السلام عليكم انا بنت وحاليا داخله تالته جامعه
لما كنت لسه في بداية سنه تانيه ثانوي كنت ١٦ سنه لسه تقريبا بس مع اني كنت بنت بالغه وكبيره بس لحد وقتها مكنتش اعرف حاجات كتير بتحصل بين الراجل والست وكمان كان في علامات استفهام كتيره عندي ، وأهم حاجه مكنتش اعرف معناها نهائي غشاء البكاره او عذريه البنت كنت اسمع عنها قصص كتير بتحصل ليله الزفاف بسببها من قتل واتهام لسمعه البنت بس انا معرفش ايه ده اصلا او الحاجه ده فين او بيعرفوا ازاي ومكنش عندي الجرأه اسأل وكمان عادي الأسئله ده مكنتش شاغله بالي وقتها
المهم وقتها وانا ١٦ سنه حصلي موقف بشع جدا وكان موقف تحرش الموقف ده عملي صدمه لفتره طويله
من بعد الموقف ده كنت مكتئبه واقول لنفسي مش معنى انا ؟ وانا كده بقيت بنت وحشه ؟ المهم مع الأفكار ده بدأت ابحث عن جوجل واكتب قضايا تحرش او صور تحرش وكنت اقعد اقرا عن الحاجات ده واعيط جامد مش عارفه لحد دلوقتي كنت بعمل كده ليه لحد في مره وانا بعمل كده طلعلي موقع مش كويس كان اعلان ساعات لما تدخل على جوجل بيطلعك اعلانات وحشه المهم طلعلي الاعلان
وانا اتفرجت عليه كان في بنت بتعمل حاجه مش كويسه في نفسها
جالي فضول جامد مع اني معرفش وجاهله عن الموضوع ومعرفش الي بتعمله ده اسمه ايه او هيا بتعمل كده ليه او بتستفاد ايه بس روحت قلدتها بالضبط
وقتها حسيت بوجع جامد وشفت دم كتير واتخضيت جامد وقمت ومعتش عملت كده تاني واستحملت الوجع للأسف ساعتها انا فضيت غشاء البكاره بنفسي ( ملحوظه انا مكنتش اعرف اني عملت كده مكنتش اعرف اني غشاء البكاره في المكان ده اصلا كنت جاله عن الموضوع)
عدت الايام وبقيت اوعى وعرفت كل حاجه وعرفت اللي انا عملته في نفسه وساعتها شلت الهم اكتر وجالي اكتئاب اكتر بس مكنش في أيدي حاجه اعملها ومقلتش لحد
دلوقتي انا مش عارفه اعمل ايه وخايفه محدش يصدقني او يتهمني بحاجه انا معلمتهاش كان بيجيلي عرسان كتير وكنت برفض بسبب الموضوع ده بس لاني مش عارفه اتصرف ازاي
دلوقتي ابن خالتي أتقدم ليا وانا مستحيل أرفض الشخص ده لانه راجل فيه المواصفات اللي انا عاوزاها متدين جدا وليه شخصيه وحنين على أهل بيته وانا عمري ما شفت حنيه في حياتي فأنا عاوزاه ومش عاوزه الحاجه الحلوه اللي فيه تضيع مني .
