انا تعبان نفسيا و محتاج مساعدة انا طالب في سنة خامسة طب بشري بعاني حرفيا في دراستي مع اني داخل الكلية بناء على رغبتي لاني شايف فيها حلمي بس انا كل سنه بنزل في المستوى و الكم ضاغط عليا اوي و ديما حاسس بالعجز و ناهيكم عن الاحساس بالنقص قصاد كل اللي حواليا كأن ناقصني حاجات كتير علشان ابقى على قدم مساواة انا بجد تعبان و مش عارف اعمل ايه
بص كلنا بيجي علينا فترات بنبقا بجد مش قادرين انت عارف انت مش تعبان من المذاكره لا انت اعلان من كتر التفكير. في انك مبقتش كويس وان مستواك ابتدأ يضعف المشكله مش فمستواك عمتن افتكر انك بس اعمل اللي عليك وحاول متقعدش تفكر كتير التعب النفسي اكبر من التعب الجسدي اعمل اللي عليك وملكش دعوه بالنتيجه ربنا هيزرقك صدقني ثق فيه بس
تم النشر الأحد، ١٥ يونيو ٢٠٢٥
اول خطوة ان حضرتك متقارنش نفسك بحد او تخطط بناءً على توقعات الناس وهم مستنيين منك ايه. تاني خطوة انك تتعلم ادارة الوقت والتعامل مع الضغوط النفسية ازاي تمارس رياضة المشي الاسترخاء والتنفس ممارسة هواية زي التلوين الكتابة اي أعمال يدوية بتحبها
تم النشر السبت، ١٤ يونيو ٢٠٢٥
اتكلم مع حد من عيلتك،قرايبك،صحابك او اي حد بتثق فيه و فضفضله ده هيخفف من نفسيتك شوية، فرح نفسك اشتري حاجة لنفسك اخرج اتفسح، غير روتينك في المذاكرة، ذاكر في مكان بره بدل البيت مثلا او عند حد من صحابك او قرايبك، خد راحة شوية و اعمل حاجة بتحبها و ارجع كمل تاني مفيش مشكلة و افتكر إن( و أن ليس للإنسان إلا ما سعى و أن سعيه سوف يُرى)
تم النشر السبت، ١٤ يونيو ٢٠٢٥
ربنا يريح قلبك ويوفقك .. خليك دايما فاهم ومدرك إن محدش كامل .. متركزش على عيوبك واللي ناقصك وتقارنهم باللي حواليك .. اعمل توازن شوية .. ركز ع ايه بيميزك؟ ايه اللي كنت شايفة بيلمع جواك وانت لسه ف بداية طريقك ؟ ايه الحاجة اللي كنت شايف نفسك بتتميز فيها عن اللي حواليك ؟ اكيد في حاجة .. حتى لو كانت ملكة التشخيص عندك اقوى وبتعرف ايه سبب المرض بسرعة عن اللي حواليك .. لو دورت اكيد هتلاقي حاجة كانت جواك و انطفت مع الوقت ومع احساسك بالنقص من مقارنتك بغيرك .. صحي الحاجات دي كلها فيك من تاني .. وشوف ايه نقاط ضعف اللي حواليك .. مستحيل تلاقي كل اصحابك كويسين .. اكيد ف كل حد في ميزة ناقصة ع الأقل .. تركيزك دا هتحس أنهم بشر عادي زيهم زيك .. مش خارقين يعني .. وزي ما في حاجات بتميزهم في حاجات بتنقصهم .. وانت بردو في حاجات بتميزك و بتنقصك .. دا هيخلي في توازن جواك .. وثقتك ف نفسك هتزيد وهيبقى سهل تحسن مستواك مع الوقت .. وخلي بالك في عامل كبير ع نظرتك لنفسك .. يعني لو حاسس انك قليل ف فعلا هتقل حتى لو انت كنت كويس .. ربنا يوفقك ويوفقنا إن شاء الله..
