وعليكم السلام ورحمة الله وبركاته - للاسف لان احنا في مجتمع ذكوري الي حد ما بيتيح للولد اشياء كتيرة ومنها الحرام بس بيتغاضوا عنها تحت مسمي ( دا ولد لكن انتي بنت)وللاسف برضوا هذا المجتمع ليس بالتدين الكافي - ومش كل واحد اطلق لحيته يبقي شيخ ولما تحبي تسمعي معلومة اسمعيها من مصدر موثوق زي شيوخ الازهر لان الاسلام اعز المراة وشيوخنا الكرام بيوضحوا دا - واللي بنشوفة علي الفيس دا بسبب انتشار التبرج متركزيش فيه - والاحسن انك تعملي اللي يرضي ربنا ومتحطيش كلام حد في دماغك ولا يهمك مين هيقول ايه ولا هياخد فكرة ايه عنك - اما بالنسبة للنساء قليلات دين بسبب العادة الشهرية لما بتيجي تمنعها عن الصلاة والصوم وقليلة عقل لانها بتتصرف بفطرتها ك بنت يعني بالحنية والرحمة وعاطفة الام اللي جواها ومش كل حاجة بتفكر بيها بالعقل ودي من وجهة نظري ميزة ربنا خلقنا بيها - احنا مش عار ولا حمل علي المجتمع بالعكس احنا ربنا كرمنا في الدنيا هنكون بنت واخت وزوجة وام وفي الاخرة هنكون جايزة للمؤمن الصالح (الحور العين )والمراة المومنة في الدنيا اعلي درجة من الحور العين + ان لما هنكون امهات ربنا هيجعل الجنة تحت اقدامنا - فيبقي ايه بقي ؟ نحسن اسلامنا وعبادتنا ابتغاء رضا الله وليس الخلق
لعرض الإجابة في فدني اضغط هنا