دلوقتي انا مش عارفه اتصرف ازاي ممكن حد يفيدني ؟؟؟
السلام عليكم ورحمه الله وبركاته. ست البنات الجميله. المواقف اللي زي دي بتحتاج ان احنا نتعامل معاها بشكل ناضج بالشكل الناضج والكبير لكذا طريقه نقول افضل طريقه فيهم. والاحسن عن اي حاجه ثانيه. هي ان احنا نتكلم مع والدتنا او لو عندنا اخت كبيره. ونعرفها اللي حصل. معانا وده هيكون في بعضيه زياره لصديقه النسا علشان نشوف الموضوع ده فعلا حقيقي ولا لا انت بتتكلمي بكل تاكيد انه الغشاء دلوقتي مش موجود تماما بسبب الموقف ده الحقيقه ان ده ممكن يحصل ان يكون الاحتكاك عمل من انواع النزيف فعشان كده احنا بنحتاج ان احنا نعمل زياره طبيبه المساء هي اللي هتقدر تحدد هنا فعلا الموضوع. حصل يعني ما حصلش علشان نقدر ناخد التصرفات السليمه في الموقف. ده افضل حل واحسن حل اللي احنا بنقول ارجوكي اعملي. طيب لو احنا عندنا بقى في مشكله انه شخصيه الام او شخصيه الاخت الكبيره مش هتكون داعمه ومش هتكون داعمه دي اللي احنا متاكدين منها عشان احنا في عندنا مواقف بتقول ان هم غير داعمين يعني او ان هم مش هيتعاملوا مع الموضوع صح؟ ساعتها احنا ممكن نعمل ده مع شخص ثاني يكون شخص ثقه ويقدر يدعمنا في الموقف ده والله ده احنا نقدر نعمله بان احنا نروح لدكتوره النساء مثلا في الزياره لوحدنا ونطلب منها الموضوع ونعرفها اللي حصل 1 2 3 علشان هي تقدر تساعدني. وتطمنا.. طبيبة النسا. عنها في الموقف اللي زي دي لان احنا محتاجين تاكيد لان هنا في احتمالات محدش يقدر ياكد خالص ان اللي حصل منك في التجربه اللي مش لطيفه دي. يكون ادى بالفعل ان الغشاء ما كنتش موجود ممكن يكون حصل فيه قطع ممكن يكون ده كان مجرد جرح في الجدار بتاع المهبل اللي هو بعيدا عن الغشاء اصلا مفيش حد هيعرفها الا لما نتأكد بالكشف عند كويس علشان تعملي الخطوه دي وتاكدي ان شاء الله ان شاء الله يطلع الاحتمال الاكبر وانه يكون كان مجرد حاجه يعني سطحيه بعيدا شيء احسن ان شاء الله.
تم النشر الثلاثاء، ١٨ أغسطس ٢٠٢٦
السلام عليكم، أولا، تأكدي الأول من طبيبة نسائية عشان ممكن تكوني معيشة نفسك في مخاوف وخلاص. وإن شاء الله تكوني تبتِ وبعدتِ خالص عن الطريق ده عشان ربنا وعشان نفسك مش عشان حد تاني. ومتخليش الخوف من ضياع شخص معين يخليكِ تاخدي قرار متسرع يؤذيك انتِ في النهاية، ثانيا، أنصحك تتواصلي مع دار الإفتاء وتسألي في نقطة إخبار الخطيب هل يجوز شرعا إفشاء حاجة زي كده للخاطب ولا لأ؟ لأن ممكن ده هتك لستر ربنا عليكِ، وكمان أنتِ مش ضامنة شخصيته حتى لو ظاهريا هو متدين وممكن الموضوع يكبر ويحصل مشاكل أكبر. فتأكدي بالرجوع لشيوخ معتبرين واسأليهم هل لازم تقولي له ولا شرعا يجوز لك عدم إخباره؟ وربنا يصلح لك الأحوال ويهديك للخير.
تم النشر السبت، ١٥ أغسطس ٢٠٢٦
وعليكم السلام ورحمة الله. أولاً، أنا آسفة جدًا للي مريتي بيه، والصدمة اللي عشتيها في سن صغيرة كانت قاسية جدًا، وكان من الطبيعي إنك تكوني خايفة ومضطربة. اللي حصل لك مش ذنبك، ولا يقلل من قيمتك كإنسانة أو كبنت. غشاء البكارة مش دليل وحيد على العفة، وكتير من البنات بيحصل لهن تمزق بطرق غير مقصودة (رياضة، حادث، أو حتى استكشاف بدون علم). المهم نيتك وما فعلتيه بعد كده. الآن أنتِ في موقف صعب لأنكِ بتحبي ابن خالتك ومش عايزة تخسريه، وفي نفس الوقت خايفة من رد فعله أو رد فعل أهله. الحل العملي يبدأ بخطوتين: استشيري طبيبة نساء موثوقة (يفضل تكوني لوحدك أول مرة). اطلبي فحصًا هادئًا وصريحًا، واسأليها عن حالتك بالضبط وإمكانية وجود أي دليل طبي يدعم روايتك. هذا يعطيكِ معلومة واضحة قبل أي قرار. في الوقت نفسه، الاكتئاب والخوف اللي عندك من زمان محتاجين رعاية. ابحثي عن معالجة نفسية متخصصة في الصدمات، فهذا سيساعدكِ على التخلص من الشعور بالذنب والخوف من المستقبل. أنتِ دلوقتي بنت ناضجة وواعية، واللي حصل في الماضي لا يحدد مستقبلك. خذي الخطوة الأولى بزيارة الطبيبة، ثم قرري بهدوء ما هو الأنسب لكِ ولعلاقتكِ بابن خالتك. ربنا ييسر لكِ الأمر ويبعد عنكِ الهم.
