أنا مريت بتجربه حب فاشلة ومؤذيه من حوالي ٤ سنين اتعرفت علي شاب خريج صيدله كان عنده ٢٥ سنه وانا كنت وقتها ١٨ سنه اتعرفنا من خلال ابلكيشن للتعارف مع وكنا بنتكلم كصحاب واحده واحده العلاقه اتطورت وقلبت حب وهو اللي اعترف ليا حرفياً قدمت كل حاجه ممكن اعملها علشان أسعده وارضيه ويفضل في حياتي حتي لما كنت بزعل منه كنت اروح اصالحه علشان ميمشيش بعد مرور الوقت صارحني انه هيتجوزني ونسافر دبي لانه كان ناوي يشتغل بره ورسمت احلام و اوهام وصدقت كلامه و ده للاسف بسبب عدم خبرتي وقتها وسذاجتي مع الوقت بدأ يختفي من حياتي بالايام والاسابيع والشهور وانا كنت بتجنن وقتها واسال هو اختفي ليه وكنت بخاف يكون بطل يحبني فكنت برجع أكلمه علشان يفضل معايا بس برضه اختفائه كان مستمر بحجه أنه مشغول في حياته وانا مكنتش بقدر ااقضي يوم طبيعي من غير مايكلمني حتي مقابلتنا كانت قليله اوي يدوبك اتقابلنا مرتين بس وكان بيعاملني كويس فيهم لكن في الشات بيبقي بارد معايا المهم اختفي من حياتي ٦ شهور بعدها وانا كانت نفسيتي بايظه وقتها لدرجة أنه مكنش ليا نفس انزل الكليه وسقطت سنه بس كملت حياتي ومنعت نفسي اكلمه لمده وقررت اعيد السنه وابدا من جديد والحمدلله نجحت في السنه دي بس كنت طول الفتره دي بفكر فيه لدرجه انه قررت ادخل علي حسابه علي الفيس بوك بعد ماكنت بطلت اراقبه وعملتله حظر واكتشفت من حساب بنت عنده أنه خطبها وقتها اترعشت جامد وحاولت احبس دموعي واستغربت لانه لما طلبت منه يتجوزني قالي أنه مش جاهز نفسياً وانه العيب مش فيا وانا صدقته طب ليه فجاه خطب وقتها كلمته وبعتله رساله وبركتله وقررت ااقفل صفحتي بس للاسف بعد كام شهر لقيت حسابه علي الانستغرام ب الصدفه قدامي وضعفت وكلمته وكان كويس معايا وبيرد واطمنا علي بعض وقتها قررت اسئله اسئله كتير كانت في بالي منها أنه ليه سابني وهل حبني بجد وهل هو مضايق من رجوعي
المهم قعدنا نتكلم شات ورد علي اسئلتي وقالي أنه فسخ خطوبته بسبب خلافات وأنه أصلا مش عايز يتجوز بس والده بيجبره علشان كده بيوافق وانه خطب كتير قبل كده ، وقررنا نتقابل بعد الوقت ده و روحنا سينما أنا وقتها كنت مبسوطه اوي لانه شوفته بعد الوقت ده كله واتغير للأحسن وبقا كبير في شغله وناجح لدرجه انه ساعدني في أنه يوفر علاج مستورد لوالدي وكنت مبسوطه اوي معاه لدرجه انه نمت علي كتفه واليوم كان مثالي رغم أنه شكلي مكنش احلا حاجه بس حاولت اتغاضي ده واتصورنا وكلنا وكان لطيف معايا ،واتفقنا نروح سينما تاني وضحكنا واليوم كان حلو ومسكت أيده لاول مره مكنتش عايزة اي حاجه تانيه غير أنه اليوم ميخلصش وافضل مقضياه معاه وبس ومكنتش عايزة اروح عايزه اكون معاه وبس ،لكن للاسف اليوم خلص و روحت وكنا متفقين ننزل تاني نروح الملاهي بس اختفي لحد النهارده بتاريخ ١٧ فبراير ٢٠٢٤ مردش علي رسالتي الاخيره لما سألته فيها جاهز نخرج ؟
لكن مردش أنا عارفه أنه كده دي علاقه سامه أنا مكنتش اعرف ده زمان لكن دلوقتي بحكم أنه قريت تجارب ناس كتيره تانيه وقريت قصص و رويات وحكيت لناس وفادوني ونصحوني أنه مخادع وكان بيتسلي عارفه أنه مش مثالي وأنه فيه عيوب مش هعرف اعيش معاها منها أنه اناني وساعات بارد و قبل كده كان قاسي معايا وبحس وانا معاه أنه ااقل منه ومش جميله ذي البنات اللي حواليه بس انا الفكره حبيته وقدمت حب واهتمام وفضلت العلاقه دي عن مستقبلي وحياتي كنت مستعده اتخلي عن مستقبلي