لو واحده كانت مرتبطه بشخص ومحصلش نصيب وهو مقدرش يعمل حاجه عشانها بمعني تخلي عنها
وكمل حياته واتجوز وخلف، وبالصدفه اكتشفت أنه لسا بيتابعها ع السوشيال ويبعتلها ع صراحه يعرف أخبارها بس هي مكانتش تعرف أنه هو
دا معناه أي!؟
السلام عليكم، ولا تفكر ولا تحلل أي تصرفات. علاقة انتهت وهو كمل حياته وتزوج، أي تصرف منه ملوش معنى.. ده المفروض. هو يا إما ما زال عنده فضول ناحيتها مكملة من غيره إزاي وتجاوزته ولا لأ وبعض الأشخاص عندهم نزعة غرور ونرجسية، عادي يكمل حياته لكن عاوز حياتك واقفة عليه عشان يحس إن مفيش منه. أو بيحاول يلفت نظرها من تاني ويجرها للحنين للماضي وبعدها يرجع للتواصل ويتسلى شوية بعيدا عن الملل الزوجي. دي احتمالات وممكن يكون في احتمال آخر لكن أي احتمالات تانية لا تعني أي شيء وهتكون أذى للبنت مش أكتر. لو أنت صاحبة المشكلة، ركزي في حياتك ومتفكريش في ماضي انتهى، وحبي نفسك أكتر وعززيها عشان تعرفي تختاري صح الإنسان اللي يستحق ويصلح يكون زوج وأب لأولادك إن شاء الله. بالتوفيق.
تم النشر الجمعة، ١٣ يونيو ٢٠٢٥
السلام عليكم ورحمه الله وبركاته طيب بصي يعني احنا الاول كده ايه هنفكر في احتمالات المعنى اللي انت بتدوري عليها وبعدين هنقول الحاجه الأهم اللي في غيري برده قالوها في بعض التعليقات. أولا ممكن يكون خلاص بقى بقى مستقر كفايه وبيدور على مغامره جديده وأسهل حاجه البني ادم يعملها ان هو يدور على مشاعر لطيفه هو ضامنها كانت موجوده قبل كده. دي حاجه حاجه ثانيه ممكن يكون الجو الجواز ما فيهوش المشاعر الملتهبه اللي هو كان بيلاقيها في الارتباط لما بيقعد مع نفسه بيقعد يفتكر المشاعر الملتهبه دي فبيعمل كده. ممكن يكون بيحبك؟ ومتجوز مراته ومراته كويسه وبيحترمها وبيعاملها كويس وكل حاجه، ولكن ما عندهوش نفس درجه الحب عادي. حطينا كده كل الاحتمالات والمعاني انت بقى ما يفرقش اي حاجه معك خالص من اي معنى من دول. لان الراجل سابك. وقرر ان هو ما يكملش معاكي انت بيبدأ حياه مع شخصيه ثانيه. فده اهم حاجه اللي تدوري على معناه معناه ان الشخص اللي خرج وقرر انه شايفني مش انسب حد ليه وهو بالنسبه لي بقى شخص مش موجود اصلا فحتى لو ظهر وجوده بقى شكل من الاشكال انا لازم افضل عند نفس النهايه اللي موجوده عندي انه شخص مش موجود. اتمنى انك تكوني فهمتي الاجابه بشكل كافي واكون ساعدتك.
تم النشر السبت، ١٤ يونيو ٢٠٢٥
نصيحه اسمعي من الأخوات الي نصحوكي ولا تحطي الموضوع في بالك خالص لان حتى فرضا لسه بيحبك فدا مش عذر ليه انه يرجع يبعتلك او يحاول لان خلاص دا اتجوز وعندة اولاد وبيت ، عيشي حياتك انت كمان وفكك منه وربنا هيعوضك بالاحسن منه صدقيني لو كان في خير كان زمانك مراته من الاول بس ربنا شايلك الاحسن بكتير منه وكمان لو حاول يقرب او حاجه صديه مش عشان زعلانه منه لا عشان مش انت الي هتكوني سبب دمار بيت فهماني يعني دا شخص مش تأمنيه بصراحه لان بيعمل كدا وهو متجوز ومخلف وربنا يرزقك بالزوج الصالح الي يسعدك دنيا وآخرة ويكون ونعم العوض ليكي ان شاء الله بإذن الله تعالى
تم النشر الجمعة، ١٣ يونيو ٢٠٢٥
في اكتر من حاجه ممكن تكون السبب ومنها ان الراجل يكون لسه بيحبك حتى لو اتخلى عنك ممكن يكون في قرار صعب خلاه يتخذ القرار ده ومتقوليش هو اكيد مش بيحبني عشان اتجوز وكده.. الراجل يقدر يحب لحد 45 بنت في اليوم وممكن الحب ده يكون مدته 5ةدقايق لكن الحب الحقيقي الي هو بجد بيبقى مع شخص واحد... ممكن يكون بيحبك بس حب البنت دي حب مؤقت لحد ما اتجوزها وبعدين الحب رتح ولبس فيها عشان كده ممكن يكون لسه بيحبك ده الحاجه الاولى... الحاجه التانيه ممكن يكون بيتسلى بيكي حبه ومتستغربيش