اولا السلام عليكم ورحمة الله وبركاته
انا اهلي بيكرهو البنات وبسبب كدا عشت طفوله زفت وابويا جوزني غصب بعد الدراسه ع طول اتجوزت لواحد نسخه من ابويا ضرب وشتيمه وزنا وقرف عشت 12سنه من عمري ف ضرب والاهانه والطرد كل شويه ومليش مكان اروحو
خاني مع كل الناس اي ست حتى لو شحاته حياتي عبارة عن قرف وبيحاول دايما يوصلي ان انا اللي غلط وانا السبب في كل حاجة حصلت حتى الزنا انا السبب فيه
مش بيودي ابنو الدراسه فخد ملاحق وانا السبب فيه حتى لما بيضربني بكون انا السبب برضو بيطلع نفسو ملاك في كل حاجة نفسيا مدمرة جسديا متكسره معنويا زفت
عاوزة اهرب اروح اي مكان وخايفه يقتلوني بموت كل يوم شعري وقع عندي دوالي عندي قولون عندي الضغط عندي انيميا كل دا جاني بعد الجواز بسببو حتى اسناني بقت بتتكسر لوحدها
حد يفيدني اعمل اي متقولوش اروح لابويا اتجوز وخلف ولما برن عليه بيشتمني ولو رحتلو زيارة مش زعل بيضربني من غير سبب مش عارفة اعمل اي اسيب ابني وامشي واشتغل واول ما يكون معايا فلوس ارجع اخدو
فيدوني بالله عليكم انا المرة اللي فاتت خنقني بسلك الشاحن ولما رنيت ع أخويا قالي متسيبيش بيتك وشتمني ومرنش عليا تاني ماليش حد
السلام عليكم، أولا ربنا يعينك ويقويك على اللي أنتِ فيه ويجعل لك مخرجا إن شاء الله. الأول استعيني بربنا والجأي له وادعيه من قلبك، هو اللي قادر يغير أحوالك. كرري كتير من قلبك (حسبي الله ونعم الوكيل) و(لا حول ولا قوة إلا بالله العلي العظيم) وواظبي عليهم يوميا. ** لو مفيش إمكانية تستعيني بحد من اللي حولك أو مش لك أقارب تانيين يقفوا له فمش قدامك دلوقتي غير تستعيني بالجهات الرسمية. انقذي نفسك وتواصلي معهم، سواء قدمتِ فيه بلاغ في قسم الشرطة ومتنازلتيش عنه أو تتصالحي مهما حصل، أو تتواصلي مع المجلس القومي لحقوق المرأة وتبلغيهم بالعنف اللي بتتعرضي له وهم يساعدوكِ إن شاء الله. دي أرقام مكتب شكاوى المرأة التابع للمجلس القومي للمرأة، تواصلي معهم ضروري واحمي نفسك. الاتصال التليفوني: عبر الخط المختصر 15115 (يومياً من الساعة 9 صباحاً حتى 9 مساءً). واتساب: على الرقم 01007525600 . وربنا يعينيك وييسر أحوالك.💚
تم النشر الخميس، ٣ سبتمبر ٢٠٢٦
وعليكم السلام ورحمة الله وبركاته. أنا آسفة جداً لكل اللي مريتي بيه، وأقدر إنك حاسة بالدمار النفسي والجسدي ده، وإنك مش قادرة تتحملي أكتر. اللي بيحصل لك مش ذنبك أبداً، ولا أنتِ السبب في الخيانة أو الضرب أو أي حاجة، ده سلوك الزوج اللي مسؤول عنه لوحده، والإسلام بيرفض الإيذاء ده تماماً ويأمر بالمعاملة الحسنة في الزواج. أول حاجة لازم تركزي عليها دلوقتي هي سلامتك وسلامة ابنك. لو الخنق والضرب مستمرين، حاولي توثقي كل حادثة بصور أو تسجيلات لو أمكن، وروحي لأقرب قسم شرطة أو جهة قانونية متخصصة في حماية الأسرة عشان تطلبي أمر حماية فوري، ده هيحميكِ قانونياً ويمنع الزوج من الاقتراب. في نفس الوقت، قدمي طلب طلاق أو خلع في المحكمة، واطلبي حضانة ابنك مع نفقة، لأن القانون بيدعم حقوق المرأة في حالات الإيذاء المتكرر، وده هيخليكِ تقدري تبني حياة مستقرة بعد كده. بالنسبة لصحتك، الضغط والأنيميا والقولون والدوالي وتساقط الشعر وتكسر الأسنان كلها نتيجة التوتر الشديد، فحاولي تروحي لطبيب عام أو متخصص عشان يتابعوا الحالة ويعطوكِ علاج مناسب، وده هيساعدكِ تستعيدي قوتك الجسدية عشان تقدري تواجهي الخطوات الجاية. لو عايزة تشتغلي، ابدئي بخطوات بسيطة زي تعلم مهارة أو حرفة من البيت لو ممكن، عشان تبني استقلال مالي تدريجياً، وده هيخليكِ قادرة ترجعي لابنك بأمان أكبر بدون مخاطرة كبيرة دلوقتي. أنتِ مش لوحدك في المعاناة دي، وابحثي عن أسئلة مشابهة على فدني عشان تشوفي تجارب تانية وأفكار عملية. خدي خطوة واحدة صغيرة كل يوم، وربنا هيسهل لكِ الطريق للخروج من الظلم ده. لو عايزة تتكلمي أكتر عن أي جزء، أنا هنا.
تم النشر الخميس، ٣ سبتمبر ٢٠٢٦
لعرض السؤال في فدني اضغط هنا