علشانه بس هو بيبعد ويقرب بمزاجه وكان اناني وكان بيختفي كتير ومكنتش بلاقيه في اوحش اوقاتي ،بس كنت بعذره لانه حكالي أنه كان بيحب واحده زمان بس مقدرتهوش واتجوزت في الاخر فكنت بقول أنه علشان كده كان بارد وقاسي معايا ف حاولت اعوضه عن كل حاجه وحشه مر بيها بس شكله قدمت اكتر من الازم لدرجه انه اكيد خسرت احترامه ليا رغم أنه كان بيقولي أنه أنا طيبه وأنه أنا امنيته بس شكل ده كله كدب مشكلتي أنه مش عارفه أنساه و دائماً يقارن اي راجل بشوفه بيه وبتمني تحصل حاجه مستحيله ويتغير ويحبني بس ده مستحيل عمره ماهيتجوزني حتي لما حاولت أنساه بشخص تاني دخل حياتي فجاه وتخيلت أنه العوض لما قولتله اتقدم اضايق مني وفضل يقولي انتي مش فاهمه مشاعرك ولا عارفه انتي عايزة ايه؟
أنا فعمش فاهمه حاجه ونفسيتي تعبانه زهقت من الإنتظار ومن أنه مفيش حد كويس في حياتي كان نفسي يكون هو الشخص اللي يحبني كان نفسي يكون هو نصيبي رغم اختلافنا وخوفي من مستقبلنا بس كنت بتمني يكون هو أنا مش عارفه احس ب الأمان غير معاه مش عايزة امسك ايد حد تاني بس هو مش هيفهم وقالهالي انتي هتتجوزي صالونات وانا كذلك كان نفسي اكون حد اقوي من كده
اللى حاصل معاكى مش حب اصلا خلينا نحط الاشياء فى اسمها الصح ...الحب مش انك يبقى قلبك مرفرف ومش قادر يكمل اليوم من غير الحاجة اللى بتحبيها دى ( اى كانت ) . انتى كنتى حاسه انك قليلة ومحدش هيحبك ويقرب منك وهو جه استغل ده فيكى ولعب بيكى الكورة وانتى قبلتى بده لانك مشوفتيش انك تستاهلى احسن من ده ..وعشان كده لسه شايفه ان نفسك هو بالذات يحبك ومتعرفيش تقربى خلاص من حد غيره لان جواكى بتقولى انا هلاقى مين يحسسنى انه قبل بيا (زى ما انتى متخيله انه تنازل وقبل بيكى يعنى وسط كل الحلوين ) انسى بقى موضوع الشخص ده ..انتى ضرورى تنتبهى لقيمتك عشان حرام تقللى منها بالشكل ده لدرجة انك تأذيها كده بالتعلق بشىء ملهوش اى لازمه
تم النشر الأحد، ١٨ فبراير ٢٠٢٤
كل ده هيعدي وهتبقي احسن بس خدي قرار انك تنسيه وهتنسي وهتلاقي اللي يعوضك عن كم القرف اللي عيشتيه مع الشخص ده اشغلي نفسك بدراستك واشتغلي ع نفسك وحبيها عشان هي بس اللي تستاهل
تم النشر الثلاثاء، ٢٠ فبراير ٢٠٢٤
بص هو وخدك لعبه يعنى يسبك برحتو ويرجع برحتو سيبك من موضيع دى انتى لسه صغير لو يحبك فعلا كان تكلم معاى اهلك واكيد ولديك كان وافق بس لعب بمشاعر ك دى عمرى يحبك
تم النشر الاثنين، ١٩ فبراير ٢٠٢٤
توبي الى الله م الذنب اللي عملتيه اللي هو كلمتي شاب لا يحل لكي واتقربي اكتر من ربنا واتعلقي بربنا مش هيهمك حد
تم النشر الأحد، ١٨ فبراير ٢٠٢٤
السؤال ده باجاباته هيجاوب على كل الاسئلة اللي طرحتيها https://www.fedni.net/q/23362448/ازاي-ممكن-الانسان-يعمل-move-on
تم النشر السبت، ١٧ فبراير ٢٠٢٤
شخص مؤذي وسام بجد احمدي ربنا انه بعد صدقيني اللي زي ده هيستهلكك وهيدمرلك حياتك ولو كمل معاكي دايما هيحسسك احاسيس وحشة وهتبقي بتدي مشاعر وحب وبس وهو لا ده اناني ومريض انتي جميلة وقلبك حلو وتستاهلي تتحبي بجد ربنا يعوضك خير ويجبر بخاطرك يارب
تم النشر الثلاثاء، ٢٠ فبراير ٢٠٢٤
حفظ القرآن أمر صعب
تم النشر الاثنين، ١٩ فبراير ٢٠٢٤
السهل رخيص مع الطرفين
تم النشر الاثنين، ١٩ فبراير ٢٠٢٤
انتي افضل حل انك تفكري في شغل او حياتك لحد لما حد يتقدملك وتعيشي بالحلال
تم النشر الاثنين، ١٩ فبراير ٢٠٢٤
لعرض السؤال في فدني اضغط هنا