بصوا يا جماعة محتاجة مساعدة شوية
أنا بحب الرسم جدًا وخصوصًا رسم البورتريهات والشخصيات الواقعية زي اللي فالصورة، وبقالي فترة بحاول أعرف هل النوع دا من الرسم حرام فعلًا ولا لا؟
بحثت كتير بس كل مرة ألاقي آراء مختلفة ومش بعرف أوصل لإجابة واضحة.
أنا لما برسم مبيبقاش عندي نية لتقليد خلق الله أو أي حاجة، أنا بس بحب الفن والرسم جدًا ومش حابة أسيبه لو مفيش مشكلة فيه.
فلو حد عنده علم بالموضوع أو حتى بيرسم زي كدا ياريت يفيدني 🤍
ولو الموضوع عادي كمان ياريت ترشحولي قنوات يوتيوب كويسة لتعلم البورتريه.
ومعلومة صغيرة: أنا أصلًا بتعلم بالرسم العملي، يعني برسم رسومات كاملة على طول مش أساسيات وكدا.
والصورة دي واحدة من رسوماتي حطيتها بس كمثال.
السلام عليكم، المسألة دي فيها خلاف بين العلماء. فيه آراء إن المقصود في حديث (أشد عذابا المصورون) هو صناعة التماثيل مش الرسم، لكن حتى اللي قالوا حرام رسم ذوات الأرواح فيه منهم أباحوا الأمر لو فيه نقص في الرسمة لا تكتمل معه الحياة زي إن يكون رأس فقط. أنا كمان لما برسم مش بيبقى نيتي منافسة خلق الله أو تقليده... ممكن تقرأي إجابتي على السؤال ده وهتلاقي روابط فيديوهات بتتكلم باستفاضة عن الأمر. https://www.fedni.net/q/95223408/هل-رسم-الكارتون-وذوات-الأرواح-حرام ربنا يوفقك.💚💚
تم النشر الاثنين، ١ يونيو ٢٠٢٦
السلام عليكم ورحمه الله وبركاته بصي يعني الموضوع ده عدى كتير في اسئله قبل كده وفي فتاوى طبعا زي ما انت شفتي ولكن خلينا كده خلاص الشبهات حوالي كتير فاحنا هناخذ ان احنا نتقي الشنطقي الشبهات ما نرسمش خالص ولكن هنا المعضله انه يكون رسم او رسم. الحاجات اللي هي اصلا ذوات ارواح مشكلتها كلها ان احنا كاننا بنتشبه بالمخالقنا اللي فاضل فيها يا دوبك انه ينفخ الروح يعني كاننا بنعمل حاجه شبه. اللي بيعملها ربنا فعلشان نخرج من الشبهه دي فاحنا نرسم ولكن دائما نخلي رسمتنا يعني ما يبقاش جسد كامل نرسمه بس يعني الوش ولكن يكون في جزء منه يكون فيه حاجه بتطمس مثلا العيون او ظل عليها ااا يكونوا في حاجه مغطيه الشكل بتاع بقيه الوجه يعني الطريقه دي. ربنا من المعضله بتاعه الرسم الكامل او التصوير الكامل لكائن حي وده اللي مخلي مساله الصوره حرام ااا حتى ولو بصينا للحديث عن الرسول عليه الصلاه والسلام ذكر اكيد انت قراتيه دخل على السيده عائشه وانا قافله عندها حاجه مرسومه عليها صوره باين عليه قد ايه ان هو متضايق. وقال لها ان هي شقها نصين بحيث انه يعني الجسد ده اللي مرسوم على الحاجه او لمجموعه الحاجه ما يبقاش كامل الله اعلم بقى. كده وهي استخدمتها وهي مقطوعه عادي لكن ما كانش ينفع تتفرد او تكون موجوده وهي مرسوم عليها يعني احنا ناخد بالاحرف وااا استمتعي بالرسمه لكن بعيد عن انك ترسميه كامل في كان ده صرحيه شخص.
