على التفكر الواقعي يقلل من قسوة القلق. تنظيم النوم قلة النوم تزيد من حالة التوتر. حاولي إنشاء روتين للنوم، مثل الذهاب إلى الفراش والاستيقاظ بنفس الوقت يومياً، وتجنبي الشاشات الإلكترونية قبل النوم بنصف ساعة على الأقل. طلب الدعم النفسي المعالجة النفسية، وخاصة العلاج بالكلام (كالتحدث مع معالج نفسي مختص)، يمكن أن تساعد كثيراً في معالجة الصدمات أو الـ"تروما" وتهدئة القلق الدائم. ممارسات تبعث على الراحة النفسية (مراعاة لما طلبته) مشي بسيط في الهواء الطلق. تخصيص وقت للهوايات التي تحبينها. محاولة تقسيم يومك إلى فترات عمل واستراحة. الدعاء والتوكل على الله تذكري دائماً أن الاستعانة بالله تريح النفس، دعاء مثل: "اللهم إني أعوذ بك من الهم والحزن" يمكن أن يكون بلسم للروح. نصيحة أخيرة: لا تترددي في طلب مساعدة خبراء نفسيين محترفين، فهم يمكن أن يقدموا لك الرعاية والدعم المناسبين، وفي فدني تستطيعين أن تجدي متخصصين في المجال النفسي عبر صفحة الخبراء في فدني . لو تحبين أستطيع أساعدك في البحث عن أخصائية نفسية ملائمة أو نصائح أخرى، فقط أخبريني. أنا هنا دائماً لدعمك، وأتمنى لكِ من كل قلبي أن تعودي لقوة نفسية وراحة داخلية أكبر، أرسلي لي أي سؤال ثاني أو مزيد من التفاصيل لو حبيتي.

تم النشر الثلاثاء، ١٦ سبتمبر ٢٠٢٥

11 تعليق

هو الحقيقه مفيش تفسير منطقي لانه وقف بشكل انا مش فاهمه بس هو مش بسببي عامه بس نرجع ل نفس النقطه ان انا كل ما أعجب ب حاجه زي كدا تقف معرفش دا عيب مني ولا هي بتيجي صدف أو دا ف عقلي بس بس ممكن تكون الحاجه موقفتش بس عقلي افترض كدا معرفش

تم النشر السبت، ٢٠ سبتمبر ٢٠٢٥


مش فاهم ازااي ...بس لو الموضع وقف بسبب عوامل خارجيه دا عادي نما انتي لو حاسه ان فيه تعطيل يبقا دا موضوع تاني ...الفرصه الموجوده احسن من اللي فقدتيها . يعني المطلوب منك تشوفي الدليل المنطقي اللي خلله دا حصل وتهملي الحاله الشعوريه .

تم النشر السبت، ٢٠ سبتمبر ٢٠٢٥


طيب حضرتك هقولك ع حاجه لسه حاصل موقف م ٣ ايام حد اتقدملي ف كان مناسب ف انا خلاص وافقت ف اول ما حسيت ان وافقت قولت بس كدا الحوار اكيد مش هيكمل لان انا متعوده ان اي حاجه بعوزها أو اميل ليها بتوقف أو بتبوظ ومعرفش ازاي وبالفعل حضرتك الموضوع وقف وقفه غريبه ف دخلت ف نوبه اكتئاب وياس وحسيت ان حياتي كلها هتبقا بالشكل دا انا بقا نفسي افهم ليه كل مره بتبقا كدا

تم النشر السبت، ٢٠ سبتمبر ٢٠٢٥


طالما فيه نتيجه بتحصل معاكي وبتتكر يبقا فيه نمط معين انتي بتعمله كل مره ومش هتتغير النتيجه غير لما تغيري النمط …الفكره ان عقلك لما بيبقا مصدق حاجه بيحاول يثبتهالك ويبدا حتى جسمك يتحرك معاها …وخليكي فاهمه ان المشاعر بتعمل تعطيل للرؤيه المنطقيه حاجه لما بتتطلع وبتتصرف بالنيابه عنك بتخليكي ضعيفه

تم النشر السبت، ٢٠ سبتمبر ٢٠٢٥


طيب ازاي بفكر ان الحاجه دي هتحصل وتتكرر وتحصل ازاي بجد وليه نفس النهايه

تم النشر الجمعة، ١٩ سبتمبر ٢٠٢٥


عقلك هو اللي بيكسل يفتش عشان عايز يرتاح دا كمان ممكن يخليكي تعملي مجهود بدني عشان يرتاح هو من المجهود الذهني هي ديه طريقه عقولنا بتحب تخرجنا لبرا وبالتالي انتي لازم تجهديه هو الحجات دي مطبع معاها والتوجيه بقا لازم يبقا منك انتي

تم النشر الجمعة، ١٩ سبتمبر ٢٠٢٥


الحقيقه انا عارفه السبب بس انا بحاول انكره لان حله مش ف أيدي حله ان كنت اسيبها ع ربنا بس دماغي مش حلاني

تم النشر الجمعة، ١٩ سبتمبر ٢٠٢٥


ازيك عامله اي ؟ هو انتي عندك نوع من الوعي الذاتي يعني انتي بتقدري تعرفي انك خايفه او متوتره او متعصبه مثلا… فاضل بس تسالي انفسك حسيتي كدا ليه ؟اول ماتسالي نفسك هيتحول الشعور لفكره وتلعبي بيه زي مانتي عاوزه لو عرفتي الفكره اللي واقفه ورا الشعور هتعدلي عليها وهتبطلي تخافي او تتوتري الامور هتخف معاكي الحل دا هو اعمق حل تتعاملي بيه مع مشاكلك النفسيه .

تم النشر الجمعة، ١٩ سبتمبر ٢٠٢٥


عارفة انا زايك بس بحس اعرف حل للموضوع ده وصلت لفكرة أن أكتب كل حاجة اعرفها عن نفسي مميزات عيوب اي حاجة بخاف منها اي حاجة واعمل نقاش مع نفسي بس بطريقة منطقية مش بالعاطفة واراء الغير زاي ممكن انا مش حلوة أو انا في حاجة معطليني مثلا سحر واي حاجات كتيرة ولكن افكر بطريقة مختلفة لشئ أو احاول واجرب وأرقب يومي ويكون زاي فيه مهمة كل يوم ليقت تحسن مبروك ملقيتش يبقي في سبب تاني

تم النشر الاثنين، ٢٢ سبتمبر ٢٠٢٥


حضرتك عندك حق.. بس الحقيقه ان المشكله مش ف اسلوبي ب دليل ان انا اصلت ملحقتش حتى اشوفه أو اقعد معاه ف طاقتي موصلتش حتى ليه عشان يرفضني هو الموضوع لا حصل فيه لا رفض ولا قبول هو الموضوع وقف ف النص فاهمني ؟

تم النشر السبت، ٢٠ سبتمبر ٢٠٢٥


دكتور نفسي ... كلنا مؤخرا بقينا بنعاني من الحالة دي ... محدش عارف حل ربنا يسهل

تم النشر الثلاثاء، ١٦ سبتمبر ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك