Rofan M

اولا ربنا يوفقك يارب ويكرمك باللي عايزاه ثانيا بصي الحاجات دي تقريبا حصلت مع اغلبنا وحصلت بنفس الأساليب هو تطفل وتدخل وانتهاك خصوصية فعلا بس ف ناس كده طيب اكيد مش هنعرف غيرهم بس هنعمل اي ال هنعمل ان نركز ع هدفنا وتركيزنا احنا يهمنا السعي النتيجه دي بتاعت ربنا ركزي ان انتي تجتهدي وتجيبي أعلى الدرجات وسيبك م اي شي يشتتك عشان بجد كل الحاجات دي بكرا وبعده هتبقا ذكريات تضحكي عليها اصلا

موهبه يعني شاطره ف حاجه معينه مش شرط خالص تكون حاجه ملموسه اوقات بنكون شاطرين ف تفكيرنا ونقدر نختار صح واوقات عندنا دايما نظره صح ف اي حد واه الموهبة ممكن تكون ماديه بس دي بتبان لما تعرفي انتي نفسك حواكي اي انت بتفهمي نفسك عن طريق بتجربي لحد ما توصلي لل بتحبيه واللي شغفك رايحله طبعا

بص هما مش بيبعدو بس هي الفكره دلوقت الزمن بقا بيلهي بجد وبيخلي كل واحد ف ساقيه مش بتقف ودا شعور جواك مش اكتر والناس الوحشه انت بوعيك كده وبيقربو وبتحس بتقل لانك بتكرههم زي عندنا امتحان بنحس اليوم مش عايز يخلص ف حين أن لو معانا فرح بتلاقي اليوم خلص ف لمح الهوا

بصي يا ست الكل ايام المدرسه محدش فينا مكنش بيتم التنمر عليه ودا ف حد ذاته احنا اصلا مكناش نعرف ان دا تنمر احنا لما كبرنا فهمنا دا كان ايه بس السوال هنا هل انتي هي هي بتاعت زمان اسمحيلي اقولك مستحيل ف ال عايزه اقولك انسي زمان حبي نفسك وشوفي انك ليكي استحقاقيه ف كل حاجه وصدقيني مجرد ما هتعملي كده هتلاقي الدنيا كلها بتررمي تحت رجلك

انا من رايي تنزلي وتجربي التجربه مش هتخسرك اي حاجه دا بالعكس ممكن تضيف ليكي حاجات مش عندك وحقيقي محدش يعرف الخير فين ف توكلي على الله وجربي وعامه كله خبره ليكي وفعلا ممكن تتعبني بعد وقت ليه لا ؟ مفيش حاجه بعيده عن ربنا

السلام عليكم حضرتك لازم تواجهيه وتوضحي مشاعرك واحساسك وتفهميه ان دا اذاكي الحل انك تتكلمي معاه مش تهربي أو تقعدي عند اهلك لازم الصراحه ف المواضيع دي عشان كل طرف يقدر يكون مبسوط ومرتاح والا كدا لا هو هيحاول يفهم ان دا وجعك ولا حتى هيحاول يتغير أو يعمل الحاجه اللي تسعدك بطريقه اهدا

للأسف المجتمع دلوقتي بيتعامل مع النزول في الوزن أو الريجيم كانه سحر وللأسف في ناس كتير جدا بتشخص غلط وبتقول حاجات غلط بدليل انك عالجتي حاجه وظهرت حاجع تانيه أصعب الحل انك تروحي ل دكتور وتعملي تحليل فقر دم وتعرفي اي الفيتامينات المناسبه لحالتك ارجوكي تابعي مع دكتور يكون بيفهم وبلاش تسرع انتي ممكن تخسي ١٠ ك بس قدامهم تخسري صحتك خالص ف ياريت التأني بجد

بص انت قدامك حلين يا تتقبل الماضي وانساه وتبدأ من اول وجديد معاها... يا تبعد خالص عنها ومتكلمهاش تاني لازم تختار انت عاوز ايه عشان دا مش حل انت محتاج تفهم نفسك قادر تتقبل ماضيها ولا لا... في ناس بتعرف تتقبل الماضي وتنسى وناس لا والقلوب طاقه عادي ف من حقك تختار وربنا يصلح حالكم

ارجوك توصل مع ثيراببست واستعيذ بالله من الأفكار دي لان طريقها مش كويس واتقي الله في نفسك ارجوك انت نفس بشريه وطبيعي اوقات تحس ب أفكار غريبه بس لازم تتغلب عليها ما احنا مش اي أفكار هتجيلنا هنعملها الله يصلح حالنا وحالك

الحقيقه انا مش متخصصه ان اديلك علاج بس اقدر اقولك ان ممكن بالجيم والدايت هتلاقي نفسك خسيتي من اول شهر هتبداي تحسي ب دا كمان لازم تبقى عارفه ان دا اهتمام بالصحه وانتي لما تخنتي متهنتيش بسرعه تخنتي بعد اكل ع اوقات كتير وكذلك الخسسان لازم ياخد وقته احنا مش هندوس على اله ونوصل للنتيجه