تم النشر الأربعاء، ٣ يونيو ٢٠٢٦
يا حبيبتي، أنا فاهمة إنك بتحبي الرسم جدًا وده موهبة جميلة. موضوع رسم الشخصيات الواقعية فيه خلاف بين العلماء، بعضهم يرى إنه مكروه أو محرم لأحاديث تمنع تصوير ذوات الأرواح، وبعضهم يجيزه في الرسم الثنائي الأبعاد بدون نية تقليد الخلق أو عبادة. نيتك الطيبة مهمة، لكن الأفضل تسألي عالم موثوق أو تبحثي في فتاوى موثوقة عشان ترتاحي. لو عايزة مساعدة إضافية، شوفي صفحة الخبراء على Fedni. وجربي تبحثي عن أسئلة مشابهة هناك لآراء أكتر. لو قررتِ تكملي، قنوات زي "Proko" أو "Draw with Jazza" مفيدة للبورتريه. استمري بحذر وادعي ربنا يوفقك. 🤍
تم النشر الاثنين، ١ يونيو ٢٠٢٦
يُفرِّق الشيخ صالح الفوزان في حكم الرسم بين ما فيه روح وما لا روح فيه، مستنداً إلى الأحاديث النبوية الشريفة.ما فيه روح (ذوات الأرواح): كالإنسان والحيوان، يرى الشيخ الفوزان تحريم رسمها باليد، سواء كانت صوراً كاملة أو ناقصة، وسواء رُسمت على ورق أو قماش. ويستثنى من ذلك حالات الضرورة فقط، مثل الرسم لغايات أمنية.ما لا روح فيه: كالأشجار، الجبال، السيارات، والطائرات، يجوز رسمها ولا حرج في ذلك شرعاً ...
تم النشر الأربعاء، ٣ يونيو ٢٠٢٦
اتقِّ الشبهات ،وتذكري دائمًا أن من ترك شيئًا لله عوضه الله خيرًا منه ،، واستبدلي هذا العمل بغيره من الأعمال النافعه ، فلو سألتي نفسك كم أحفظ من القرآن وكم كتابٍ درست في العلم الشرعي ؟! ستجدي أنهم قلة وهذا دليل على الغفلة والله أعلم
تم النشر الأربعاء، ٣ يونيو ٢٠٢٦
الله أعلم
تم النشر السبت، ٦ يونيو ٢٠٢٦
اه تمام..لكن دي مش حاجه غلط دي حاجه اُختلِف فيها.
تم النشر الجمعة، ٥ يونيو ٢٠٢٦
حاجات كتير فى الدين اختلف عليها العلماء ، مش هنختلف عليها احنا ؟! خصوصاً ان كل واحد ماشى فى اتحاه معين وبيمنطق الامور من وجهة نظره ، لو شاكة فى حاجة انها حرام سرشى كويس عن سبب التحريم ولو السبب دا مش موجود وانت مش بتأذى حد ولا بتأذى نفسك ونيييييتك مافيهاش اى تقليل او اهانة لحاجة تخص الدين يبقى بسطى الامور ، الدين يسر مش عسر ومش كل حاجة فى الدين حرام وقبل اى حاجة طول مافيه اتصال بينك وبين ربنا ماتشليش هم ولما يكون فيه حاجة دينيه عايزة تسألى عنها ماتنزليش بوست فى حتة لان كل شيخ وليه طريقة وكل واحد مقتنع بطريقه فهتلاقى اختلاف كتير وناس بتكفر ناس وليلة كبيرة كدا ، دايما سرشى واقرى كتير وابذلى مجهود فى القراية واوعى تلغى عقلك ، دا هيفرق معاكى جدا
تم النشر الجمعة، ٥ يونيو ٢٠٢٦
انا لسة داخلة فى الموضوع جديد وقبل مااتعلم قولت اختبر مستوايا وانا شخصياً اتفاجئت بنفسى فبحاول اجرب حاجات كتير مختلفة لانى لسة مش عارفة انهى نوع ممكن الاقى نفسى فيه يعنى شوية حاجات بالرصاص وشوية ظل وقلم ابيض على ورق اسود كدا يعنى
تم النشر الجمعة، ٥ يونيو ٢٠٢٦
ماتقلقيش ربنا بيحاسب ع النية وانت نيتك مش السبب اللى اتحرمت علشانه ، انا فهماكى كويس لان انا كمان برسم بس كنت متصالحة مع نفسى شويتين وقولت كل واحد عنده أخطاء ولو الخطأ دا انا نيتى فيه مش وحشة وكمان مش بأذى حد وبعمل حاجة بحبها وبتريحنى نفسياً احسن مااكبت نفسى عن حاجة بحبها والموضوع يفلت منى فى غلط اكبر من غير مااحس
تم النشر الخميس، ٤ يونيو ٢٠٢٦
جماعة، الإسلام فيه سعة والأمر خلافي بين العلماء، فيه اللي بيحرم تماما وفيه اللي قصر رسم ذوات الأرواح على إنها تكون وجه فقط أو جسم فقط أو أي نقص لا تكتمل معه الحياة... استخيري عامة وربنا يختر لك الأفضل.. https://www.islamweb.net/ar/fatwa/222169/حكم-رسم-الوجه-دون-سائر-الجسم-وتعليق-الصور-الكرتونية
تم النشر الأربعاء، ٣ يونيو ٢٠٢٦
تمام..شكرا
تم النشر الأربعاء، ٣ يونيو ٢٠٢٦
الشيخ ابن عثيمين يرى أنها غير جائزه ،، ابحثي عاليوتيوب واسمعي رأيه لكي تقتنعي
تم النشر الأربعاء، ٣ يونيو ٢٠٢٦
العفو .