الراجل لو زهقان البنت بتبقى بالنسباله لعبه ممكن عايز يتسلى بيكي حبه لو مراته حامل او حاجه وممكن يأذيكي برضو فـ خدي حذرك منه حاليا... الحاجه التالته ممكن في اي لحظه يحاول يتقرب منك حبه او اتنين وحبه حبه وياخدك زوجه تانيه مثلا عشان في تقصير من الاولى او عنده حب تغييير او كده... في كل الحالات نصيحه من اخ ليكي وخايف عليكي ابعدي عنه طالما هو اتجوز هو هيحاول في كل الحالات يشدك بكلام حلو فـ خدي حذرك وملكيش دعوه بيه وحاولي تقللي معاه على قد ما تقدري عشان مصلحتك وسمعتك وعشان المشاكل وكده عارف الكلام ده كله اتكرر كتير ومش هيكون مفيد اوي باانسبالك بس حاولت انصحك على قدي 😁✌🏻
تم النشر الجمعة، ١٣ يونيو ٢٠٢٥
ولا اي معني الرجاله بطبعها مبتنساش واحده كانت ف حياتها وزي ماقولتي هو خلف واتجوز راجع يلعب ويبوظلك حياتك ومتتوقعيش انها مكنتش قصده انك تعرفي أنه بيراقبك نصيحه من اخت شيلي الموضوع من دماغك هو راجع عشان يرجعك لنقطه الصفر ويثبت لنفسه أنه متنساش وانك لسه مش عارفه تعيشي من بعده
تم النشر الجمعة، ١٣ يونيو ٢٠٢٥
مرحبًا أختي، هنا ذكية معك. موضوعك حسّاس ويحتاج نتمعن فيه بشكل هادي وعميق. أحيانًا، تصرفات الأشخاص تكون غامضة لأنهم أنفسهم غير واضحين مع مشاعرهم أو ما يريدونه، خاصة في مسألة ارتباطاتهم السابقة. في الحالة اللي تكلّمين عنها، نقدر نحلل الأمور كالآتي: لم ينتهي التأثير العاطفي بالكامل : رغم أنه ارتبط بشخص آخر وتغيرت حياته، ممكن يكون لا يزال لديه فضول تجاهك، وربما يريد معرفة أخبارك من بعيد بطريقة غير مباشرة. حب الفضول أو الاهتمام : بعض الناس يحاولون متابعة الأشخاص الذين كانت تجمعهم بهم قصة حتى ولو انتهى الرابط. عدم القدرة على النسيان أو الفصل الكامل : أحيانًا الإنسان يجد صعوبة في قطع علاقة سابقة بشكل نهائي تلقائيًا، حتى وإن كان مش في حياته اليومية. مبني على احترام أو فضول بريء؟ : لا نعرف نيته بالضبط، هل هو مضايقة؟ هل هو اهتمام مزعج؟ أو مجرد متابعة عابرة؟ نصيحتي لك: ضعي حدودا واضحة. يمكنك استخدام إعدادات الخصوصية في حسابك على السوشيال ميديا، فلا تشاركي كل شيء مع من لا ترغبين بمتابعتهم أو الذين يسببون لك توتر. ذكري نفسك أنك الآن في مرحلة جديدة من حياتك، ولهذا الشخص حياته ومسؤولياته، وأنت تستحقين أن يكون لك حياة مستقرة بدون تشويش أو شكوك. إذا كان الموضوع يزعجك كثيرًا، في تطبيق فدني لدينا متخصصين في النصح النفسي والاجتماعي يمكنهم مساعدتك عبر استشارة خاصة. وأخيرًا، لا تنسي أن ربنا هو الحاكم العدل، والتوكل عليه مع اتخاذ الأسباب هو أفضل طريق. هل ترغبين في نصائح عملية تساعدك على التعامل مع مثل هذه المشاعر أو وضع حدود أكثر وضوحًا في العلاقات؟ سأكون سعيدة بمساعدتك!
تم النشر الجمعة، ١٣ يونيو ٢٠٢٥
معناه انه راجل غير أمين وفاضي وبيتسلى، حطي نفسك مكان مراته وتخيلي زوجك بيفكر ويتواصل مع واحدة تانية! الحل انك تقفلي الباب دة خالص وتبلكيه من كل الأماكن وماتحطيش نفسك ف مةضع يخليكي تنشغلي عن نفسك ومستقبلك لإنه حتى لو بيحبك فدة هيفضل حب من غير فعل لإن خلاص بقى عنده بيت وحياة غيرك
تم النشر الجمعة، ١٣ يونيو ٢٠٢٥
مش شرط يكون حب ممكن من الملل والروتين بيجيله فضول من فترة لفترة
تم النشر الجمعة، ١٣ يونيو ٢٠٢٥
مش معناه اي حاجه مترجعيش تعلقي نفسك بحبال دايبه انتي قلتي بنفسك انو محاولش عشانك وكمل لا وكمان اتجوز وخلف ف حتى لو حس بالندم عليكي او حبك او كلام من دا هو مش هيخرب بيته بدافع الحب ف انتي حاولي تنسيه وتركزي مع مستقبلك وحياتك وربنا يعوضك بالاحسن منه ان شاءلله
تم النشر الجمعة، ١٣ يونيو ٢٠٢٥
لعرض السؤال في فدني اضغط هنا