بصراحة اول مره اكتب هنا وموضوع غريب شويه ويكاد يكون غير منطقي ولولا ان كان في ناس تاني معايا عاشت هي التفاصيل كنت قلت اني كنت احلم او اتوهم
الموضوع حصل معايا من اجازه السنه اللي فاتت شهر ٧ السنه اللي فاتت كنت زهقانه وكتير اتصفح الفيس بالصدفه براجع رسايل الماسنجر قريت رساله قديمه لصديقه كانت عندي من سنه هي من المغرب وكانت تتواصل معي من سنه علي فترات متقطعه
حكت ليا قصه عن انها على علاقه بضابط في بلد تانيه معه مشاكل مع أهله وتفاصيل تانيه المهم هي البنت كانت تريد مني اتواصل مع هذا الحساب لساعدها في حاجه معينه ان على كلامها في حد مهكر حساب هذا الشخص اللي تحبه
من غبائي فعلا حاولت ساعدها واتواصل مع هذا الحساب بشكل تواصل عادي كنوع من الصداقه والتعارف المهم من خلال التواصل فتره حسيت صاحب هذا الحساب مش زي ما قالت يعني ما ظنيت انه سيء لدرجه الفيلم اللي حكته
المهم التهيت في دراستي وتركت الموضوع لسنه كامله رجعت وشوفت المحادثه في الاجازه اللي فاتت واتكلمت مع صاحب هذا الحساب لفتره وشبه أصبح في صداقه وحكى تفاصيل كتير عن أهله وحياته وفعلا كان ضابط وتفاصيله تشبه كتير التفاصيل اللي حكت عنها البنت المغربيه
حاولت اتواصل معاها مره تانيه لقيت ان حساب الماسنجر بتاعها اتحذف المهم كملت بالتواصل مع حساب الشخص اللي حكت ليا عليه واتفقنا على الزواج واتواصلت مع اخته بس كان في مشكله كبيره بالنسبالي وهي اني ماشفته فيديو ولا مره ولا حتى شفت اخته فيديو لاطمن من ناحيتهم
من طبعي اني كتير بحب البحث والتدوير وصلت من خلال معلومات حكاها لي عن اخواته بس الصدمه لقيت صورته باسم شخص تاني ومره حكيت مع الشخص اللي المفروض اخوه كان يتكلم بشكل هجومي وشتم اللي المفروض اخوه وحتى اساء ليا وانا مش فاهمه ايه سبب كل دا وليه اتصرف كدا
ومن خلال البحث اكثر عرفت انه كذاب في ٩٠ في الميه من المعلومات اللي حكاها ومفيش دليل واحد يثبت صدقه غير خطوه وحده بس انه اتكلم مع اخويا ومن المعلومات اللي وصلها اخويا انه فعلا ضابط وانه متهم في قضيه زنا
وبالمناسبة هذه النقطه اللي كنت احكي معه فيها كان ضابط وامتنع عن الشغل لمده اسبوع علشان كدا كانت العقوبه حبس لمده حسب قوانينها الصعبه في البلد بتاعته
المهم انه كان في الفتره اللي هو فيها محبوس اتكلم مع اخويا فيها وعلشان فكره انه ضابط كان يقدر يمتلك تلفونه في السجن بواسطه حد من أصحابه ولكن على كلامه هذا التلفون كان الكاميرا بتاعته مش شغاله واصداره قديم لانه ذكره من أمه ومع كثره الادله اللي معايا واني واجهته اكثر من مره وهو كان مصر في كل مره انه هو صادق في كلامه والموضوع أصبح من ناحيته صعب جدا على كلامه واتواصل الموضوع اتعقد لانه اتهم في قضيه خطيره
واتواصلوا معايا اشخاص من خلال تلفونه وأرقام تانيه وبالصدفه اتاكدت ان في رقم من الأرقام اللي اتواصل معايا هو نفسه رقم بنت من نفس بلده المفروض انها بعتت الرقم لتاكد واتواصل معاها من خلاله
