يا جماعه انا متلخبط وعاوز حد يساعدنى فى بنت بفكر فيها عاطفيا ممكن كان فيه من طرف واحد ومعبرتش عنه فى أيام المراهقه ودلوقتي فى بنت ساعات بفكر فيها فانا مش عارف إذا كان حب ولا لا ولو حب اعرف ازاى اعبر عنه ازاى المح عنه وخصوصا لو قريبتى علشان لو مش موافق و يبقى مفيش زعل بين العيله
ايه يا چو ، حب ايه بس اللي يسوحك كده ، ده عقلك اللي عامل فيك كل ده ، الخيال يا صاحبي بيشتغل و يشتغل و يشتغل لدرجة انه ممكن يبنيلك حياة كاملة انت ما عيشتهاش أساساً ، و بما ان شكلها و كاريزمتها وسلوكها عجبوك فعقلك خدهم كمرجع و مصدر للخيال اللي بيعملهولك ، فبقيت اول ما تشوفها ما يجيلكش احساسك ناحيتها هي ، لااا ده بقى احساس مواقف خيالك اللي انت عيشتها بيسقط عليها فيتهيقلم انك بتحبها ، اما عقلنا ده يا جدع عليه شوية ألاعيب إنما ايه كريتيڤ، ما بيعطلش ، أيا كان الإحساس اللي انت مفتقده او محروم منه او نفسك فيه هيعيشهولك يا باشا ، فما تفضلش تمشي وراه و هو يمشيك ، اوعى و زود و عيك و مفاهيمك و انت هتلاقي الدنيا بيس و جميلة و زي الفل و ما فيش حاجه اسمها حب من أول نظرة و انك تحب حد و تتعلق بيه من غير ما تعاشره ، ركز عقلك بيعمل فيك ايه علشان تقدر تتحكم في حياتك و مشاعرك ، و بالتوفيق 😊
تم النشر الثلاثاء، ٣١ مارس ٢٠٢٦
السلام عليكم، منقدرش نقول ده حب... ممكن إعجاب. أنت متعرفش شخصيتها، كل اللي شايفه صورة خارجية وانطباع عنها ممكن يكون صح أو غلط.. وأنت معجب بالصورة اللي متخيلها عنها. الإعجاب ممكن مع الوقت وعمق المعرفة يتطور لحب، بس عشان ده يحصل مفيش غير طريق واحد وهو الارتباط الرسمي، خطوبة شرعية بغرض الزواج تتعرفوا فيها على بعض وتشوفوا إذا متوافقين أو لأ. والخطوبة طبعا مش معمولة عشان تحبوا بعض فيها.. ده ممكن يعمل مشاكل وتعلق وفي الآخر ميحصلش نصيب وهيخليكم معميين عن عيوب بعض واللي بتظهر بعد الزواج وغالبا بيحصل طلاق بسببها. بلاش خالص التلميحات ولا إنك تعترف لها... إذا فيه إمكانية لخطوبة رسمية بضوابط شرعية يبقى تمام، صل استخارة وكلم أهلك عشان تتقدم لها. مفيش إمكانية يبقى احفظ قلبك وقلبها وبلاش خطوة غلط ممكن تهمل مشاكل أكبر خاصة وإنها قريبتك. بالتوفيق.
تم النشر الثلاثاء، ٣١ مارس ٢٠٢٦
اختى تسألها مباشر ولا تيج ازاى
تم النشر الثلاثاء، ٣١ مارس ٢٠٢٦
مش حب يا يوسف اسمه اعجاب بحاجة معينة + انت راجل يا صاحبى بلاش شغل التلميحات وشغل العيال دا انت لو شايف نفسك فى سن زواج وفعلا مقدم على خطوة الزواج وهى عاجباك فعلا كلم حد من طرفها يشوف رأيها أو وسيط أختك مثلا والدتك أو ابوك على حسب هى من طرف مين او حد من قرايبك البنات يبلغها انك عايز تتقدم ويشوف رأيها وهنا مش هيحصل خناقات ولا مشاكل ولا حاجة لكن حتة الحب دا ف اللى انت فيه دا مش حب الحب دا بيجى بعدين
تم النشر الثلاثاء، ٣١ مارس ٢٠٢٦
أيوا ما بينها وبين أختك كدا او اختك تقابلها فى مكان وتقولها والله أخويا ه يتقدم ف محتاجه أشوف رأيك قبل ما ياخد خطوة رسميه وتكون مقابلة أختك ليها بمعرفة أهلك بحيث لو تمام تتوكلوا على وتتقدم ....
تم النشر الثلاثاء، ٣١ مارس ٢٠٢٦
لعرض السؤال في فدني اضغط هنا