عندي مشاكل مع اهلي طول الوقت وف مشاكل كتير ومش عارفة اكون كويسة ولا افوق وفكرت ف الانتحار كذا مرة بس كنت بهدي نفسي بس انا حاليا مش كويسة
السلام عليكم ورحمة الله وبركاته أولا فكرة الانتحار دي مدخل من مداخل الشيطان استغفري ربنا وابعدي الأفكار دي عن عقلك وكل ما تجيلك الأفكار دي استغفري ربنا وحاولي تصلي ركعتين هتفرق معاكي جدا. ثانيا مشاكل مع الأهل لازم تحاولي تحتويهم تقربي منهم ويبقى في تفاهم وتشوفي ايه أسباب المشاكل دي وهل السبب دا منك انتي ولا منهم وعالجي الأسباب تنتهي المشاكل. وربنا يصلح حالكم إن شاء الله
تم النشر الجمعة، ٢٤ أبريل ٢٠٢٦
حبيبتي بلاش تفكري ف الانتحار النفس مش لعبه دي روح ربنا امنا عليها وهنتحاسب كمان عليها ومش اسلم حل المشاكل دي بتتحل مع الوقت انا كنت زيك بس الحمدلله مع الوقت كل حاجه بتتصلح وبتبقي احسن من الاول ده بيكون اختبار من ربنا وممكن كمان يكون حسد شغلو قرآن كتير ف البيت
تم النشر الثلاثاء، ٢٨ أبريل ٢٠٢٦
بصراحة انا مشفق عليك وحاسس انك فعلا مجهد نفسيا بس والله التفكير في الانتحار عمره مكان النهاية ده بداية لما بعد وربنا ينجيك منها احنا مخلوقين علشان نبتلى ونختبر في صحتنا ومالنا واهلنا فهل كل ما نضعف نموت نفسنا؟! ربنا سبحانه وتعالى قال (لقد خلقنا الانسان في كبد) فدا الطبيعي وربنا مش بيحمل نفس فوق قدرتها لانه عادل فاستعيني بالله انا بصراحة مش عارف ايه الي بتشتكي منه بالضبط علشان اكون جنبك ولو محتاجاني اكون جنبك واساعدك فانا معاكي
تم النشر الجمعة، ٢٤ أبريل ٢٠٢٦
لو فكرتي فى الانتحار يبقى ايمانك بربنا ضعيف اوي ! حلك تصلحي علاقتك مع ربنا مش مع اهلك علشان لو علاقتك بربنا كويسه كنتِ حليتي مشكلة اهلك من زمان ومش وصلت لمشاكل كتيره اتعلمي تقربي من ربنا ويرضي عنك علشان بمساعدة ربنا تعرفي تحلي اى مشكله بالايمان والاراده وليس وسائل اخرى تسبب ان ربنا مش يرضي عننا وندخل فى متاهات! اجعل هَمك الاول والاخير هو الله يكفيك الله هَمّ كل شي
تم النشر الجمعة، ٢٤ أبريل ٢٠٢٦
غير طريقة التفكير بدل ما تحل المشاكل تعايش معها بنفسية أفضل
تم النشر الجمعة، ٢٤ أبريل ٢٠٢٦
لعرض السؤال في فدني اضغط هنا