انا طول عمري وحيدة معنديش صحاب حتى وانا في ابتدائي معنديش دخلت اعدادي حاولت اتعرف بس كلهم بينفرو مني معرفش ايه سبب هل فيا حاجه غلط؟
دخلت ثانوي حاولت ابقى عندي صحاب اتصاحبت على مجموعه و بعدها بفترة بدأت احس اني غير مرغوبه وانا الي بقيت بفرض نفسي عليهم و عشان كده بدأت أبعد عنهم عشان حسيت نفسي تقيله
حاولت اجمع أصحاب من على الانترنت رغم اني بتكسف و عندي رهاب اجتماعي و بقيت اخرج معاهم و برضو مكملوش و بعدو عني بالتدريج لحد ما زهقت من محاولات دي كلها و فضلت عايشه وحيدة و اخرج لوحدي باكل لوحدي بتمشي لوحدي و حتى اهلي كلهم قريبين من بعض و بعاد عني و بدأت أتعود على كده و مش زعلانه ، بس سؤال هنا ليه محدش كان بيصاحبني بجد و كلهم بينفرو و يبعدو عني؟
بصي لازم تعرفي إن الصحبة الصالحة دي رزق زي الفلوس بالظبط، وساعات ربنا بيأخر الرزق ده عشان يحميكي من ناس ممكن تأذيكي أو تشغلك عنه، فماتقوليش العيب فيا، قولي لعل الله أراد لي خيراً. و أوقات ربنا بيخلي العبد وحيد عشان مايلاقيش أنس ولا راحة غير معاه هو سبحانه. جربي تستغلي وقتك ده في الصلاة والذكر، وهتحسي بونس حقيقي يغنيكي عن البشر. ربنا بيحبك ،وبيحب انك تتقربي منه و الصبر على الوحدة عبادة. خليكي واثقة إن ربنا هيعوضك بحد شبهك في الوقت المناسب. حديث النبي ﷺ المؤمن الذي يخالط الناس ويصبر على أذاهم خير من الذي لا يخالطهم ولا يصبر على أذاهم. يعني حاولي بس بذكاء، وبلاش تفرضي نفسك؛ سيبي الأمور تمشي ببركة ربنا. والخلاصة أصلحي ما بينك وبين الله، يصلح الله ما بينك وبين الناس. اهتمي بنفسك وبدراستك وعلاقتك بربنا، والناس الصح هي اللي هتنجذب ليكي من غير مجهود ولا تقل . بعتذر عن الإطالة 😊 وجد ربنا يحفظك ويسعدك
تم النشر الجمعة، ٦ مارس ٢٠٢٦
بصي يحببتي حوار انو معندكيش صحاب دي حتة حلو اووي بجد ليه هقولك واحد انتي م معتمدة علي اي حد في الدنيا دي ولا محتاجة لحد وتقدري تعملي كل حاجة لوحدك تاني حاجة م بتحكي اسراراك لحد دي حاجة حلوة برضو بس ليه بيحصل معاكي كده لانه بختصار ربنا بيحبك اووي وربنا اناني في حبه ل عبد م عباده ف انتي لو اختارتي ف كل مرة محتاجة لحد تروحي تتكلمي مع ربنا دي احسن حاجة ليكي لاني ربنا عايز كده ربنا شايف انك بعيدة عنه ف علشان كده عايزك تبقي قريبة مني بشكل اكتر اعتبري ربنا بالنسبالك كل حاجة وقتي ما تبقي مضايقة قومي صلي ركعتين واحكيلوا وصدقيني هيخليكي تحسي بطاقة ايجابية انتي هتقولي جات منين لما تبقي محتاجة لحد تحكي معاه قومي صلي ركعتين واحكي ل ربنا ل جواكي صدقيني لو اختارت ربنا وكبرتي دماغك من البشر هتكسبي لانه بختصار محدش هسمعك ويحل مشاكلك غير ربنا عز وجل ومحدش هيطبب عليكي غيره برضو محدش هيقف جمبك غيره انتي لو قولتي يارب بس ابواب الفرج كلها هتتفتحلك يبقي ليه ادور علي الناس ، اقسملك بالله اوثخ حاجة الصحاب اوسخ حاجة ممكن تقبليها نا كان عندي واحدة صحبتي صحاب بقالنا ١٢ سنة وفي الاخر اكتشفت انو هي بتحقد عليا وبتغير مني وبتتمنالي الفشل واني ابقي اسوء واحدة هو في كده ، واحدة تاني نفسها اقع، واحدة تانيه خاينة في وشي بتحبني وفي ظهري بتكهرني صدقيني لو كنتي قابلتي الحاحات دي كنتي هتتعبي جامد لانها حاجات صعبة ومش بتعرفيها تتخطيها ف احمد ربنا، نا بحمد ربنا اني وصلت للدرجة دي انو نا بقيت انسانة لوحدي عندي صحاب اه بس م عايزاهم ومش بقرب من اي حد فيهم نا م عايزة غير علاقتي ب ربنا ودراستي ونقطة ومن اول السطر اكتر من كده متحتاجيش امشي في الطريق دي وحياتك هتبقي احسن وكبري دماغي احسن لعل وعسي يكون د احسن ليكي ❤🦋.
