صديقتي تعاني من الضغط و الاضطراب النفسي لدرجه انها عايزه تبعدني عنها عشان شايفه نفسها وحشه و بقت عصبيه لدرجه هي مش مستحملاها ف عايزه تقوم لوحدها عشان متضايقنيش و تزعلني و هي بتتعالج و بتاخد ادويه
اخرجها و اساعدها ازاي؟ انها تقوم تاني مع العلم اني حاولت كتير اقولها انها حد جميل و عمري ما هشوفها وحشه و اني لازم اكون جنبها بس هي رافضه انها تاذيني او تكون مش زي طبيعتها معايا
قولي لها انا متقبله الحالة اللي انتي فيها، وانها حاجه مش ب ايدك حاليا. وانتي اخدتي خطوة كويسة كمان انك بتعالجي الامور .. ف انا هكون جمبك ولو حسيت اني هتأذي هقولك. ولكن واجب الصاحب علي صاحبه انه يكون جمبه وقت الشدة، واعتقد لو كنت مكانك كنتي هتعملي معايا كده. ادعميها بالكلام اللي زي ده، واتعاملي معاها طبيعي ، متحسسهاش انها مش طبيعية، او مختلفة .. للان ده هيضايقها اكتر. اتعاملي معاها طبيعي ..
تم النشر الأربعاء، ٢٠ ديسمبر ٢٠٢٣
ربنا الرحمن الرحيم يكشف عنها الضر والسوء وينور دربها ويفك عنها الغمة .. وصي أهلها عليها أمها واخوتها والقرايب لو قدرتي .. مهم برضو .. الله يعينك عالجهاد
تم النشر الثلاثاء، ١٩ ديسمبر ٢٠٢٣
حصلها فجأة ولا بالتدريج ، فقدت حد عزيز مثلا .. .. وانتم ف المدرسة ولا خلصتوا .. ممكن حد اتكلم عليها وحش قدامها او جنبها فتأثرت .. خصوصا البنات ف المدارس
تم النشر الثلاثاء، ١٩ ديسمبر ٢٠٢٣
ماتتخليش عنها انها ف مرحلة صعبة .. لو اضطريتي تضربيها وتحضنيها بعدها يكون خير، خرجيها واتمشوا روحوا السوق حاولي كتير .. عقليها وانصحيها ماتركزش ف تفاصيلها ولا تفاصيل حد ولازم تثق ف نفسها والجمال نابع من الروح مش التقاطيع !
تم النشر الثلاثاء، ١٩ ديسمبر ٢٠٢٣
شكرا جدا ليك هحاول تاني ادعيلي و ادعيلها تقوم بالسلامه و تبقي احسن من الاول
تم النشر الثلاثاء، ١٩ ديسمبر ٢٠٢٣
اه انا اقرب حد ليها و هو ايوه حصل مره واحده مش عايزه تتكلم و عايزه تبقي لوحدها نفس الشخصيه ال٢٤ ساعه مع بعض بقينا بالشهر منعرفش حاجه و كل ما احاول بتبعدني
تم النشر الثلاثاء، ١٩ ديسمبر ٢٠٢٣
وعلاقتك بيها من زمان ؟وانت اقرب حد ليها من الصحاب، ... ردي عليها لو سبتيها هتكوني لوحدك وهي ماترضاش بكده .. .. ممكن يكون جالها اكتآب او انتكاسة مؤقتة يعني وتروح ..
تم النشر الثلاثاء، ١٩ ديسمبر ٢٠٢٣
باباها اتوفي في أول السنه و بقت كده من شهر ٩ احنا خريجين كليه
تم النشر الثلاثاء، ١٩ ديسمبر ٢٠٢٣
بحاول مش راضيه مش بترد او بتتهرب لما اقولها ننزل مش عارفه اتصرف ازاي
تم النشر الثلاثاء، ١٩ ديسمبر ٢٠٢٣
لعرض السؤال في فدني اضغط هنا