تم النشر الأربعاء، ٣ يونيو ٢٠٢٦
الله يعينك
تم النشر الأربعاء، ٣ يونيو ٢٠٢٦
احسمي الجدال واضبطي ٥ دقايق كتابة واحكمي لو ضبط كملي لو مضبطش خلاص
تم النشر الأربعاء، ٣ يونيو ٢٠٢٦
انتي مجربتيش عشان تكرهي
تم النشر الأربعاء، ٣ يونيو ٢٠٢٦
مخك عمال يديكي حواجز
تم النشر الأربعاء، ٣ يونيو ٢٠٢٦
ان تركتي الرسم لله فلك الجزاء والشرف
تم النشر الأربعاء، ٣ يونيو ٢٠٢٦
ابحثي في الموضوع كويس وافتكري انك مهما حبيتي حاجة وسبتيها ابتغتاء رضى الله ربنا هيعوضك عنها خير كبير جدا وافتكري كمان انه لو حرام تمسكك بالرسم مش هينجدك من حساب الاخرة
تم النشر الأربعاء، ٣ يونيو ٢٠٢٦
عفوا
تم النشر الأربعاء، ٣ يونيو ٢٠٢٦
الافضل ان تتجنبي ... وايضا حديث النبي صلى الله عليه وسلم إنما الأعمال بالنيات لا يعني اني أعمل حاجة غلط واقول نيتي خير
تم النشر الجمعة، ٥ يونيو ٢٠٢٦
هوا انا مش هفتي ف الدين و اذا قلت حاجه غلط عادي صححوها لي بس يعني.
تم النشر الجمعة، ٥ يونيو ٢٠٢٦
@عبده . ف الفتوي اللي بعتتها دكتوره مي ف التعليقات هنا كان واضح ان رسم الراس فقط دون سائر الجسم جائز و كمان سيدنا محمد قال انما الاعمال بالنيات
تم النشر الجمعة، ٥ يونيو ٢٠٢٦
ايه الدليل ان الرسم بيتحاسب عليه بالنية ؟
تم النشر الجمعة، ٥ يونيو ٢٠٢٦
كلامك صح كدا اكمل رسم عادي صح ؟! بشكرِك...اذا معندكيش مانع كنت حابه اعرف نوع الرسومات اللي بترسميها.
تم النشر الخميس، ٤ يونيو ٢٠٢٦
انا بحثت كتير و برضو معرفتش اوصل ل حل ف اتشتت جداا اصلا. عامة انا بقول هكمل عادي و على كل هاخد بالي مثلا اني م ارسمش شخص كامل و كدا و النيه طبعا و ربنا يعفو عننا اضافه اني اصلا مش برسم الا كل فتره و فتره يعني ممكن سنه كامله م اطلعش منها غير ب حوالي اربع خمس رسمات زي اللي ف الصوره كدا...شكرا ليكِ
تم النشر الخميس، ٤ يونيو ٢٠٢٦
الحرمانية اختلف عليها علماء كتير بس الاصل فى التحريم هى نية الند والتحدى مع ربنا واى نية سيئة مادام مش موجودة خلاص واى حاجة تخص الدين سرشى كتير وشغلى دماغك علشان فيه ناس كتير جدا حافظين بس مش فاهمين وفيه ناس ممكن تكفرك كمان
تم النشر الخميس، ٤ يونيو ٢٠٢٦
يا رب...شكرا علي وقتك
تم النشر الأربعاء، ٣ يونيو ٢٠٢٦
هوا عموما مفيش اي حاجه نافعه الكتابه جربتها من فتره كبيره و مكانتش احسن حاجه و الرياضه مش هتصدقوني لو قلت اني مفيش مكان اخد فيه راحتي اصلا...يلا الحمدلله
تم النشر الأربعاء، ٣ يونيو ٢٠٢٦
متعبه طبعا لكن لما تبقي النتيجه مرضيه شويه بيبقي عادي
تم النشر الأربعاء، ٣ يونيو ٢٠٢٦
😅😅 ع الاقل اتعب ف اللي بحبه و لا اتعب ف اللي بكرهه
تم النشر الأربعاء، ٣ يونيو ٢٠٢٦