تم النشر السبت، ٧ مارس ٢٠٢٦
أختي العزيزة، أنا ذكية، وأشعر بألمك ده كويس جدًا، الوحدة صعبة وبتأثر على الروح، بس أنتِ قوية إنك واجهتيها وبتسألي دلوقتي. مش لازم يكون فيكِ حاجة "غلط"، ده ممكن يكون مزيج من الرهاب الاجتماعي اللي قلتِ عليه (اللي بيخلي التواصل يبان متوتر أو غير عفوي)، أو اختيار مجموعات مش مناسبة لشخصيتك، أو حتى عدم وجود اهتمامات مشتركة حقيقية. الناس أحيانًا بيبعدوا لو حسوا عدم تطابق، مش عشانكِ أنتِ. نصائح عملية عشان تتغيري الدائرة دي: ابدئي صغير : انضمي لدروس قرآن مسجد قريب، أو مجموعات تطوع خيري (زي مساعدة الأيتام). هناك هتلاقي صحبة صالحة بتبقى طبيعية ومبنية على خير. طوري نفسك : اقرئي كتب عن التواصل زي "كيف تكسب الأصدقاء" لديل كارنيجي (ترجمة عربي متوفرة)، وركزي على الاستماع أكتر من الكلام في البداية. مارسي ابتسامة ونظرة عيون ودية أمام المرايا. دعاء وتوكل : قولي "اللهم ألف بين قلوبنا" يوميًا، والصبر مفتاح الفرج، ربنا بيختارلكِ الأفضل. خطوة أولى : حددي هدف أسبوعي، زي السلام على 3 أشخاص جدد في مكان عام. أنتِ مش تقيلة، أنتِ تستحقين صداقات حقيقية. جربي تبحثي في فدني عن "كيف أكسب أصدقاء" هتلاقي إجابات كتير، أو شوفي الخبراء هنا: https://www.fedni.net/experts. لو عايزة تتكلمي أكتر، أنا هنا دائمًا 💕
تم النشر الجمعة، ٦ مارس ٢٠٢٦
فرحانه جدا انك عرفت تتغلب على ادمان الحاجات دي ربنا يوفقك يارب وشكرا💞
تم النشر الثلاثاء، ١٠ مارس ٢٠٢٦
انا كنت كده برضو من كام سنة ومازلت نوعا وحاولت زيك كده بس انا لقيت ان السبب ان الواحد مش ببيبقي لسه لقي اللي شبه لما جيت احول اتقرب من مجموعة زيك كده كنت بحس اني ماشي معاهم غصب عني مش حاببهم يعني ولا هم ومش واخد راحتي خايف ينقدوني من الاخر ولاسف الفترة كانت أسوأ فترة حياتي لانهم علموني سلبيات ادمنتها خت فترة كبيرة لاتغلب عليها ويمكن برضو يكون السبب ان الصاحب بيجي مع المواقف دايما بلقيها في الروايات بس له مش شفتها فنصيحتي ليكي ان في نعمه والله واطلبي من ربنا دايما الصحبة الصالحة وحاولي تروحي مكان في ناس مهتمه بنفس اهتمامتك وافتكري ان الصحبة بتعوز وقت مخصص ليها
تم النشر الثلاثاء، ١٠ مارس ٢٠٢٦
أنا كدا برضوا لدرجة أني بدأت اشك في نفسي لكن احسن صحبه ممكن تلقيها لما تصاحبي نفسك
تم النشر الأحد، ٨ مارس ٢٠٢٦
انا كنت هيك لما بطلت اهتم بالموضوع وعفتها لل وقت صرت احب الوحده وصار الناس يتقربو مني وانا بعدت
تم النشر الأحد، ٨ مارس ٢٠٢٦
حاولي تراجعي نفسك وتشوفي تصرفاتك حلوه معاهم او انتي مثلا تصرفاتك وحشه او بتحاولي تفرضي نفسك على اشخاص مش متقبلينك من البدايه او شوفي اسلوبك معاهم في الكلام مثلا بتتعاملي معاهم بنفس اسلوبهم ولا اسلوبك مختلف عشان كده مش متقبلينك
تم النشر الأحد، ٨ مارس ٢٠٢٦
شكرا اوي بجد 💝 ربنا يجزايكي خير
تم النشر السبت، ٧ مارس ٢٠٢٦
اسلام عليكم ورحمة الله وبركاته ﴿وَعَسَىٰ أَنْ تَكْرَهُوا شَيْئًا وَهُوَ خَيْرٌ لَّكُمْ﴾ — من سورة البقرة (216) يعني أحيانًا ربنا يبعد عنك شخص أو حاجة، وإنتِ تزعلي، لكن في الحقيقة ده خير وحماية ليكي. الفكرة إن ربنا أحيانًا يبعد ناس عن حياتنا لأن نيتهم مش كويسة أو كانوا ممكن يأذونا، وربنا يعلم اللي في القلوب. وي دلوقتي انتي ف ثانوي ركزي علي هدفك بس يمكن ده بسبب انك هتكوني بإذن الله حاجه عظيمه ف بيبعد عنك اي تشتت قربي من ربك اكتر وي اهتمي ب نفسك وي صحتك وي جسدك وي هدفيك وي توكلي على الله يمكن ربنا يكريمك بقلب يعواضك عن كل ده
تم النشر السبت، ٧ مارس ٢٠٢٦
انا اسفه ليكي
تم النشر الجمعة، ٦ مارس ٢٠٢٦
🤍
تم النشر الثلاثاء، ١٠ مارس ٢٠٢٦
لعرض السؤال في فدني اضغط هنا