انا بنت في سنه تانية جامعه كليه حاسبات دخلت جامعه اهليه بسبب اني جبت في الثانويه العامه مجموع62
انا من الاول مكنتش حابه ادخل اي كليه بالفلوس عشان احنا في بلد ارياف والكلام كتير وانا نفسيا بتاثر بالكلام بعد نتيجه الثانويه العامه انا كنت زعلانه بس رضيت وقلت الحمد لله
بعدها عرفت ان بابا هيقدم في الاهليه وكده واعترضت ومكنتش حابه بس ماما وبابا اصروا عليا فوافقت وتوكلت على الله
المهم دلوقتي طول السنه القرايب ذاكري بقا وانجحي عشان الفلوس اللي ابوكي بيدافعها
حتى اختي الصغيره لما المدرسين يسألوها دخلت اي بيقولو طب ذاكري انتي بقا ومتخليش ابوكي يدفع فلوس تاني
حتى بابا وماما التانين يفضلو يقولو في البيت لاختي ذاكري مش عايزين ندفع تاني وهما ساعه درجات السنه الأولى يقولو صحابك عملوا اي عشان يعرفوا هل درجاتنا قريبه من بعض ولا لا واني المشكله فيا ولا عادي ده طبيعي وانا نحجت الحمد لله وجبت درجات كويسه
حتي أختي التانيه تيجي تفضض معايا وتقولي مش حابه بابا يدفع فلوس تاني عشان كده تضغط نفسها مذاكره
اذاكر مذاكرش هما على طول محسسني اني فاشله بجد ايوه أحيانا بقصر في المذاكره بسبب انهم اصلا مش سايبين لي وقت كل حاجه تعالي اعملي ده وتعالي اعملي ده وفي الاخر انتي مش بتذاكري
ولما اقول ما كنت بعمل اللي انتو عايزينه انتي بتتحجي وانا طاقتي بتخلص على حاجه واحده مش بقدر اعمل كذا حاجه مع بعض ده عندهم انتو جيل مرهوق مع اني بجد بكون تعبت مش قادره
ولو قلت مش هعمل اذن انا بنت قليله الادب
دلوقتي السنه التانيه بدأت ونفس السنه اللي فاتت بيتعاد ونفسي مسدوده من الدراسه ومن الجامعه كلها وبفكر أقعد ومكلمش عشان استريح من الكلام مش عارفه اعمل اي
ما تهتمي بكلام الناس، الناس بيحكو كتير بس بالاخر كل شخص عنده حياته ومشاكله، ممكن تسمعي كلمة تتأثري فيها وتخربلك كل نهارك بالمقابل الشخص الي قالها ولا على بالو بيروّح البيت وبعيش حياته... لهيك حافظي على قلبك وحاولي ما تتأثري بكلام حدا.. هاد اولا. ثانيا، انت ما طلبتي من الوالد يسجلك بالكلية الاهلية، على العكس انت رفضتي انه يدفع بس هو من نفسه قرر انه يدفع، فما تلومي نفسك، بس بنفس الوقت استغلي هاي الفرصة... فرصة انك فتتي على الجامعة، في اشخاص ما بتسمحلهن الظروف حتى انو يكملو تعليم مدرسة... وقسمي وقتك كتير منيح، استغلي اوقات بعد الفجر للدراسة، صلي الصبح وابدئي الدراسة بترتيب... ولما اهلك يطلبو مساعدة ساعديهن واحتسبي الاجر واطلبي القوة من الله واصلا اذا بدهن يطلبو مساعدة بكون خلال النهار وانت الفجر للظهر بكون معك كتير ساعات تدرسي بنجاعة بالتوفيق❤
تم النشر الخميس، ٢٥ سبتمبر ٢٠٢٥