تم النشر الجمعة، ١٤ أغسطس ٢٠٢٦
شكرا لحضرتك هعمل كده ان شاءالله
تم النشر الثلاثاء، ١٨ أغسطس ٢٠٢٦
. خطوة الحسم الطبي (ضرورة قصوى)عدم الاعتماد على التخمين: الاحتمال الأكبر والأغلب في مثل هذه الحالات (التي تحدث في مرحلة الطفولة أو المراهقة وبسبب الجهل) هو أن الغشاء سليم تماماً، أو به خدش جزئي بسيط جداً لا يؤثر على سلامته العامة ولا يمنع نزول دم البكارة مستقبلاً.زيارة طبيبة نساء فوراً: يجب على الفتاة الذهاب بشكل عاجل وسري إلى طبيبة أمراض نسائية وتوليد لإجراء فحص خارجي بسيط (يستغرق دقيقة واحدة بالنظر فقط). هذا الفحص هو الوحيد الذي سيقطع الشك باليقين، وبنسبة كبيرة جداً ستكتشف الفتاة أن مخاوفها لم تكن في محلها وأنها سليمة تماماً، مما سيريحها من هذا العبء النفسي الثقيل.2. التمسك بالستر الشرعي وعدم الاعترافالستر واجب: إذا تبين بعد الفحص الطبي وجود أي تأثير على الغشاء، يُحرم شرعاً على الفتاة أن تخبر خطيبها (ابن خالتها) أو أي شخص آخر بما حدث في الماضي.القاعدة الشرعية: الإسلام يأمر بالستر؛ والنبي ﷺ قال: «مَنْ سَتَرَ مُسْلِمًا سَتَرَهُ اللَّهُ فِي الدُّنْيَا وَالْآخِرَةِ»، والاعتراف هنا لا يجلب إلا خراب البيوت والمشاكل العائلية، خاصة أن الأمر حدث عن جهل تام ودون أي علاقة آثمة مع شخص آخر.3. الحلول المتاحة في حال تأكيد الطبيبة لوجود مشكلةإذا أكدت الطبيبة (وهذا احتمال ضعيف) وجود تمزق كامل، هناك مخارج شرعية وطبية واضحة:التأصيل الشرعي: أفتى الكثير من العلماء والجهات الرسمية (مثل دار الإفتاء المصرية في فتاوى سابقة) بأن الفتاة التي فقدت بكارتها نتيجة حادث، أو وثبة، أو تصرف خاطئ عن جهل دون وطء (علاقة كاملة)، يجوز لها طبياً رتق (إصلاح) الغشاء من باب الستر ودفع الضرر والمفسدة الكبرى، ولا يُعد هذا غشاً لأنها لم تزنِ ولم ترتكب فاحشة.الإجراء الطبي: عمليات رتق الغشاء البسيطة (الإصلاح المؤقت أو الدائم) متاحة وطبية، وتُجرى في عيادات النساء لستر الفتيات في مثل هذه الظروف الناتجة عن حوادث أو جهل.4. التعامل مع قرار الخطوبة حالياًعدم الرفض لمجرد الخوف: لا يجب عليها رفض ابن خالتها لمجرد الخوف والوسواس؛ الرفض المفاجئ لشخص مناسب قد يثير شكوك العائلة ويضعها تحت ضغط إضافي.القبول المبدئي: تقبل الخطوبة بشكل طبيعي، وخلال فترة الخطوبة تتحرك سريعاً لزيارة الطبيبة والاطمئنان على نفسها وتحديد خطوتها المقبلة بناءً على رأي الطب.نصيحة أخيرة: الخوف الحالي هو مجرد "احتمال" وليس حقيقة ملموسة. الخطوة الأولى والوحيدة الآن هي الفحص الطبي السري، فهو المفتاح الذي سينهي هذه الأزمة تماماً ويحدد مسار الحل. هذا والله اعلم والسؤال هنا ليس كفايه وقومى بأستفتاء اهل العلم إن كنتى لاتعلمين
تم النشر الثلاثاء، ١٨ أغسطس ٢٠٢٦
بصي اللي حصل حصل متقوليش ل حد طالما معملتيش حاجة تغضب ربنا هيسترها معاكي مش شرط يكون ف دم يحبيبي والشخص اللي هيكون جوزك اكيد هيكون ع علم ب حاجة زي دي ف بنات مش بيكون حصلها اي حاجة ومفيش نقطه دم بتنزل بسبب اختلاف نوع الغشاء ومعتش جهل زي زمان يعني خليكي واثقه من نفسك يوميها واتعاملي عادي.. ان شاءلله خير متوقفيش حياتك ع حاجة غلط حصلت واتعلمتي منها اوعي تقولي ل اهلك ويقولوله هتعكي الدنيا سبيها تمشي زي ما ربنا رايد افرحي بعريسك زي اي بنت ربنا يسعدك ويهنيكي (لو ربنا رزقك ف يوم من الأيام ببنوته عوضي اللي محدش علمهولك فيها صحبيها متخلهاش تتكسف تحكيلك اي حاجة)
