لو انا وحد بقالنا تمن سنين مع بعض يمكن اكتر ، بتحصل مشاكل طبيعى بنسيب بعض ونرجع ، المرادى حاسه انو صعب نرجع لانى حاسه باذى قلبى مش صافى وهو زى م بيقول انو معندوش طاقه وتعبان ومش هيقدر يقدم حاجه ،هو مش عايز يرجع وقال كدا ومفروض انو قال انو عايز يبدا مع حد تانى بس مبداو مش سامحلو انا رديت ع الكلام دا انو انت اصلا محبتنيش ولو عايز تبدا ابدا وقلت انى هبدا احاول انساك وانى فعلا هدعيلك ربنا يوفقك اول م قلت كدا اديق وزعل وبدا يلومنى ويببرلى انو حبنى وانى بقسى عليه بالكلام
المفروض انى فعلا صعب اتخطاه وحقيقى النفس صعب عليا من غيرو بس انا قلت كدا ردا لكرامتى ، ازاى اعيد حبو ليا او اخليه عايز يرجعلى من غير م ابعتلو ولا اكلمو لانى م عايزه احسسو انى محتاجاه
ليه عايزة تعملي في نفسك كده؟ ليه عايزة تخلي حد يجي وهو مش عايز؟ هل الحب بالعافية؟ اللي عايز يجيلك هيجيلك مهما كانت الظروف ... واللي عايز يبقى معاكي هيبقى معاكي، ف ليه تضعي نفسك في المنطقة ديه، ليه عايزة تعيشي الوهم! اه وهم ، وهم انك مش مصدقة ان كده خلاص! الموضوع انتهي .. صدقي انه انتهي.. صدقي اللي قاله .. مفيش حد هيقول الكلام ده وهو عايزك، وهو زعل وقالك كلام قاسي علشان حس بان فيه حاجه جاية ع كرامته اوي، وانك ولا يهمك ... ف ديه انانية. اصل خلاص حد بيقولك مش قادر اكمل ولما تقولي له ربنا يوفقك، يقولك كلامك قاسي؟ اللي هو افندم! طيب يعني هو كان منتظر انك تبكي وتتحايلي عليه؟ اكيد جت ع كرامته لانه حس انه ولا يهمك. مش لازم ابدا تتراجعي عن موقفك الحالي .. واعرفي ان اللي ساب مرة ممكن يسيب كمان مرة ... واللي عايز يرجع ويكون معاكي مكانش قال انه هيمشي، ومش لازم تعملي خطط علشان يقعد، لانه لو كان عايز يبقى كان بقى.
تم النشر السبت، ١٥ أبريل ٢٠٢٣
نصيحتي ليكِ إنه ما ترجعيش، ما تحاوليش ترجعي، ادي نفسك هدنة شهر شهرين تلاتة اشغلي نفسك فيهم بكل ما تحبيه من أنشطة، اعملي علاقات مع صحابك اخرجِ اتمتعِ بحياتك، وشوفي هل كده مرتاحة، ولا لأ، واسألي نفسك بعدهم لسه عايزة ترجعي؟ وااكد ليكِ انه الاجابة هتكون لا ربنا يطمن قلبك
تم النشر السبت، ١٥ أبريل ٢٠٢٣
برافو عليكي جدا انك قلتيله كده حقيقي فخوره بيكي وهفهمك هو قال كده ليه .. هو شخص للاسف ثقته بنفسه مهزوزه وخايف من الرفض عايز الرفض يجي منه مش منك انتي هزيتي بكلامك عنده ثقته بنفس ايه ده هو انا هتساب ف هيقولك ازاي عملتي كده او هنت عليكي عشان حاجه من الاتنين ي يقلب عليكي الطربيزه ويقولك كنت بختبرك اشوف هتقدري تتحملي معايا لحد ايه وللأسف فشلتي ف الاختبار انا ماشي وسايبك ومش مسامحك او يقولك مش هقدر اسيبك ويومين تلاته يعمل مشكله عشان هو برضه الي يسيبك وميحسش انه اتساب واترفض ف كل الاحوال امشي واقفلي كل الابواب لالي ممكن يدخلك منها بأي شكل بعد كده عشان تعرفي تبدأي ف رحله تتخطيه وتعيشي حياتك وتبداي من اول وجديد مع حد يستحقك فعلا ويعملك المستحيل ويتمنالك الرضى ترضي لانك تستحقي كل حب وكل معافره وكل مجهود حاولي تفضلي فاكره المشاكل بينكم والتفاصيل الي اتأذيتي بيها منه ع مدار السنين دي كلها اوعي تنسيها عشان كل مافكري فيه تفتكريها ويسهل عليكي تخطيه كمان اهتمي بنفسك بصحابك بأهلك بصحتك بلياقتك طوري نفسك خدي كورسات اعملي انشطه تطوعيه اسألي ع اهلك المهم متسيبيش نفسك ف اوضتك وتقفلي عليها وربنا يكرمك بعوض قريب ان شاءالله
تم النشر السبت، ١٥ أبريل ٢٠٢٣
هى دى مشكلة علاقات الارتباط الغير رسميه والى بتبقي بدرى اوى عن الارتباط اللى يدخل فى الحياة الجدية. ارتباط بيستنزف المخزون العاطفى للانسان وبس ومفيش اتجاه للمجهود المبزول ده تجاه اى شىء ده ...فيظهر اللى انتى بتتكلمى فيه ده بالظبط. معنديش نصيحة اقولهالك غير ياريت توقفي الاجهاد والاستنزاف اللى على الفاضى ده.
تم النشر الاثنين، ١٧ أبريل ٢٠٢٣
أولاً، يجب أن تتأكدي أنك تريدين العودة إلى هذا الشخص من أجل الحب الصادق وليس بسبب الغيرة أو لإرضاء شخص آخر. ثم، يجب عليك التركيز على شفاء الجروح السابقة والتغلب على الألم وتحسين ذاتك. يمكنك بدء تحسين حياتك الشخصية بتغيير نمط حياتك، تعلم شيء جديد، ممارسة الرياضة، التركيز على العمل والدراسة، وتكوين علاقات جديدة مع أصدقاء جدد. يمكنك أيضًا التحدث إلى شخص مقرب منك بشأن مشاعرك وأفكارك. في النهاية، الحياة مليئة بالفرص والأشخاص الجديدين ولكن يجب أن تكون على استعداد لتغيير وضعك الحالي والخروج من منطقة الر comfort zone.''
تم النشر السبت، ١٥ أبريل ٢٠٢٣
لعرض السؤال في فدني اضغط هنا