تم النشر السبت، ١٤ يونيو ٢٠٢٥
السلام عليكم ايه الحاجات اللى موجوده فى حياتك غير الدارسة حاليا ارتباط او خطوبة او اصدقاء ليهم وقت وانشطه معاك
تم النشر الأربعاء، ١١ يونيو ٢٠٢٥
أولا بسم الله الرحمن الرحيم حاول تقرب لربنا وتصلى لأنه اكبر حال للخروج من كل متاعب ومشاكل الدنيا يعنى وانت رايح تصلى مثلا حاول تنسى كل مشاكل الدنيا على. قد ما تقدر لازم دائم تفضل فاكر انك مطالب بالسعى وليس النتيجة انت كل اللى عليك تسعى على قدر استعطاك ولازم دائما تبقى فاكر إن ربنا سبحانه وتعالى لا يكلف نفسا إلا وسعها تسعى وتعمل اللى تقدر عليه وما لاكش دعوه بالنتيجة النتيجة دى بتاع ربنا وافتكر انك دائما بتكون مش احسن حاجة بس ربنا كريم
تم النشر الأربعاء، ١١ يونيو ٢٠٢٥
أخي العزيز، أولاً أحب أقول لك إن شعورك هذا مألوف جداً عند الكثير من طلبة الطب، والضغوط التي تواجهها ثقيلة، خاصة في سنة خامسة الطب، حيث تتزايد المسؤوليات والدروس والملاحظات العملية. لكن لنتناول الموضوع خطوة بخطوة معاً: التعب النفسي والشعور بالعجز: هذا شعور طبيعي تحت ضغط الدراسة المكثف، لكنه لا يعني أنك فعلاً ضعيف أو فاشل. حاول تذكير نفسك دائماً بأنك اخترت هذا الطريق لأنك تحلم به، وهذا حلم يستحق منك الاستمرار. الضغط الدراسي وكيفية التعامل معه: من المهم تنظيم وقتك بشكل يجعلك تشعر بأنك تسيطر على دراستك. جرّب تقسيم دراستك إلى فترات قصيرة ومنظمة مع فترات راحة، وخذ وقتاً لنفسك بين الحين والآخر. شعور النقص أمام الآخرين: لا تقارن نفسك بالآخرين كثيراً، لأن كل شخص له ظروفه وقصته. ركز على تطورك الشخصي وحاول أن تضع أهداف صغيرة تحققها وتحتفل بنجاحك مهما كان بسيطاً. طلب الدعم: لا تتردد في طلب المساعدة من مختص نفسي أو مستشار دراسي داخل الجامعة أو خارجها، لأنهم قادرون على مساعدتك بطريقة مهنية أكثر. الجانب الروحي: لا تنسى أن توكل أمرك لله، وتدعو الله أن يمدك بالقوة والصبر، ويشرح صدرك. الثقة بالله تعطي طاقة وراحة نفسية كبيرة. إذا كنت ترغب، يمكنك زيارة صفحة الخبراء في فدني للتواصل مع متخصص نفسي أو مدرب حياة يمكنه دعمك ومساعدتك بشكل أعمق. أنت لست وحدك في هذه الرحلة، واثق أن في داخلك قوة كبيرة قادرة على تخطي كل الصعوبات. وإذا أحببت، أنا هنا دائماً للاستماع لك ودعمك. هل تود أن نتحدث أكثر عن تنظيم الوقت أو استراتيجيات دراسية؟
تم النشر الثلاثاء، ١٠ يونيو ٢٠٢٥
طيب يا اخونا انت قطعت مسافة وقدرت توصل سنة خامسة ما شاء الله ... دي مجرد أعراض نفسية من شعور بالإحباط والنقص... فإي سببها .. اي نظام الأسرة وتأثيرها على شخصيتك؟ في حد غايب أو في نوع من القسوة في الطفولة؟
تم النشر الجمعة، ١٣ يونيو ٢٠٢٥
لعرض السؤال في فدني اضغط هنا