السلام عليكم ورحمة الله وبركاتة
انا طالبه داخله تانية بكالوريا كمان اسبوع وهبدأ دروس انا عندي فرصة شغل معروضه قدامي هي عن المونتاج وكدا وهيكون تبع شركه وكمان المبلغ اللي هاخده مش قليل لاكن في كورس قبل ما ابدا شغل ب5000 جنيه واحنا الظروف الماديه متسمحش بس المبلغ دا لا يقارن ب اللي هاخده من الشغل بعدين وكمان انا خايفه الشغل ياثر عليا في مذاكرتي ومستقبلي انا محتاره من حيث الشغل والتعليم وكمان انا محتاجه الفلوس علشان اقدر اصرف على نفسي لان عندي 3 اخوات تانية محتاجه مصاريف واحنا الظروف مش احسن حاجة
حبيبتي متنسيش أن مجموع تانيه وتالته بيضموا لبعض فلا قدر الله تجنبا لأي تقصير خليها في الاجازه أو لما تخلصي الفرص لسه كتير بلاش حتنشغلي وكل ما تلقي الفلوس اكتر وانك متمكنة حتركني المذاكرة الافضل دلوقت انك تركزي في مذاكرتك عشان مش تندمى بعدين لانك لسه حتدخلى كورس فاهمني ..؟
تم النشر الثلاثاء، ٢٨ يوليو ٢٠٢٦
السلام عليكم، ربنا يوفقك في دراستك إن شاء الله وييسر أمورك. بالنسبة للكورس، هل الشركة نفسها اللي مشترطة الاشتراك فيه ولا ملهاش علاقة وأنتِ هتاخديه عشان تقدري تشتغلي معهم؟ ** هو قرارك عامة مينفعش تاخديه بناء على الراتب أو حاجتك للفلوس أو خوفك من ضياع الفرصة، لازم تحددي أولوياتك للسنة دي، إيه احتمال إن شغلك يؤثر على دراستك في الثانوية؟ هتقدري توفقي بين الاتنين؟ هل الشغل مؤقت ولا مستمر طول السنة الدراسية؟ *** الكورس لا أنصحك تشتركي فيه لو غير متأكدة إذا كان مضمون وهيفيدك فعلا وفيه تطبيق عملي ومراجعة والشغل نفسه الشركة موثوق فيه ونظام العمل وساعاته، يعني عارفة كل التفاصيل اللي محتاجاها عن الشركة والشغل وتأمين حقوقك؟ *** رأيي الشخصي، شوفي شغل يناسبك أكتر وميحتاجش منك كورسات بمبالغ كبيرة لا تناسب ظروفك الحالية. ممكن تفكري في الشغل الأونلاين ولو عرفتِ تلاقي حاجة بدوام جزئي يبقى أفضل وتقدري إن شاء الله توفقي بين الدراسة والشغل. *** فيه خيار تاني ممكن تشوفي إذا هتقدري تمشي فيه وهيناسبك ولا لأ. (مشروعات الدخل السلبي) بتعملي تصاميم وكتب إلكترونية ومنتجات رقمية وتبعيها على الإنترنت في مواقع مختصة. ممكن تشوفي كورس مجاني على يوتيوب وتبدئي تطبقي وإن شاء الله يكون طريق كويس تدخلي فلوس عن طريقه. ده رابط كورس وقائمة تشغيل فيديوهات عن الدخل السلبي والمنتجات الرقمية إن شاء الله يفيدك. https://www.youtube.com/watch?v=0pFbWzuLVfQ&list=PLrNsV6fh5oPNKM9H5fxtizS32T9Hs00RN&index=11&t=46s https://www.youtube.com/playlist?list=PLrNsV6fh5oPNKM9H5fxtizS32T9Hs00RN ** أهم حاجة، استعيني بالله وادعيه يرزقك من واسع فضله ولو عرفتِ تخرجي صدقة بأي بمبلغ ولو صغير اعملي كده وإن شاء الله ربنا هيبارك لك ويرزقك. بالتوفيق.