تم النشر الجمعة، ٢١ أغسطس ٢٠٢٦
احسن حاجه تعمليها انك تروحي عند دكتور نساء و تطمنك علشان لو عاملتي ايه اكيد كله مش هيفضه غير بعلاقه فعلشان تطمني روحي عند دكتوره و ربنا يوفقك
تم النشر الثلاثاء، ١٨ أغسطس ٢٠٢٦
معلش يعني اي مش هقول لمامتي علشان عندها هموم ،،اولاً فرج الله همها،بس معلش لو اتجوزتي واكتشف حاجه زي كدا وانتي مش مذنبه فعلا دا كله هل كل الناس بتصدق اللي قدامها ،،طبعا لا م بيصدقوا ،لازم تعرفي مامتك وتكشفي ما يمكن ما حصلش حاجه ودا هواجيس ولو حصل في فرق الطب أتطور طبيبة النسا بتعرف سواء دا حادثه ولا لا وساعتها بتكتب تقرير زي ما الاستاذه جزاها الله خير ما قالت لك ،،وبعدين أصلا لا يصح لبنت تروح للطبيب بدون علم مامتها او عيلتها
تم النشر الاثنين، ١٧ أغسطس ٢٠٢٦
مش عاوزه احكيلها عشان عندها هموم كتير اوي وعشان انا بنتها الكبير مش عاوزه انزل من نظرها او تحس بالذنب ناحيتي وهيا كمان مش مختلطه بالمجتمع اوي فحكايه ان لو في تطور او معلومات صح عن حاجه زي ده مش هتكون عارفاها اكيد اغلب معلوماتها عن الموضوع ده غلط من ايام زمنهم
تم النشر الأحد، ١٦ أغسطس ٢٠٢٦
يعني السبب الوحيد عشان تحكي للدكتوره بس ؟
تم النشر الأحد، ١٦ أغسطس ٢٠٢٦
ماهو بالعقل لي متحكيش ليها يعني اي مشكلتك ان امك تعرف حاجه زي دي؟؟ مش انتي بتقولي انك عملتي دا مع نفسك بسبب فضول أو غيرو طب خلاص احكي لوالدتك وهي تحكي للدكتورة اللي حصلك والدكتورة ان شاءالله تشوف حل
تم النشر الأحد، ١٦ أغسطس ٢٠٢٦
ي شيخه؟؟؟ انتي عايزة تروحي ل دكتورة من غير امك يعني ولا اي +اللي هزيد ان الشك هقل انتي لما امك تبقي عارفه دا هخفف الشك نحية الطرف التاني والله المستعان
تم النشر الأحد، ١٦ أغسطس ٢٠٢٦
ايوا انا ممكن اروح لدكتوره بنفسي واعمل كل حاجه بنفسي بس ماما لو عرفت هتعمل ايه زياده يعني اقولها ايه هتعمل ايه يعني
تم النشر الأحد، ١٦ أغسطس ٢٠٢٦
هتعمل اي ازاي امال انتي عاوزه تفضلي ساكته وكاتمه ع الموضوع وخلاص ماهو دا غلط انا بقلك تروحو لدكتورة تشوفو حل لازم تروحي لدكتورة
تم النشر الأحد، ١٦ أغسطس ٢٠٢٦
كمان انت متأكده من موضوع ان الدكتوره تقدر تفرق اذا كان حد لمسني قبل كده ولا كان بالغلط ؟
تم النشر السبت، ١٥ أغسطس ٢٠٢٦
طيب ايه الفايده ان ماما تعرف أصلها هتعمل ايه يعني
تم النشر السبت، ١٥ أغسطس ٢٠٢٦
بصي الموضوع دا محتاج دكتورة لو ينفع تكتبلك تقرير يعني في بنات بتتعرض لحادث مثلا ف الغشاء بنفض وبعملو زي تقرير انه الشئ دا حصل مش ب ايدنا عشان حتي لو تقدم شاب اهو الدليل قبل طبعا مايتزوجها انتي لازم تعرفي مامتك وتروح معاكي لدكتورة وتحكيلها وهي بحكم انها دكتورة ف هتعرف إذا انفض الغشاء بسبب لمس حد وانتي الحمد لله قلتي بنفسك ف هي شوفي لو ينفع تطلع ليكي تقرير ويكون بعلمك انتي لما تتخطبي هتحكي لخطيبك يعني الدكتورة لو عملتلك التقرير انك محدش لمسك انتي ف كلا الحالتين لازم يعرف لانه معلش مش سهل الأمر اصل زي ماقالك للأخ فوق دا غش ف احكي لمامتك بسرعه لان دا امر مش سهل هو اللي حصل حصل وخلاص الحمدلله على كل حال بس سكوتك هضرك انتي فاهماني!