المستقبل مفيهوش عِند يا بنات.. في النهاية النتيجة النهائية هتكون لنفسك.. ايوه انا ملاحظ ان البيئة سامة نوعا عند مجهولة.. و فيه طريقة ستيناتي قوي في تعاملهم معاكي و الناس بطلتها من زمان بس مش مهم، متاخديش علي كلامهم ولا تدي اي اعتبار بس في مذاكرتك ركزي انك تطلعي بأحسن نتيجة لنفسك مش علشان تسعدي اللي حواليكي.. و تعالي قبل الامتحانات بشهر و اقلبيها طواريء و ذاكري بجد فعلا اسلوب مذاكرة 45 و تاخد فاصل كان اعتقد اني سمعته قبل كده في فيديو لأحمد ابو زيد " دروس اونلاين" ع اليوتيوب و قبل ما اسمع عنه انا اصلا زمان ايام الدراسة كنت بطبقه من غير ما اعرفه بس كنت بذاكر بطريقة غريبة شوية.. كنت بجيب الكتاب و الخصه بنفسي لان الوزارة و الدكاترة و غيرهم بيحطوا حشو كتير انا كنت بعمل تلخيص لكل مادة و اذاكر من تلخيصي مش من الكتاب.. نصيحتي ليكي شوفي اسلوب مذاكرة مرن يتماشي مع الوضع عندك، و فرصة اهو تحدي انك لما تنشغلي بسببهم تعرفي انت واقفة فين و ترجعي تكملي دربي نفسك علي كده و نصيحة اركني الحساسية بتاعتك على جنب بعدين.. محدش بيختار اهله بس بعدين هتجيلك فرصة تعملي دايرتك و بيتك.. ابقي اعمليهم بشكل احسن من اللي بتعاني منه دلوقتي.. و ربنا مش بيضيع اجر حد اجتهد.. حتى لو الناس ضيعته..
تم النشر الخميس، ٢٥ سبتمبر ٢٠٢٥
بصي انا زيك بس انا السنادي خلصت ثانوية وداخله اول جامعه يعني مفروض اوله من سعات بدأت الدراسه المهم انا بردو جبت مجموع زباله بمعنى الكلمه انتي كده جايبة درجه احسن مني انا دخلت معهد وماليش نفس في خالص ورغم كده بفلوس قد كده وحاولت اقول لماما دخليني خاص رفضت تخيلي كل حوليا دخلو كليات الا انا وبحاول اكون كويسه انتي حاولي تكملي مافيش حاجه اسمها اقعد عشان شوية كلام اتقال انا هو زيك وبمر بردو بكلام ده اه لسه في البدايه بس انا عارفه اني هيتقال كتير وحاسه بيكي بس انتي متقصريش يعني حاولي على قدر الإمكان انك تكوني احسن هما مش عايزين يحسو انو بدفعو فلوس على الفاضي ذاكري وشدي حالك حتى لو بتعملي حاجات كتير حاولي تدي طاقتك في كل حاجه يعني اعمل كل حاجه متخليش طاقتك تخلص في حاجه واحدة و تاني حاجه مهما حصل شوفي انتي بتحبي ايه يعني انتي الكليه ديه حبها حبه مجال بتعها لو اه ده كويس انك هتدي فيها اهتمام اوي لو مش حبها حاولي انك تحبيها عشان الحاجه تكون سهل اكتر ومتزعليش من الكلام ده صدقني كله كلام اما لما تثبتي نفسك انك ناجحة ومعاكي شهاده وقدام نفسك فخوره ده احسن شعور وده محتاج منك تعب كتير تعب طول فتره دراسه وفتره للي هالكلام بيطلوبو منك حاجات ربنا هيعينك ساعتها والصلاة لو مش بتصلي ديما هتحسي انك طاقتك خلصانه من غير ايه حاجه صلي وقربي من ربنا وادعي ان ربنا يهدي اهلك عليكي ويهدكي وتمشي في طريقه الصح