تم النشر الأحد، ٢٦ يوليو ٢٠٢٦
وعليكم السلام ورحمة الله وبركاته، أولاً، أقدر تمامًا الضغط اللي بتمرّي بيه، خاصة وأنتِ في سنة مهمة زي التانية ثانوي، وفي نفس الوقت بتحسي بمسؤولية تجاه نفسك وأسرتك. الظروف المادية صعبة، ووجود 3 إخوة محتاجين مصاريف بيخلي القرار أصعب، وده طبيعي إنك تكوني محتارة بين فرصة الشغل اللي هتساعدك ماديًا وبين مستقبلك الدراسي. بالنسبة لتأثير الشغل على دراستك، الأمر يعتمد على كمية الوقت اللي هياخده منك. التانية ثانوي سنة مصيرية، والدروس اللي هتبدئيها قريبًا هتحتاجي تركيز كامل. لو الشغل في المونتاج هيكون يومي أو يطلب ساعات طويلة، فده ممكن يأثر على مذاكرتك ويقلل من فرصك في النجاح. لكن لو كان مرن وتقدري تنظمي وقتك بحيث تخصصي ساعات ثابتة للدراسة (مثل 4-5 ساعات يوميًا بعد الدروس)، ممكن يبقى متوازن. جربي تفكري في جدول زمني واقعي: هل تقدري تذاكري صباحًا أو مساءً قبل أو بعد الشغل؟ وهل الشركة هتسمح بجدول جزئي في البداية؟ من ناحية الكورس بـ5000 جنيه، ده استثمار كبير في ظروفكم، وأنصحكِ تتكلمي مع أهلك بصراحة عن الفرصة كلها، عشان يساعدوكِ في تقييمها. ربما يمكن البحث عن طرق أخرى لتوفير المبلغ أو تأجيل الشغل لحين الانتهاء من الامتحانات. تذكري أن التعليم هو بوابتك لفرص أفضل مستقبلاً، والله يرزقكِ من حيث لا تحتسبين، لكن التوازن مهم عشان ما تندميش. لو قررتِ المضي قدمًا، ابدئي بخطوات صغيرة زي تجربة الشغل لفترة قصيرة مع مراقبة أدائك الدراسي، ولو لاحظتِ تأثير سلبي، أعيدي النظر. أنتِ قادرة على اتخاذ قرار حكيم، وأنا هنا لو عايزة تتكلمي أكتر عن تنظيم وقتك.
تم النشر السبت، ٢٥ يوليو ٢٠٢٦
ممكن تشوفى شغل مناسب لوقتك وللماديات بتاعتك .. بلاش كورسات مدفوعه وانتى طالبة طالما مش قادره ..
تم النشر السبت، ٢٥ يوليو ٢٠٢٦
@salma omar معظم صحابي شاغلين فيها عادي بس علشان هما تجاره ف بالنسبه ليهم عادي
تم النشر الأربعاء، ٢٩ يوليو ٢٠٢٦
@Gaeda Taefor مقدرش للاسف انا اسفه
تم النشر الأربعاء، ٢٩ يوليو ٢٠٢٦
@𝙰𝚜𝚖𝚘𝚛𝚊 ࣪ للاسف انا الكبيره ف انا اللي اشتغل وهما اهلي رفضوي قولتلهم وعلى الفلوس اللي عاوزينها ورفضو وقالي ملكيش دعوة ب فلوس السنه بتاعتك
تم النشر الأربعاء، ٢٩ يوليو ٢٠٢٦
لي معقد الموضوع كدا ممكن بس تقولي هي الشركة دي اسمها اية
تم النشر الاثنين، ٢٧ يوليو ٢٠٢٦
عامة كله كدب علشان يخليكي تشتركي في الكورس أتعرض عليا حاجات زي دي قبل كدة
تم النشر الاثنين، ٢٧ يوليو ٢٠٢٦
@Mohammed Gamal طيب حد من اخواتك لو ينفع يعني هوا اللي يشتغل بدالك لان أنتِ سنه شهاده و دا مش هيبقي سهل د غير مصاريف الكورس و ان بعدها هيشوفوكي استفدتي منه كفايه ولا لا عشان يشغّلوكي..ممكن لو تقدري تشوفي شغل اسهل من دا ليكِ و حتي لو مش هتاخدي منه فلوس كتير ع الاقل هتاخدي حاجه تسهل عليكِ مصاريف السنه.
تم النشر الأحد، ٢٦ يوليو ٢٠٢٦
@eslam fayad انا اهلي مش موافقين اني اشتغل اي حاجة انا كنت فاكره اني اني هدفع حاجة بسيطه واشتغل من وراهم
تم النشر الأحد، ٢٦ يوليو ٢٠٢٦
لعرض السؤال في فدني اضغط هنا