عندي مشكله في أي حد مش نفس مبادئي او دين او اعتقاد مش بعمل معاه مشكله بس مبقدرش استحمل اتكلم معاه يعني ال البنات ال مسيحيه ال معايا في الدروس بحس لو كلمتهم كلمه لازم اكلمهم في دين وعن الاسلام صحابي من كتر ما انا دايما بنتقد البنات ال بتكلم الشباب واحداه منهم عملت كدا وكانت خايفه تقولي واعترفت لكولوا وانا لا
مع اني لا مثاليه ولا حاجه بس مش بمايع الحق ...لو حد من اهلي ولو كبير عمل غلط مش بكلمه لو ولد عمل تصرف يدل علي عدم الرجوله عمري ما انسها و لما اشوفوا بتعصب قوي بنات دفعتي معظمهم عندي مشكله في تصرفاتهم عشان كدا مش بكلمهم كتير ..انا مش مثاليه ولا حتي بنتقد كتير انا مش بعرف او مش بستحمل اتعامل مع حد ضدد او عكس مبادئي وخصوصا الدين..
طيب خليني اقول لك على يعني ايه الافكار اللي بتبقى جوه؟ البني ادم ممكن تكون جواكي هي اللي بتخليكي تتصرفي كده ممكن من غير ما تاخدي بالك يعني او تبقي مش فاهمه ده ناتج من ايه اولا فكره الملائكيه ثانيا فكره المسطره فكره الملائكيه ان انا بتخيل انه يعني في ملايكه موجودين على الارض اللي هم حلوين قوي قوي قوي وما بيطلعش منهم غلطات كبيره او انا حددتهم بغلطات مسموحه يعني غلطات معينه هي اللي تمام اوكي ممكن تعدي يعني طبعا الفكره دي بتكون فكره غلط وهي اللي بتخليكي تبص للناس وتستنكري جدا اللي هم بيعملوه لانه انت حطاهم في قالب معين او حطاهم في صوره معينهم بيخرجوا من الصوره دي بالنسبه لي ده خطا فادح وغير مسموح به ومش هتقدري تتغطيه ان هم بمزاجهم يحطوا صوره تانيه غير اللي انت حطاها قدام عين. ك ده. احتمال التاني فكره المسطره انه انت تكوني تاخذي اي تصرف من الاخرين بتقاسيه على نفسك فاذا هم عملوا حاجه فتقيسي كده ايه ده انا مش عارفه انا لو مكانهم عمري ما اعمل كده. طيب ايه هي بقى فكره البشريه انه يعني ايه بشر يعني ايه بني ادم ربنا لما خلق البني ادم هو السيستم بتاعه كده السيستم بتاعه انه البني ادم ده. ممكن يغلط يعني فكره الغلط ما فيش عليها حكر اصلا من الخالق في المخلوق بتاعه ده وربنا نفسه يعني جل وعلا قال انه لو انا عايزه احلق ناس ما بتغلطش هحلق ناس ما بتغلطش ولكن لو انتم ما بتغلطوش انا هشيلكم خالص وهحلق خلق اخرين قوي من اخرين يغلطوا ويستغفروا ويتوبوا فدي سنه الله في الارض هو ده اللي ربنا مقرره على يعني جل وعلا انه يكونوا البني ادمين بيغلطوا ويكونوا بيعملوا تصرفات ما بعد الغلط وهي دي اللي بتبين قد ايه هم عندهم استعداد يرجعوا للصح وتبين ان اختياراتهم ممكن تبقى كويسه حتى لو غلط ضروري نتعامل مع الناس بمشاريتهم حتى اللي عنده اختلاف في العقيده لان اللي عنده اختلاف العقيد ده. وده واقع يعني معه طول ما هو عايش ممكن يكتشف العقيده الصح ويؤمن بها والامثال كتيره جدا يعني في ناس بعد ما وصلوا للتسعين سنه اسلموا بعدها. فين المشكله هنا يعني شويه افكار بس تبداي تصححيها يعني وهتلاقي نفسك.
تم النشر الخميس، ١١ أبريل ٢٠٢٤
هل حد في البيت كده بنفس التفكير؟ هو فيه الحقيقة هو فعلا اللي عندك مثالية .. بس فيه شوية حاجات محتاجين نتكلم فيها .. زي مثلا. الحق كل عارفه مش كده؟ اكيد معروف بالنسبة للمسلمين (الدين عند الله هو الاسلام) حقيقة مسلم بها .. ولكن ربنا مأمرش اننا نعاملهم وحش، او منتعاملش معاهم اساسا. ده مش الدين بتاعنا، حتى سيدنا عمر مأرغمش حد انه يدخل في الاسلام وقتها. كل واحد هيتحاسب بس مش احنا اللي هناحسبهم. اما اللي بيخطا اي خطأ .. ده العادي بتاع البشر .. احنا مش ملائكة .. وزي ما قولتلك كلنا عارفين الصح من الغلط. ولكننا بشر نخطئ ونصيب. ومحدش هيعمل الصح من اول مرة غير لما يخطأ ويعرف انه خطأ ويتعلم منه. كلنا فينا اخطاء، وكلنا عكس بعض محدش زي التاني. خدي الحلو من الناس اللي معاكي، متركزيش على الوحش اللي فيهم .. شوفي بعيونك الحلو اللي فيهم. وانصحي طبعا بطريقة لينة وجميلة، متنفرش اللي حواليكي. (لو كنت فظا غليظ القلب لانفضوا من حولك) واتمنى تفكري في كلامي
تم النشر الخميس، ١١ أبريل ٢٠٢٤
لعرض السؤال في فدني اضغط هنا