الفرق بينى و بين اختى سنتين يعنى مالحقتش اشوف دلع او حاجه لان كان فيه طفل تانى واخد الاهتمام طول عمرى شايفه نفسى انى اقل من اختى اختى بالذات بالرغم من فيه اخ كمان ليا بس انا اكبر منه ب ٤ سنين لما كنت خمس ست سنين ماكنتش بغير منها بالعكس كنت بحبها جدا كنت ارجع من المدرسه و اعلمها بدأنا نكبر شويه و بدأ اسلوبها مايكونش كويس ماعيا دايما متنرفزه و مش مستحمله كلمه بأمانه وقتها برضوا انا كنت بعدى عشان بعد كدا كنت بشوف حبها فى حاجات تانيه بس ماكنتش فاهمه اسلوبها بس بعدين بدأت ازهق هى دايما اسلوبها وحش انا ماكنتش عارفه اتعامل معاها هى بتزعق و بتشتم و انا دا مش اسلوبى عمرى و انا صغيره ما طلعت صوتى لناس تسمعنا و اقول لماما لا عمرى ما كنت طفله متمرده عكسها تمام هى بتقول لا بتصرخ و تزعق و تعترض لما اسلوبها دا زاد ضربتها لانى مش قادره ارود عليها وقتها ضربتها جامد من غير ما احس وقتها ماما زعقتلى و انا زعلن من نفسى جامد و قولت انى عمرى ما حعمل كدا تانى غير انى انا كمان اتفجأت برد الفعل دا من سعتها هى تمادت بقيت تعيط كذب و تروح تشتكى لماما و امى كل مره تصدق مع انى والله العظيم من وقتها ماضربتهاش تانى بس ماحدش صدقنى لأنها كانت بتعيط بجد لما امى بتشوفه كدا مابتسألنيش حتى ضربتها ليه كانت بتضربنى على طول حتى لما امى كانت بتزعقلى بس هى كانت بتخليها تضربنى و هى عارفه كويس انها هى الغلطانه كبرنا اكتر اسلوبها خف بس استمر و انا مابين اقول لنفسى هى اتغيرت و حرام فعلا اسلوبها اتحسن و حاولت تتقرب منى بس انا كرهتها مش بمعنى الكره بس زعلانه لحد اخر وقت كنت بخاف عليها اضرب اللى يضربها و اشتم اللى يختمها بالرغم من انها هى اللى عملت العاركه بس لما كبرنا امتر بعيدنا اكتر انة ماعنديش صحاب عمرى ما عبرت نفسى عمرى ما قولت فلانه زعلتنى فى المدرسه بقعد لوحدى مش متقبله حد يجى يشتكي من هم انا فيه بالفعل و عرفاه قررت اغمض عينى و ابعد عشان ابعد عم عراك مشاكل كلام اما هى اتخانقت مع اللى زعلتها عندها صحاب بتخرج و تتكلم عالمين مختلفين بس ماكنتش معترضه طالما لسع فيه ود بينا و بسبب برضوا انها كانت بتكذب امى كانت دايما حاسه انها مظلومه ماحدش يكلم فلانه اختى يعنى دى غلبانه ماعلش أصلها عصبيه بسبب انها بتاخد نفس ماتعصبوهاش ماتكلموهاش لو امى جابتلى حاجه تجيب ليها عشره من ساعه كمان ما ضربتها و امى دايما مغلطانى فى كل حاجه انا على طول قافله على نفسى لو بره لقيت كبايه اتكسرت حتقول انا اللى كسرتها و انا لا اكلت و لا حتى دورت على شرب من النهار دايما شيفاني وحشه و هى الاحسن هى الأكرم هى اكتر حد بيحبها فى البيت مع انى طول عمرى بساعد امى فى البيت و ازعل عليها لما الاقيها بتنادي حد فيهم يساعد و مرضاش أجرى انا اعمل الاوض المواعين انزل اجيب اللى تطلبه