محتاج منك تستفيض في عرض بعض المواقف اللي شايف إنك مكنتش مركز وعملت حاجة شايفها غبية، لأني بشتبه في حاجة معينة. هل في أنشطة أو حاجات معينة بتلاقي نفسك مركز فيها جداً، وممكن تنسى نفسك بالساعات وأنت بتعملها؟ ولا دائماً مش قادر تركز؟ بتقدر تخمن طباع الناس وبتحكم عليهم في العادة صح من أقل وأقصر تعاملات؟ أخبار الفلوس معاك إيه؟ بتعرف تحوش ولا دائما بتلاقي حاجة تبدو صح ومنطقية في الأول وبعدين تندم عليها؟ هنكمل في التعليقات بإذن الله لما أسمع منك.
مكنش قصدي على الظروف المادية. قصدي إزاي بتتحكم في مصاريفك. عموما... شوف الاختبار دة وتقييمك هيبقى فيه كام. لو مرتفع، روح لدكتور مخ وأعصاب. https://www.supanote.ai/blog/asrs-v1.1-calculator-adult-adhd-clinician-guide
تم النشر الثلاثاء، ٣٠ يونيو ٢٠٢٦
يعني مثلا بتوه كثير في دماغي بتجي افكار عشوائيه بفكر في اكتر من حاجه في نفس الوقت حبيبتي و مصاريف الكليه و حاجات كتير و حاجات تافه و من النوع اللي بيرتكب نفس الغلط مرتين و تلاته و الناس بتقولي انت في عالم تاني انت تايه و فوق دايما اسمع الكلام ده و مش بقدر افوق كل يوم مش بتقدم اما عن ان اقدر احكم علي الناس من التعامل معاهم انا مش فاهم نفسي اولا عشان افهم الناس و الفلوس انا بقبض من ١٢الف ل ١٤الف جنيه مصري بأخذ منهم مصروفي الشهري و الباقي بعطيه لأبي بساعده في بناء بيتنا الجديد المشكله مش في الفلوس المشكله في اللي انا بتوه نفسي افوق نفسي احس اني شخص يعتمد عليه حبيبتي متعرفش عني اني كده بس اخاف لو لينا مستقبل مع بعض مقدرش علي المسؤولية أو اكون شخص هي متقدرش تعتمد عليه اني اجيب لها طلبات البيت أو لو طلبت مني حاجه كده معرفش في دماغي افكار كتير مش قادر انظم نفسي مهما حكيت لدرجه اني بتوتر كتير اخر فتره كنت أظن أن العاب الفيديو زي ببجي هي السبب حذفتها و علي نفس الوضع كرهت نفسي
تم النشر السبت، ٢٧ يونيو ٢٠٢٦
بتشبه في حاجه زي اي
تم النشر السبت، ٢٧ يونيو ٢٠٢٦
لعرض الإجابة في فدني اضغط هنا