السلام عليكم
الطبيعي الناس بتحب الي يهتم بيها انا غير، اي حد يهتم أو يقرب اشيله خالص وابعد انا انا مش وحيد او بحب الوحده انا بخرج عادي وعندي صحاب بس مش بحبها حد يقولي عامل اي كل شويه او هكذا بحب العلاقه مع اي شخص تكون سطحيه
و عليكم السلام ، ما الذي يخيفك في تعمقك في العلاقات لهذه الدرجة ، و وجود كل العلاقات سطحية هو قمة الوحدة ، ربما انت اعتدت عليها لذلك لا تشعر بها ، رائع ان تكون مكتفي بنفسك و يمكن ان الاشخاص او الدائرة المحيطة بك و البيئة الخالية لا تعونك على ايجاد شخص تهتم بأمره و تحب ان يهتم بأمرك ، اعتقد يا صديقي انك بمجرد لوجودك لهذا الشخص فستختلف نظرتك للعلاقات كليا ، و بالتوفيق 😊
تم النشر الاثنين، ٣٠ مارس ٢٠٢٦
وعليكم السلام ورحمة الله وبركاته يا صديقي 🌟 مش غريب خالص إنك تشعر كده، ده نمط شائع عند ناس كتير زيك، اسمه "الارتباط المستقل" أو "التجنبي" في علم النفس. الناس دي بتحب استقلاليتها وبتخاف من الاقتراب العاطفي الزيادة عشان ميحسوش بضغط أو فقدان سيطرة. أنت مش وحيد، ومش معناه إنك بارد أو مش طبيعي – ده جزء من شخصيتك، وطالما سعيد ومخرج مع صحابك، خليك كده. بس لو عايز تفهم السبب (زي تجارب قديمة أو خوف من الالتزام)، جرب تسأل نفسك: "إيه اللي بيخليني أبعد لما حد يهتم؟" وابدأ صغير: اختار صديق واحد موثوق وقول له شوية عن يومك بدون ضغط، وشوف إحساسك. في الإسلام، التوازن مهم – ربنا يأمرنا بالإحسان للناس والأخوة (زي قوله تعالى: "وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ")، بس بدون إفراط يتعبك. احترم حدودك، ولو عايز تغير، خد خطوات بسيطة زي الدعاء للراحة النفسية. ابحث في فدني عن أسئلة مشابهة زي "العلاقات السطحية" هتلاقي إجابات كتير، أو شوف الخبراء هنا: https://www.fedni.net/experts لو عايز استشارة متخصص. أنت قوي وواعي، استمر كده وهتقدر توازن حياتك إن شاء الله 💪❤️
تم النشر الأحد، ٢٩ مارس ٢٠٢٦
@أحمد سعيد انا الحاجات الاجتماعيه (المجموعه عادي) بحبها بس العلاقات الفرديه الي هو زي صاحب او حد من الاهل وكدا في تفكير كدا بيجيلي بيقولي انت لازم تتغير عشان لما اتجوز اكيد مش هقولها انا زهقت شوفي بقا انتي هتروحي فين😂
تم النشر الاثنين، ٣٠ مارس ٢٠٢٦
يعم لما تتجوز بقى نبقى نشوف الحوار دا انت فين والجواز فين 😅 على العموم حاول تصاحب حد وتعمل هجمه مرتدة لشخصيتك فى انك انت اللى تهتم يلا ننزل قهوة يلا جيم شطرنج يلا حجز تخش انت تقوله عامل ايه بتاع ف هيحصل لدماغك ايرور ف هتزهق ف هترجع لحالتك الأولى تانى وديه حاجه حلوه يخويا خليك رايق أحسن لا عامل ايه بلا بتاع احنا ناقصين وجع دماغ 🥺😅
تم النشر الاثنين، ٣٠ مارس ٢٠٢٦
@أحمد سعيد لا مش للدرجه دي😂💚
تم النشر الاثنين، ٣٠ مارس ٢٠٢٦
ممكن تكون اتعودت على التنمر والكره فبتحس بالإحراج من الاهتمام .... وممكن أنت مش شايف أنك تستحق الاهتمام ... وممكن أنت بتخاف حد يقرب منك لأنك حاسس أنه لو قرب هيعرف حقيقتك وينفر منها .. ودي كلها وساوس والناس أذواق في اللي هيحبك وفي اللي هيكرهم
تم النشر الأربعاء، ١ أبريل ٢٠٢٦
الموضوع نفسي بحت وانه لما حد بيهتم بيك بنسبه ما بيكسر أو يتخطي منطقة الامان بتاعتك والموضوع دا حيبقي له علاقه بصدمات الطفوله ...
تم النشر الثلاثاء، ٣١ مارس ٢٠٢٦
انت لما حد بيقرب او بيهتم بتحس انك مش مسريح وبتحاول خطوه بخطوه تبعد وبتحس بالزهق من الشخص دا الي هو خلاص بقي انت هتلزق فيا مش بتحب تشركه في كل حاجه يعني متفتش عليا انا هاجي لوحدي مش عشان اصحاب لازم نمشي مع بعض ٢٤ ساعه هو دا الي بتحسو
تم النشر الاثنين، ٣٠ مارس ٢٠٢٦
وبما إن الإهتمام مبيطلبش ف أنا هرد عليك .... بص يخويا غالبا الموضوع دا نفسى ممكن يكون حصلك موقف زمان زعلك أو انت مبتحبش التعلق مثلا او اسباب كتير نفسيه وديه بنعالجها فى اننا بنرمى نفسنا عكس رغبتنا مثلا واحد مش اجتماعى يدخل فى نشاطات اجتماعيه ويتعرف على صحاب وكدا وهكذا ----- لكن ممكن يكون دا مود شخصى وطبيعة شخصيه انك بتحب تبقى لوحدك أو مبتحبش الدوشة وهكذا ودا عادى مش غريب دية طبيعة شخصيتك
تم النشر الأحد، ٢٩ مارس ٢٠٢٦
وعليكم السلام ورحمة اللة وبركاته ....... بص يا غالى هو انت ممك.... اه معلش مش هقدر أرد أصل لو رديت يبقى دا اهتمام وانت بطبيعتك مبتحبش الإهتمام 😅
تم النشر الأحد، ٢٩ مارس ٢٠٢٦
لعرض السؤال في فدني اضغط هنا