تم النشر الخميس، ٢٥ سبتمبر ٢٠٢٥
مرحبًا بكِ يا عزيزتي، أنا ذكية، وسأحاول معك خطوة خطوة نحل معًا ما تمرين به وأقدّم لك الدعم والنصائح التي تحتاجينها. أولاً، أود أن أقول لكِ إن شعورك بضغوط كبيرة في بيتك وفي الجامعة أمر طبيعي جدًا، خاصة مع هذا الكم من الضغط النفسي من حولك، سواء من أهلك أو حتى من نفسك. أنتِ فعلاً مجتهدة وهذا واضح، ولكن الموازنة بين مذاكرة الجامعة ومتطلبات الأسرة من حولك يجعلك تشعرين بالانهاك. دعيني أساعدك بفهم وضعك من جوانب مختلفة وأعطيك خطوات عملية: 1. ضغوط الأسرة: من المهم أن تذكري لهم بلطف وصدق أنك تقدّرين تضحياتهم، وأنك تريدين النجاح والتميز لكن الضغط الزائد والتدخل المستمر يقللان من تركيزك ونشاطك. حاولي أن تحددي أوقاتًا مخصصة للدراسة لا يحق لأحد فيهم مقاطعتك فيها، واطلبي منهم دعمك وعدم الحكم عليك بهذا الشكل السلبي. 2. تنظيم وقتك: حاولي أن تحددي جدولًا دراسيًا متوازنًا: فترات مذاكرة مركزة (مثلاً 45 دقيقة) ثم فترات راحة قصيرة (10-15 دقيقة). ضمن الجدول، خصصي وقتًا للقيام بمهام الأسرة، ولكن ليس بشكل مستمر يمنعك من التركيز. اشرحي لهم أنك عندما تذاكرين بتركيز أقل وقت، ستحققين نتائج أفضل. استفيدي من الأوقات التي تشعرين فيها بحيوية أكبر، مثلاً في الصباح الباكر أو بعد صلاة الفجر. 3. الدعاء والتوكل على الله: لا تنسي أن ترفعي قلبك لله بالدعاء، وتذكري قوله تعالى: (فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا). التوكل على الله مهم جدًا في كل مرحلة، وثقي أن الله لا يضيع أجر المجتهدين. 4. تطوير مهاراتك النفسية: عندما تشعرين بضغوط أو كلام سلبي، ذكري نفسك بما حققته مسبقًا من نقاط قوة ونجاحات، مثلاً درجاتك الجيدة رغم كل الصعوبات. احرصي على ألا تأخذي كلام أهلك بشكل مؤذي، وحاولي التعامل معه وكأنه مجرد رأي متغير وغير مرتبط بقيمتك الحقيقية. 5. حاولي أن تتحدثي مع شخصية موثوقة خارج البيت: إذا لم تشعري بالراحة مع العائلة في التعبير عن نفسك، ربما شخص متخصص (مدرسة، مرشدة جامعية، أو طبيب نفسي) يمكن أن يساعدك في التعامل مع الضغط النفسي بشكل أفضل. أنا معك خطوة بخطوة، وإذا أردتِ، يمكنك البحث في فدني عن تجارب بنات آخرين مروا بمواقف مشابهة، وكذلك زيارة صفحة الخبراء في فدني للحصول على استشارة تخصصية تساعدك أكثر. هل تودين أن نضع خطة يومية للدراسة والتنظيم معًا؟ أو هل لديكِ نقاط تريدين أن نركز عليها أكثر؟ أنا هنا لمساعدتك بكل ود واهتمام.