صباح الخير... حضرتك سالت سوال مهم جدا وخاصه دلوقتي ف الوقت الحالي... السن المناسب للزواج دا بيختلف على مستوى تفكير الشخص يعني ممكن تلاقي واحده ٣٠ سنه بس عقلها صغير وواحده ٢٥ سنه متوافقه فكريا معاك ومع احتياجاتك . دا غير ان بتقيسها من منظور ديني وأخلاقي دا اولا ومنظور طلباتك من جهه تانيه سواء شكل جسم شخصيه وهكذا الشخص المناسب هتحس دايما ان فيه كيميا رايحه وجايه بينكم والسن زي ما قولتلك دا بيعتمد عليك انت وع تفكير اللي قدامك ووعيه ب مسؤوليه تكوين اسره وبيت

بصي قله التقدير دي بتوجع اوي حتى لو بيحبك اي انسان بيحب انه بتشاف انه متقدر التقدير في اي علاقه يخليها تمشي اتكلمي معاه قوليله ال بيضايقك مره واتنين حسيتي انك بردو مفيش فايده ولا عارفه تتاقلمي يبقا الحب مش هياكلك عيش الحب لوحده مش كفايه حقيقي بعد وقت ومده حلوه هتلاقي نفسك اتقفلت منه وكرهتيه ف حاولي توصلي لحل معاه الاول

اسمحلي اقولك ان انت مش مختلف بالعكس عادي في ناس كتيره جدا مش معاها صحاب زمايل بس وبعدين هقولك على حاجه اغلب العلاقات دلوقت بقت كدا صدقني العيب مش فيك ولا فيهم الحياه بقت صعبه وبتلهي كتير اوي حب نفسك واشتغل عليها وصاحب نفسك وحبها

هو الحقيقه مفيش تفسير منطقي لانه وقف بشكل انا مش فاهمه بس هو مش بسببي عامه بس نرجع ل نفس النقطه ان انا كل ما أعجب ب حاجه زي كدا تقف معرفش دا عيب مني ولا هي بتيجي صدف أو دا ف عقلي بس بس ممكن تكون الحاجه موقفتش بس عقلي افترض كدا معرفش

حضرتك عندك حق.. بس الحقيقه ان المشكله مش ف اسلوبي ب دليل ان انا اصلت ملحقتش حتى اشوفه أو اقعد معاه ف طاقتي موصلتش حتى ليه عشان يرفضني هو الموضوع لا حصل فيه لا رفض ولا قبول هو الموضوع وقف ف النص فاهمني ؟

طيب حضرتك هقولك ع حاجه لسه حاصل موقف م ٣ ايام حد اتقدملي ف كان مناسب ف انا خلاص وافقت ف اول ما حسيت ان وافقت قولت بس كدا الحوار اكيد مش هيكمل لان انا متعوده ان اي حاجه بعوزها أو اميل ليها بتوقف أو بتبوظ ومعرفش ازاي وبالفعل حضرتك الموضوع وقف وقفه غريبه ف دخلت ف نوبه اكتئاب وياس وحسيت ان حياتي كلها هتبقا بالشكل دا انا بقا نفسي افهم ليه كل مره بتبقا كدا

طيب ممكن تدلني ع ناس لو تعرفها

انا فاهمه حضرتك بس انا الحقيقه ف حاجات مش بأيدي اعرف احلها

طيب ازاي بفكر ان الحاجه دي هتحصل وتتكرر وتحصل ازاي بجد وليه نفس النهايه

الحقيقه انا عارفه السبب بس انا بحاول انكره لان حله مش ف أيدي حله ان كنت اسيبها ع ربنا بس دماغي مش حلاني

طيب اعمل ايه انا عقلي مش راحمني بجد

زي ايه ؟ مثلا لا عادي حاسه ان عادي تمام

اه ف فراغ بس مش كتير وعلاقاتي الاجتماعيه كويسه بخرج ومعايا صحاب وبتعرف ع ناس جديده بلعب رياضه ويهتم ب اكلي

يارب

لا هو المفروض تبقي متابعه مع كابتن ع الاقل متشتغليش من دماغك وعامه بردو اه بتتخن بس خدي بالك ان الحاجات دي بترجع ل عوامل كتير تانيه زي جينات وحاجات تاني كتير

من الناحيه العلميه والدينية ربنا خلقنا فينا عزيزه للحاجه دي وهي في وضع جديد لازمم هتبقا حاسه يخوف وتوتر وكمان ممكن جدا تبقا مكسوفه حضرتك لازم تتكلم معاها وتعرف اي مخليها مش حاباها أو أيه الحاجه اللي هي عايزاها لازم تفهم وتقدر وتعرف هي جواها ايه عشان تلاقي اللي انت عايزه