تم النشر السبت، ١٥ أغسطس ٢٠٢٦
انا متفهم انك خايفة تترفضي من الشخص الي انتي شايفه انه مناسب ليكي ، لكن دا الحل الوحيد المريح مطلقاً لأن كل السلوكيات التانية مش صح ولو كانت مريحة في البداية لكن هينتج عنها شك و سوء فهم رهيب جدا بعد الزواج لو تم الامتناع عن توضيح الأمر للخاطب من دلوقت، في النهاية الله المستعان كلنا بنغلط لكن في أوقات بيبقى لازم وواجب علينا اننا نعترف بالغلط دا ونوضح مش نبرر ، والتوضيح لو حصل لكن متأخر ومش في وقته غالبا مش هيبقى ليه فائدة ، والله المستعان.
تم النشر السبت، ١٥ أغسطس ٢٠٢٦
حاجه ليها أثر ليه انا مش فاهمه ايه الأثر اللي ناتج عن حاجه عملتها بالغلط ؟ وبعدين انا بخدعه او بغشه ازاي انا محدش لمسني قبل قبل كده عشان ده يبقى اسمه غش
تم النشر الجمعة، ١٤ أغسطس ٢٠٢٦
في فرق بين الشيء الي له أثر والي بدون أثر ، ومشكلتك لها أثر ولازم الخاطب يعرفه ويقبل بيه علشان لو تم الزواج بدون إخبار الخاطب من الأول واكتشف بعد الزواج دا اسمه غش ومن حقه ساعتها إسترداد المهر كامل ، يجوز للخاطب ان يضع البكارة شرط اصلا ، الموضوع مش انك اذنبتي او لا ، الموضوع مصداقية من جهتك و قبول او رفض من جهته وانتهي. ، ودا هيشيل ضغط كبير جدا في محاولة اثبات اي شيء او محاولة إصلاح الامر بلعكس الوضوح في الامر يكفي والطرف التاني حر يقبل يرفض ، بس الضغط هيتشال تماما وكمان لو تم الزواج مفيش حاجة مخبياها ولا خايفه منها ولا بتتهددي بيها بالعكس .
تم النشر الجمعة، ١٤ أغسطس ٢٠٢٦
بس ماذنبتش في حاجه عشان هوا يسبني
تم النشر الجمعة، ١٤ أغسطس ٢٠٢٦
عليكم السلام ورحمة الله وبركاته ، كوني صادقة واحكي ما حدث لأهلك ولا تنتطري من احد المساندة والخاطب من حقه ان يعلم وقراره بالبقاء من عدمه لا يضرك لكن انظري هل هو متدين حقا ام لا لانه لو لم يكن ممن يخافون ربهم غالبا سيستغل هذا الأمر ضدك فينظر في أمره هل لديه حكمة ولا لا بمعنى اذا قبل بهذا يكون رجل حق ولا يستخدم هذا في يوم من الايام بعد الزواج وان رفض ايضا يكون رجل يخاف الله ولا يذكر هذا ابدا ، واستعن بالله واصبر ، هذا الأمر يرجع للخاطب وهو حر تماما وموقفك لا يدل على ظلمك او اي شيء من هذا لكن هذا الواقع لابد من القبول به ودعاء الله بالزوج الصالح.
تم النشر الجمعة، ١٤ أغسطس ٢٠٢٦
لعرض السؤال في فدني اضغط هنا