كأن البيت كله انا و هى و بس كان نفسى تشوف بحبها قد ايه او لما ادعى لربنا يا رب أكرم امى و اخواتى و انا مش عايزه حاجه غير انهم يكونوا كويسين كان نفسى بس تعرف بحبهم قد ايه لما كنت بكون تعبانه بقوم اخدم نفسى فى كل حاجه عمرى ما نمت و قولت تعبانه زى اختى او اخويا كنت بقول لنفسى لازم اكون الأقوى لان انا الاكبر فى مره جت امى قالتلى انت ليه مش بتحبينا ليه على طول ساكته و قاعده لوحدك مع انها عارفه لنى طول الوقت كدا حتى فى المدرسه العيال كانوا بيكرهونى لانى مش بكلمهم مره كمان كنت تعبانه خالص طلبت منها تحضر ليا الاكل بس هى قالت انها تعبانه بطريقه حازمه و قالت اقوم اعمل لنفسى فى نفس الدقيقه وصلت اختى و طلبت منها الاكل راحت حضرته ليها و ماعملتش حسابى معاها وقتها زعلت جدا و ماتكلمتش فى كلام امى و تصرفتها عمرى ما حسيت انها شايفه قد ايه انا بحبهم وقد ايه انا وحيده كنت بشوف نظرات الشفقه كانت بتزعلنى بس ماكنتش بتكلم البيت دايما فيه مشامل بسبب ابويا هو مش احسن اب بس برضوا موجود فى حياتنا و جيبلنا احتياجتنا لما كانت تيجى تشتكى ليا كنت دايما تحسسنى فى كلامها انها بتتعامل بطريقه اقل مننا مع ان المعامله واحده كلامها دا كان بيحسسنى انها عايشه فى زعلها هى و لس و عمرها مافكرت فى زعلى الموضوع دا لحد دلوقتى مضايقنى و كل ما حد فيهم يعملى حاجه حتى لو كانت تافهه اتعارك معاهم فضلت اتعارك ازعق اصوت لحد ما كرهت نفسى و لما واجهت امى قالت انى ناكره ليها اللى عملته ماعيا و ان انا طول عمرى وحشه و انها بتديني اكتر من اخويا بس اخويا كلنا بنحبه اختى انا و امى حتى لو ماعطتهوش حتعوضها فى حاجه تانيه كانت اختى دايما بتديه و انا بديهم هما الاتنين عشان ماحدش يحس انه اقل من التانى المشاكل بينا كترت امى اتهمتني انى مش بحبها و اتهامات تانيه كتير قالت لناس غريبه انى طول عمرى كنت غريبه و قاعده لوحدى دا غير كلام انى بكرهها و مش طيقها انا فكرت اكتر من مره انى انتحر و ماعرفش حاجه من عند ربنا كانت بتمنعنى بس لما حسيت انو مافيش امل قولت لنفسى انى ماينفعش انا اللى اموت انا ماغلطتش عشان و دلوقتى انا تعبانه على طول نايمه فى السرير مش قادره اذاكر مش قادره اساعد نفسى زى الاول كل ما اقوم اقع و لو شويه ايام كنت كويسه اقع تانى طبعا البيت زفت ماحدش بيعمل و كل شويه خناق قومى اعملى قومى سوى مافيش حد اشتكيله مافيش حد اروحله السنه دى انا كنت ثانويه عامه و سقطت مع انى قاومت كتير عشان اذاكر بس ماحصلتش اى حاجه و خلاص شايفه حتى الحاجه اللى كانت ممكن تنقذني فشلت فيها انا اتغيرت كتير ضعت سيبت نفسى للحزن و الأفكار تموتني حاجه تقولة موتى ة تانيه تقولى أضربى نفسك لحد ما اجيب دم حاجه تانيه تقولى ابلعى لسانك