والرسم مش بتستخدمي ايدك ؟ وكل التفاصيل اللي راسماها في الصورة مش متعبة ؟
تم النشر الأربعاء، ٣ يونيو ٢٠٢٦
لا انا شايفه هوا بيقوللي الحاجات الواقعيه من قبل م اجرب و بيعرفني اي اللي هينفع و اي اللي لا
تم النشر الأربعاء، ٣ يونيو ٢٠٢٦
مش بحب الكتابه و هتتعب صوابعي 😞
تم النشر الأربعاء، ٣ يونيو ٢٠٢٦
لا بأس اكتبي .. ده مش مانع .. الفكرة ان الشخص في الكتابة بيمارس شخصيته بكل عقدها ومشاكلها .... اكتبي المثالية المتعبة وتقبليها
تم النشر الأربعاء، ٣ يونيو ٢٠٢٦
الآن
تم النشر الأربعاء، ٣ يونيو ٢٠٢٦
هتبقي صعبه الي حد ما و مش بلاقي منها فايده لاني هبقي مركزة اني اكتب الكلام بطريقه مثاليه و دا هيعصبني اكتر م يريحني
تم النشر الأربعاء، ٣ يونيو ٢٠٢٦
على مفكرة التلفون .
تم النشر الأربعاء، ٣ يونيو ٢٠٢٦
و الرياضه نفس الفكره
تم النشر الأربعاء، ٣ يونيو ٢٠٢٦
الكتابه مستحيل مفيش اي خصوصيه عندنا
تم النشر الأربعاء، ٣ يونيو ٢٠٢٦
قفلتي باب التعويض على نفسك
تم النشر الأربعاء، ٣ يونيو ٢٠٢٦
جربتي ؟
تم النشر الأربعاء، ٣ يونيو ٢٠٢٦
مفيش اي حاجه منهم تنفع معايا
تم النشر الأربعاء، ٣ يونيو ٢٠٢٦
ربنا هو اللي هيعوضك ... الآن جربي نشاط جديد ... رياضة مثلا او كتابة تعبيرية عن المشاعر لأن ده بيخلي الشخص يفضفض ويفرغ السلبية ويتعافى
تم النشر الأربعاء، ٣ يونيو ٢٠٢٦
بالنسبالي مفيش اي حاجه ممتعه بعملها و كنت بعتبرها مفيده غيره هوا
تم النشر الأربعاء، ٣ يونيو ٢٠٢٦
هوا انا هعمل كدا ف الاخر و انا مضطره بس بصراحه صعبه اويي
تم النشر الأربعاء، ٣ يونيو ٢٠٢٦
ولا تعتبريه تشدد فهناك سبل أخرى للمتعة
تم النشر الأربعاء، ٣ يونيو ٢٠٢٦
المشكله ان الحاجات التانيه اللي مش محرمه دي انا مش بحب رسمها و رسمي بيبقي احلي ف الحاجات التانيه 😞..تمام شكرا..عندي سؤال طب بالنسبه للشيخ ابن عثيمين رايه اي ف دا؟ معلش بس كنت بشوف اذا حضرتك عارفه او كدا
تم النشر الأربعاء، ٣ يونيو ٢٠٢٦
@Ne hal @.. .. هوا انا اصلا يعني مش برسم دايما و لو برسم ف دا مش بيعطلني عن الاعمال النافعه و كدا اللي حضرتك بتقوليها. كمان ان الرسم حرام ف انا شفت فيديوهات و خاصه فيديو ارسلته الدكتوره مي هنا و كان موضوع الرسم عادي و هوا مختلفين فيه لكنه مش حرام و بصراحه هيبقي صعب جدااا جدااا اني اسيبه و هوا يعتبر مهارتي الوحيده و اللي بحبها ف يعني اظن انه مش حرام برضو
تم النشر الأربعاء، ٣ يونيو ٢٠٢٦
مينفعش تشجعها علي الغلط لانك هتاخد ذنب بل لازم انك تنصحها بالصح واللي يرضي ربك @Hamza Ahmed
تم النشر الأربعاء، ٣ يونيو ٢٠٢٦
ميرسي د من ذوق حضرتك
تم النشر الأربعاء، ٣ يونيو ٢٠٢٦
بجد؟ 😅
تم النشر الأربعاء، ٣ يونيو ٢٠٢٦
لعرض السؤال في فدني اضغط هنا