انا كنت مرتبط ب بنت من فتره كبيره و سبنا بعض ٣ سنين و بعدها رجعها
في خلال الفتره دي اكيد انا كان ليا صحاب بنات و كده بتاخد رأي بعض زي اي اتنين صحاب في اللبس اقتراحات اكل و كده فا لما رجعنا انا كنت بقلل كلام معاهم بس مقطعتش ١٠٠٪ بعدها هي عرفت أن فيه كلام بين واحده فيهم و مصنفه ده خيانه و قالتلي على رساله معينه ابعتها للبنت و انا شوفت أنها صعبه شوية فا انا اعتذرت ل صاحبتي و قولت أن لو الوضع معكوس انا اول واحد هسحب نفسي و عملت ليها بلوك و خلاص البنت الي بحبها شايفه أن ده حل مناسب ليا مش ليها هي فا بتقولي شوفلك حل في الموضوع و انا مش لاقي عاوز رأيكم اولا و تاني حاجه ايه حلول ممكن اعملها عشان أراضيها لاني بدأت ازهق و نفس الوقت مش عاوز تخسرها
هي مصنفه ان الكلام خيانه ازاي؟ هو الكلام واصل لحد فين بنك وبين البنت ديه او (البنات) على العموم هقولك حاجه من كذا وجهة نظر وانت تقرر براحتك. في الحالة ديه على وجه الخصوص .. لازم الاول انت تعرف وتحدد هل ديه خيانه ولا لا؟ يعني مش علشان انت بتكلم كذا واحدة وانت مثلا مقتنع انك تمام على صحوبية البنت والولد يبقى لازم تعرفها عالاقل انك ليك صحاب بنات وليك مثلا ناس بترتاح معاهم زيادة او (بيست فريند). هي بقى تتقبل تمام .. مش هتتقبل انه يكون ليك حد قريب منك بالشكل ده. الموضوع بقى عندك يعني (الكره في ملعبك). انت اللي تقرر اذا كنت هتوافق على انك تقطع صلتك بالبنات ديه او لا، او انك تقطع صلتك ب (البيست فريند) او لا!! الشيء الثاني وديه وجهة نظري التانيه حط نفسك مكانها .. يعني تخيل معايا كده لو جت وقالت ليك انا اخدت رأي فلان الفلاني اللي معايا في الدراسة ولا الشغل في الساعة ولا ترسيحة شعري ولا حجابي لو كانت محجبة .. ردك انت هيكون ايه؟ ف انت بقى اللي تقبله على نفسك اقبله كمان على غيرك. وجهة نظري الثالثة ايه لزومه؟ ايه وجهة نظرك يعني انه يكون عندك صحاب بنات؟ وبالذات واحدة مقربة ليك؟ يعني معلش هي لازمتها ايه في حياتها؟ يعني تخيل معايا كده مشهد صغير .. لو اتجوزتوا ودخلت الشقة لقيتها بتكلم حد وتقولك استني يا (احمد) اسم مستعار اصلي بكلم (محمد) اسم مستعار ... وبحكيله على المشكلة بتاعة النهارده اصلي محتاج هرايه فيها جدا. انت هيكون ايه احساسك؟ هتقول لنفسك وقتها يعني معلش انتي شيفاني كيس جوافه يعني ؟ انت بقى هتكون زوجها، يعني كل حاجه مراتك وصحبتك وكل حاجه .. ف اللي هو نا مش مالي عينك يعني حضرتك ولا ايه بالظبط؟ هو هو نفس الموضوع لما تاخد رأي (سعاد) اسم مستعار في لبسك ولا شكلك ولا اي حاجه بقى ولا شغلك ايا ما كان، هي اكيد مش كيس جوافه في حياتك!!! واخيرا،،، زي ما هتفكر في نفسك حط نفسك مكان غيرك، وحس شعوره، هتعرف وقتها اذا كنت هتتحمل ده لو كنت مكانها ولا لا. وديه ردي المختصر. وربنا يلهمك الصواب والخير
تم النشر الأحد، ٨ أكتوبر ٢٠٢٣
بص ممكن تخرج.كل الكلام ال جواها عن طريق لعبه لذيذه هي هتحبها وانت كمان مثلا لعبه الاسئله بالدور كله واحد يسال مره ومتنكنش ف اي وقت وخلاص لا لازم يكون فيه وقت خاص بيكم مفيش حاجه تفصلكم عن الكلام بالطريقه دي هنتكلم معايا كتير اووي ولازم تركز ف الكلام ال هقوله وتاخده بعين الاعتبار لانو هيفرق ف انك تفهمها وتتعامل معاها
تم النشر الأحد، ٨ أكتوبر ٢٠٢٣
البنات طبعها الغيره والانفراد بالشخص ال بتحبه ومساله وجود صديقه ده غير محبب بالمره عيشها معاك ف سلام نفسي بمعني طول الوقت حسسها أنها كل حاجه واهم حاجه واجمل الاشياء طبعا فعلا وقولا
تم النشر الأحد، ٨ أكتوبر ٢٠٢٣
للاسف مش هنعرف نناقش معاك الموضوع لانه من الاول مفيش داعى منه ولا البنات الصحاب ولا الارتباط بيبقى استهلاك للمشاعر على الفاضى وفى الاخر هتزهق زى ما بتقول دلع وحركات لو انتوا فى خطة جواز حقيقي هتلاقوا نفسكم بتعدوها ...بس عشان ارتباط ودنيا مفتوحة ملهاش معالم ...طبيعى يبقى ده الوضع
تم النشر الأحد، ٨ أكتوبر ٢٠٢٣
لعرض السؤال في فدني اضغط هنا