السلام عليكم ورحمه الله
أنا شاب عندي 20 سنه عندي مشاكل كتير في التركيز و النسيان و بقيت بتعرض للتنمر بسبب الموضوع دا و مش لاقي حل.
و انا شغال في مكان لازم أكون في قمه التركيز عشان أي جنيه ممكن يروح هتحاسب عليه انا شغال في فرع كاش و طول اليوم تعاملات و فلوس داخله و فلوس خارجه و تركيزي ضعيف.
اعمل اي عشان بجد تعبت و بدأت أحس اني في مرحله أسوأ بكتير من اي حاجه في حياتي و عايز دايما افضل في البيت عشان محدش يتنمر عليا
أولا ظبط مواعيد نومك نام بدري واصحى بدري ثانيا ابتعد قدر الإمكان عن استخدام الهاتف الا للضرورة فقط ثالثا اطمن على تحاليلك وشوف ايه الفيتامينات الناقصه عندك وخذها رابعا سجل أي حاجه بتنساها في نوته خامسا دوام على قراءة القرآن الكريم ولازم الدعاء بعدم النسيان
تم النشر الأحد، ١٦ نوفمبر ٢٠٢٥
وعليكم السلام أنا عندى نفس المشكلة دا بيكون ناتج عن المشتتات وهو التلفون والريلزات والتيك توك طول القعدة دي بتقلل التركيز دا اولا عشان تحل ده الغي السوشيال من حياتك سيب الواتس للاتصال صدقني هي صعبة بس هتفرق في حياتك وشغلك ثانيا بص بقى القرآن خلي ليك ورد يومي ٣ آيات مثلا اقعد احفظ فيهم طول النهار وسمعهم لما تروح البيت ياريت تبقى فاهم أن الصلاة أهم من أي شيء ودا الوقت المهم لعقلك أنه يرتاح ويصفى ويعيد حساباته تاني وأعرف اي عمل يلهيك عن الصلاة لا يبارك الله فيه خليك بشخصية وطلع صلي لو معاك فلوس لنفسك اسأل صيدلي عن دواء التركيز في حالتك انت واوصفله حالتك هيكون عارف دوا كويس يجيب معاك حل إن شاء الله وأهم حاجة بعد الصلاة ريح أعصابك شوية هدي نفسك يا يوسف خدل فاصل لعقلك عشان على الأقل يقدر يستوعب اللي حصل أخيرا كلنا بنغلط مفهوش غلط ولا عيب أهم حاجة تشتغل على نفسك وتطور منها عشان بعد كده هتبص تلاقي اللي بيتنمروا عليك هما اللي عاوزين يقلدوك ويبقوا شبهك ومتخليش كلام حد يأثر فيك لا بالحلو ولا بالوحش.
تم النشر الأربعاء، ١٩ نوفمبر ٢٠٢٥
فى ادوية زى اوميجا 3بيساعد على التركيز وتحسين الذاكرة و حاول تنظم نومك وصلاتك ولو فى ذنب بتعمله ممكن يكون دة عقاب من ربنا علشان تتوب .
تم النشر الجمعة، ٢١ نوفمبر ٢٠٢٥
عليكَ بالقرآن أخي. اقرأهُ بنية التركيز.
تم النشر الأحد، ١٦ نوفمبر ٢٠٢٥
ضبط نومك .. والزم ذكر الله في اوقات التوتر أو حتى غير التوتر
تم النشر الجمعة، ٢١ نوفمبر ٢٠٢٥
الموضوع سهل خالص نوته في جيبك وقلم واكتب كل حاجه حتى لو تافهه
تم النشر الأحد، ١٦ نوفمبر ٢٠٢٥
لعرض السؤال في فدني اضغط هنا