السلام عليكم ورحمة الله وبركاته
دلوقتي انا بقالي اربع سنين شغالة مع والدي و والدي رافض يديني فلوس على شغلي بخيل بشكل سيء جدا معانا في البيت بيطلع صدقة لمعارفه اللي حالتهم كويسة يعني بنت عمه زوجها متوفي بيطلع لها كل شهر مبلغ كبير اللهم بارك رغم انها شغالة وحالتها مرتاحه جدا
و احنا في البيت رافض ان أي حد من اخواتي يشتغل مفيش فلوس كشف بتطلع او فلوس دروس قعد اخواتي من الدروس علشان الفلوس من كام يوم عطا والدتي مبلغ تديه لبنت عمه و اخوها و اخويا تعب في نفس اليوم طلبنا فلوس رفض انو يدينا نكشف عليه و بمعنى الكلمه مكنش معنا جنية حتي فانا كلمت والدتي و قولتلها ناخد من الفلوس و امي رفضت بس لما حالت اخويا ساءت و التشنجات زادت اخدت المبلغ و المبلغ كله اتصرف ما فضلش منه غير 500 جنية هل كده حرام ولا حلال ؟
دا فرض عليه وهو مسؤل عنكم موقف مامتك سلبي ماينفعش توافق على اللي بيحصل دا وانتي ماعملتيش حاجه حرام ولا غلط اكيد ماكنتيش هتستني اخوكي يجراله حاجة لا قدر الله او تروحي تتسولي ووالدك موجود لو فيه حد كبير للعيلة اكبر من والدك المفروض تشكيله الوضع حرام قبل اي حاجه
تم النشر السبت، ٩ أغسطس ٢٠٢٥
هو انا شايف انك تقعد مع والدك وتحاول تتقرب وتتكلم معاه وتشوف بيفكر ازاي ووحده وحده هوصل لحل اوقات بنبقي شيفين الصوره من زاويه وحده او محتاجين حد بس يوجههنا نبص فين عشان نشوف الصوره من نفس الزاويه الكل شايف منها .. مجرد كلام محاوله نقاش ممكن تحل كل ده
تم النشر السبت، ٩ أغسطس ٢٠٢٥
السلام عليكم ورحمه الله وبركاته على قدر اللي انا اعرفه فيما يخص الحلال والحرام في نقطه الاحتياجات اللي ممكن الزوجه تاخدها من ورا زوجها يحققها تحط ايدها في جيبه يعني او تاخذ من الفلوس اللي هي عارفه ان هي فلوسه ان هو بيقول لا مش هديكوا منها وهي عارفه ان في احتياج فهي تاخد بما يعني يقصي او يغطي الامور الخاصه بالبيت وبالولاد ده حقها اهو الاشكاليه هنا او الخلاف هنا اللي احنا ما نقدرش ان احنا نجزم فيه الا لما يكون في شخص اهل للفتوى وده هيكون افضل ان احنا نعرضها على دار الافتاء في ليهم طريقه اون لاين وفي ليهم طريقه عن طريق التليفون ممكن تستخدميها اييي لانه هو كان واضح جدا في انه المبلغ ده. بالذات ده امانه لحد معين قال لها توصلي فهو هنا ممكن يكون في حرمانيه لانه ال ااا المال ده كان امانه. فهو الافضل انه والدتك علشان تخرج الموضوع من من ذمتها وبلغ والدك انه المبلغ ده انا كنت هوصله زي ما انت كنت بتقول ولكن انا ابني احتاجه وابني كان في خطر ولو حابب توصل لهم نفس المبلغ هات نفس المبلغ تاني هي ده حقها حتى لو باباك اعترض على تصرف اللي اتصرفته يحققها ان هي تقف وتقول انه الاولويه حكمت انه الولد محتاج والولد تعبانه اكيد مش هتصيب ابنها يجرى له حاجه عشان خاطر يكون في صدقه يعني ما ينفعش طبعا ومن باب يعني اللي يحتاجوا البيت يحرم على الجامع حرفيا فلا هو هنا في احتياج للبيت ولولاد والصحه الاولاد فاكيد مش هنروح نتصدق بشيء ولا نطلع ااا حاجه احنا مثلا متعودين نطلعها شهرين.
تم النشر السبت، ٩ أغسطس ٢٠٢٥
وعليكم السلام ورحمة الله وبركاته، أخيتي العزيزة، أولا، أود أن أعبر لك عن تفهمي الشديد للموقف الصعب الذي تعيشينه مع أسرتك، وأدعو الله أن يرزقكم الصبر والفرج القريب. بالنسبة لسؤالك عن أخذ الصدقة، فالأمر يحتاج إلى توضيح فكرتين مهمتين: الصدقة في الشرع هي العطاء من مال الشخص للفقراء والمحتاجين طوعًا وبدون انتظار مقابل، وهي من أبواب البر والتقوى. أخذ الصدقة لمن ليس بحاجة إليها أو ليس من حقه ذلك بدون إذن، فهذا غير صحيح شرعًا، والواجب هو الاستحقاق والصدق في الحاجة. لكن في حالتك، يبدو أن الوضع المادي في البيت صعب جدًا، وأن والدك يرفض إعطاءكم مالًا حتى للضروريات الصحية مثل الكشف على أخيك المريض، وهذا أمر غير مسؤول من جانبه خاصة وأنه يعكس نقصًا في العناية والرعاية. وأنت أتيت إلى أخذ مبلغ من "الصدقة" أو المال الذي وُجه لمن هم أحوج، بسبب حالة أخيك الصحية الطارئة والتي استدعت معالجة عاجلة. هذا موقف اضطراري وأنت لا تتحملين ذنبًا في ذلك، بل إن الله تعالى ينظر إلى النيّة والحاجة. فالصرف على المرضى وطلب العلاج ضرورة شرعية وبالتالي استخدام المال لمثل هذه الضرورة هو أمر مشروع. نصيحتي لك: لا شعور بالذنب أو القلق من أخذك مالًا للضرورة، لأن حفظ النفس وصحة العائلة أمر واجب. حاولي التحدث مع والدتك بوضوح وهدوء حول ضرورة توفير الاحتياجات الأساسية لكم، وخاصة العلاج الطبي. إذا استمر الوضع صعبًا جدًا، يمكنك البحث عن دعم من جهات خيرية أو مساعدة من علماء أو خبراء في فدني ليساعدوك في وضع حلول مناسبة لعائلتك. دائماً تذكري أن الله هو الرازق، والنية الصادقة هي السبيل للبركة والراحة النفسية. إذا شعرتِ بحاجة لمزيد من الدعم النفسي أو لمواجهة التحديات الأسرية بشكل أفضل، لا تترددي في البحث عن خبير نفسي أو اجتماعي مختص عبر صفحة الخبراء في فدني. أنا هنا دائمًا لدعمك، ولا تترددي في السؤال متى احتجتِ. دمتِ بخير، ذكية.
تم النشر السبت، ٩ أغسطس ٢٠٢٥
الله اعلم بس الفلوس اللي طالعه لله مينفعش حد ياخد منها بس ممكن كانت امك تاخد من فلوس والدك من غير علمه وده حلال بنص الحديث
تم النشر السبت، ١٦ أغسطس ٢٠٢٥
لعرض السؤال في فدني اضغط هنا