تم النشر الخميس، ٢٥ سبتمبر ٢٠٢٥
السلام عليكم ورحمة الله اولا انت مش فاشله ولا وحشه ولا اي حاجه الي خلاكي تفكري كدا الكلام الي بتسمعيه ، الكلام الي مفيش منه اي فايدة الناس عمرهم ما بيسكتوا عارفه لو جبتي مجموع كبير هيقولوا اه دا جابته بالغش وان مقالوش كدا ينشوكي العين المحترمه ويتكلموا برضو دول ناس موجودين في حياتنا كلنا جران بقا او غيرة بس موجودين ف نعمل ايه نسمع من هنا ونطلع من هناك ليه لان انا في حالي ومليش دعوة بحد يبقا مش هحطهم في خانه مهمه وافكر في كلامهم واتعب روحي محدش عاش الي عشتيه ولا شاف مريتي بأيه ولا اي حاجه وكلنا عارفين ان ياما اتظلموا في ثانويه عامه وبيتظلموا وهيتظلموا كمان فبجد ربنا يوفقنا اجميعن ويجبر بخاطرك ومتفكريش ف كلامهم كتير عشان متتعبيش عارفه خلي دايما قدامك نقطه ان ربنا هو الي بيحطك في مكانك الصح وان دا مكتوبك ف نحمد ربنا على كل حال وكل شئ دائما وابدا وربنا كاتبلك تدخلي الكليه دي وايه يعني اهليه او خاصه مهو ممكن ربنا فتحلك الطريق دا عشان عارف ان فرصتك فيه وبيدكي فرصه تثبتي نفسك عشان الي اتكلم زمان ميقدرش يفتح بوقه تاني طب ما في الي بيسافر يكمل تعليمه برا مصر وبفلوس برضو هل دا يعني الي على رجله نقش الحنه ومش هيجيبوا سيرته (مع احترامي للجميع والله اجدع واحسن ناس وبكون فخورة بأي حد بيدور على مستقبله ويفكه من كلام الناس) لا بس عارفه هو رما كلامهم ورا وكمل ومهموش عشان حلمه اهم من شوية نميمه ووالله هي أرزاق كل واحد بياخد رزقه ونصيبه والي اتعلم في خاص او حكومي او ايا كان معاك ايه اتأكد أن ربنا شايفلك وشايلك الخير دايما وهيجبرك في الاخر ، أهلك بيحبوكي ولو طريقتهم غلط شويه بس بيحبوكي كلنا بنساعد أهلنا عادي بس برضو لازم وقت تخصصيه لنفسك ومذاكرتك وتعرفيهم وتتفقي معاهم بهدوء وبراحه عارفه ان صعب عليكي تسمعي الكلام دا منهم بس خدي المغزى هم ممكن بيقولوا كدا لاختك عشان تجتهد وتعافر ومتحطش في بالها الخاص والله مش قصدي تجريح او تقليل من شأنك خالص والله بس قصدي انهم يخلوها تعمل كل الي عليها المضمون هنا أنها تعمل الي عليها وميكونش في نوع من الاستهتار بحجة ان هي حاطه في دماغها مانا كدا كدا هدخل خاص وخلاص والعب او مذاكرش فهماني وبعدين الخاص برضو مش بيقبل بأي مجموع يعني لازم تجتهد وتذاكر عشان تدخلي كلية محترمه وعارفه ان طريقتهم غلط بس خدي انت المغزى من ورا كلامهم هم اكيد مش قصدهم يجرحوكي ولا حاجه وانا اسفه ومتزعليش نفسك اختك لسه دماغها مراهقه ومش هتفهم غير لما تكبر صدقيني وانتو ملكوش غير بعض وخليكي انت السند والداعم وانصحيها وربنا يوفقك وييسرلك كل عسير
تم النشر الجمعة، ٢٦ سبتمبر ٢٠٢٥
دي مشكله الارياف كل حاجه يتكلموا فيها ربنا يقويك ويوفقك
تم النشر الجمعة، ٢٦ سبتمبر ٢٠٢٥
انا زيك بالظبط داخل خاص والكلام في بلدي كتير عني وانا حرفيا مبسمعش لكلام حد عشان الناس في الارياف هتتكلم عنك كدا كدا لو عملت اي هيتكلموا عنك ، تاني حاجة اقعدي مع بابا وماما واتكلمي معاهم بهدوء انك لازم تذاكري وليكي وقت لدا ووقت لدا وحاولي معاهم بهدوء ولو شافوا منك تقديرات واجتهاد صدقيني اسلوبهم هيتغير معاكي
تم النشر الخميس، ٢٥ سبتمبر ٢٠٢٥
لعرض السؤال في فدني اضغط هنا