انتي صح جدا - انتي معملتيش حاجه علشان تنتحري بالسهولة ديه تضيعي نفسك؟ اختك لسه صغيرة يمكن الدلع الزيادة هو اللي خلاها كده، ولكن هل الحل انك تفضلي متقوقعة حوالين نفسك؟ هل الحل اننا نأذي نفسنا؟ هل الحل اننا نرضى بالامر الواقع؟ هل الحل اننا منعرفش حتى نعيش كويسين؟ انا حاسه بكل كلمة انتي قولتيها، فهماكي كويس، ومقدرة المعاناة اللي انتي عشتيها وبتعيشيها. بس عمر ما كان الحل ف انك تهربي .. اه انتي بتهربي، بتهربي من قعدتك لوحدك، بتهربي من سخطك ع اللي بيحصل طول الوقت، بتهربي من نفسك ومن اللي حواليكي. لو افترضنا اللي حوالينا كده .. بالشكل ده المفروض يحصل ايه؟ المفروض نعدل ده، ماما بتشتكي انك لوحدك ومش بتحبي حد، خلاص ابدئي قربي منها اكتر اقعدي معاها اكتر .. واقعدي مع اخواتك. قربي من اختك وشوفي مشاكلها، احكيلها عنك، خليها تثق فيكي الاول وهي هتحكيلك. صاحبيها متبقيش بس اختها .. الموضوع محتاج مجهود شوية، بس انتي عندك حب - والحب اللي جواكي مش هينتهي .. انتي بس صعبان عليكي نفسك. بس متخليش الحالة ديه تطول، جزء الضحية ده وحش، وحش جدا .. لما بيتملك الواحد بيكتفه، بيخليه ف مكانه، واظن اننا عايزين نتحرك كده ولا ايه؟ سقطي سنة ولا يهمك، السنيين جاية كتير، طالما عايشة تقدي تعملي اللي انتي عايزاه.
تم النشر الخميس، ١٤ سبتمبر ٢٠٢٣
حاولي قربي من مامتك وصحبي اختك غصب عنها ومتزهقيش خالص وربنا معاكي ويريح بالك
تم النشر السبت، ١٦ سبتمبر ٢٠٢٣
الفرق بينك وبين اختك يسمحلك تشوفى دلع عادى احتمال كبير يكون كان فى حاجات بتتقدملك وانتى بترفضى تاخدى وحبيتى دور العطاء بزيادة دور الضحية واضح جدا انك تعمقتى فيه على الاخر لحد ما كل حته فيكى صدقت انك بتتعذبى كل يوم منهم نفسيا ومبقاش فى مساحة تشوفى اى حلو يجوز ان كنتى تقبلتى طفولتك وان امك تراعيكى بدلا من انك اخدتى دور الام الثانية فى البيت كنتى قدرتى تستشعرى كل ما تفتقدينه اليوم واضح جدا انك تصرفاتك مفهومه بالنسبالهم انك مش عاوزه حد يعملك حاجة وان ده نوع من الانعزال وامك حست انك مش عاوزه منها حاجة اغلب الامهات يستشعروا حب ابناءهم فى مدى احتياجهم ليهم .....جربى كبداية تكررى علىى امك احتياجك ليها وانك لوحدك لا تستطيعين فعل الاشياء ....اعتقد انك سترين الفرق بعد مدة قصيرة
تم النشر السبت، ١٦ سبتمبر ٢٠٢٣
ممكن تخرجى نفسك عن الشعور دا بنفسك حاولى تجددى طاقتك اعملى حاجه بتحبيها انزلى أتمشى شوية اعملى اكلة بتحبيها هاتى ورد واهتمى بيه هيغيرلك موودك بس متسبيش نفسك للأفكار الوحشه ممكن تقعدى مع مامتك تقوليلها كل اللى انتى حسانا ممكن تفهمك أو تتغير على الأقل معاكى .أو ممكن تروحى لدكتور نفسى دا ممكن تلجائيله ف الاخر خالص .ربنا يريحك قلبك ويبسطك ويكون قلبهم عليكى وتفضلى كدا بتحبيهم من قلبك
تم النشر الجمعة، ١٥ سبتمبر ٢٠٢٣
لعرض السؤال في فدني اضغط هنا