السلام عليكم ورحمة الله وبركاته
انا متخرجه من سنتين وبعد ما خلصت دورت على شغل كتير متخرجه من كليه تجاره عربي قسم محاسبه بشتغل حاليا في صيدليه قلت عالبال ما الاقي شغل في تخصصي بس محتارة مش عارفه ادور فين على شغل في تخصصي غير إني بدأت اعرف اكتر عن الصيدله وكل الادويه وخصوصا انا في المحاسبه كنت ضعيفه مش عارفه ادور علي فين لتخصصي ولا اتجه لاي طريق تايهه بجد
وعليكم السلام ورحمة الله وبركاته، يا بنتي. أول حاجة أحب أطمنك إن اللي بتمرّي بيه طبيعي جدًا، كتير من الخريجين بيحسوا بالتيه بعد التخرج، خاصة لو الشغل الحالي مش مرتبط بالتخصص. أنتِ مش ضعيفة، بس محتاجة خطة واضحة عشان ترجعي لمجال المحاسبة بثقة. ابدئي بتقوية مهاراتك في المحاسبة، لأنك ذكرتِ إنك كنتِ ضعيفة فيها. خدي كورسات قصيرة أو دورات تدريبية في برامج زي Excel وبرامج المحاسبة الشائعة، وركزي على التطبيق العملي من خلال حل مسائل أو متابعة فيديوهات تعليمية. ده هيخليكِ جاهزة للمقابلات ويرفع فرصك. بعد كده، ابحثي عن وظائف محاسبة في الشركات التجارية، المكاتب المحاسبية، أو حتى الصيدليات الكبيرة اللي ممكن تحتاج محاسبة داخلية، واستخدمي مواقع التوظيف المحلية أو مجموعات الخريجين على وسائل التواصل. كمان، حدثي سيرتك الذاتية عشان تبرزي خبرتك في الصيدلية كمهارة إضافية (مثل التعامل مع الأرقام والأدوية)، وابدئي بالتقديم على وظائف مبتدئة أو تدريبية عشان تكتسبي خبرة. لو حاسة إنك محتارة بين الاتجاهين، جربي تخصصك لفترة محددة (مثل 3 شهور) وشوفي النتيجة. ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وهتوصلي للطريق المناسب إن شاء الله، خدي خطوة صغيرة كل يوم.
تم النشر الثلاثاء، ١٥ سبتمبر ٢٠٢٦
ان شاء الله
تم النشر الخميس، ١٧ سبتمبر ٢٠٢٦
بصي لو بتخلصي ع المغرب في الغالب في اليوم هيقصر ويكون معاكي ساعتين تلاته تدرسي فيهم هيكون ضغط عليكي بس هتكسبي وقت وخبره وربنا يقويكي
تم النشر الخميس، ١٧ سبتمبر ٢٠٢٦
طول اليوم مش باخد اجازة بخلص علي المغرب يوم الجمعه بس بروح من الساعه ١٢ مش من ٩ العادي بتاعي
تم النشر الخميس، ١٧ سبتمبر ٢٠٢٦
معندكش يوم حتي اجازه او بتشتغلي مثلا عدد ساعات معينه ولا طول اليوم
تم النشر الخميس، ١٧ سبتمبر ٢٠٢٦
طيب اخد ازاي كورسات وانا في الصيدليه طول اليوم كله ازاي اطور مجالي
تم النشر الخميس، ١٧ سبتمبر ٢٠٢٦
أيوا صح كدا وأنك تطوري من نفسك في الصيدليه اكتر من تخصيصك أنتي بتعملي كدا علشان أنتي شغاله في الصيدليه طبيعي تطوري نفسك فيها بس المشكله أنها مش تخصصك مش معاكي شهاده تشتغلي بيها زي ما قولتلك خدي كورسات في مجالك و اشتغلي فيه
تم النشر الخميس، ١٧ سبتمبر ٢٠٢٦
اه يعني اطور نفسي في تخصصي وانا بشتغل المشكله بقيت بحاول اتعرف عن الصيدليه والادويه اكتر من تخصصي مش عارفه ليه
تم النشر الخميس، ١٧ سبتمبر ٢٠٢٦
بصي خليكي في الصيدليه بس جنب منها يعني خد كورسات في المحاسبه وشوفي وظيفه تناسبك وتنفعك ل بعدين فاهمه قصدي
تم النشر الخميس، ١٧ سبتمبر ٢٠٢٦
ماشي ان شاء الله
تم النشر الثلاثاء، ١٥ سبتمبر ٢٠٢٦
الصيدلية شغلها معروف اخره ومفيهوش لازياده ف الخبره ولا الماده ولا غيره والمستفيد الوحيد هو صاحبها .. سيبى الشغل وابحثى عن مكتب محاسبه كويس يأمن عليك واتعلمى واكبرى ف مجالك
تم النشر الثلاثاء، ١٥ سبتمبر ٢٠٢٦
المشكله انا تعودت علي شغل الصيدليه ومش عارفه امشي ازاي وفي نفس الوقت انتبه لمجالي
تم النشر الثلاثاء، ١٥ سبتمبر ٢٠٢٦
مكتب محاسبة لحد مايبقى ليك مكتبك الخاص .. نصيحة خليك ف تخصصك
تم النشر الثلاثاء، ١٥ سبتمبر ٢٠٢٦
لعرض السؤال في فدني اضغط هنا