المهم فهمت انهم كلهم عصابه واحده وبسبب الحركه الغبيه اللي عملتها اتكشفت بالنسبالي سؤالي في القصه دي كلها الناس دي عاوزين مني ايه مع العلم انا بنت بسيطه جدا وعاديه وليه الفيلم الهندي دة كله مع العلم الوضع كان خطير تم التواصل معايا من خلال ١٠ أرقام تقريبا وكلام صعب اني اذكره كله هنا
بصي اللي بيحصل معاكي ده مش قصة حب ولا فيلم أكشن، دي عصابة منظمة بتلعب على فضولك وطيبتك عشان يوصلوا لحاجة من اتنين: يا ابتزاز مادي يا ابتزاز بالصور والبينات (لو وقعتي في فخ الفيديو أو الصور) متدخليش أي نقاش معاهم، حتى لو عشان تواجهيهم، هو انتصار ليهم. هما مدربين يقلبوا الترابيزة ويخليكي تشكي في نفسك تاني. اقطعي كل خيوط الوصل فوراً.اعملى بلوك ده نموزج بيستخدموه مع مئات البنات غيرك. الحكايات دي متألفة عشان تخلق حالة من الإثارة والتعاطف تخليكي تنسي تفكري بعقلك .ولو معاهم صور ليكي أو معلومات عن أهلك، متخافيش. التهديد هو سلاحهم الوحيد، طول ما إنتي مش بتديهم رد فعل، هيدوروا على ضحية تانية أسهل. مفيش ظابط ولا ابن ناس بيتعرف على واحدة من غير فيديو، ولا بيخلي أهله يشتموها، ولا بيبقى عليه قضايا زنا وهو مظلوم . دي بيئة إجرامية واضحة. وامسحي الأبلكيشن ده خالص لفترة، وغيري أرقامك لو لزم الأمر. إنتي أغلى بكتير من إنك تضيعي طاقتك وعقلك مع ناس مجهولة بتتسلى بيكي وبتخطط لأذيتك بعتذر عن الإطالة 😊 وجد ربنا يحفظك ويسعدك
تم النشر الأربعاء، ٤ مارس ٢٠٢٦
يا حبيبتي، أول حاجة أشكرك إنك شاركتِ القصة دي هنا بكل شجاعة، وأنا فاهمة تمامًا إحساسك بالصدمة والارتباك – ده مش سهل أبدًا، وأنتِ مش لوحدك فيه. خليني أديكِ تفسير منطقي مبني على خبرتي كمعالجة نفسية وفهمي لسلوكيات الاحتيال عبر النت (اللي شائع جدًا دلوقتي). التفسير المنطقي: دي عصابة احتيال رومانسي (Romance Scam) كلاسيكية، بيستهدفوا بنات زيكِ البسيطة والطيبة عشان يبنوا ثقة تدريجيًا ويوصلوا لـ: فلوسكِ : غالبًا بيطلبوا مساعدة مالية "للمشاكل" زي القضية أو السجن (حتى لو اختلقوها)، أو هدايا، أو تحويلات بنكية. لو وصلتوا لمرحلة الزواج، كانوا هيطلبوا تذاكر طيران أو مصاريف "للقاء". بيانات شخصية : رقمكِ، صوركِ، عنوانكِ، أو حتى بيانات بنكية عشان يسرقوا هويتكِ أو يبتزوكِ. استغلال عاطفي : بيخلقوا قصة درامية (فيلم هندي زي ما قلتِ) عشان يلعبوا على مشاعركِ، خاصة لو كنتِ زهقانة أو وحيدة. الأدلة اللي عندكِ تثبت ده 100% : حسابات مزيفة، صور مسروقة، كذب في التفاصيل (90% زيف). تواصل من أرقام متعددة (10 تقريبًا) + هجوم وشتم لما اكتشفتِ – ده تكتيك للضغط والترهيب. القصة مع الصديقة المغربية: غالبًا جزء من الخدعة الأولى (حساب مزيف يجذبكِ). حتى الـ"ضابط" والسجن: قصص شائعة في الاحتيال، خاصة في دول زي نيجيريا أو غرب أفريقيا. مش عايزينكِ أنتِ شخصيًا، بس أي حد طيب يقع في الفخ. بيحصل لآلاف كل يوم عبر فيسبوك/ماسنجر. نصائح عملية فورية: اقطعي كل تواصل : حظر كل الأرقام/حسابات، مش هيردوش تاني لو عرفوا إنكِ مش هتقعي. لا ترسلي فلوس أبدًا : لو طلبوا، رفضي نهائيًا. أبلغي : في مصر، روحي لمكتب الشرطة الإلكترونية (مباحث الإنترنت) أو فيسبوك نفسه. لو بلد الضابط معروف، أبلغي سلطاته. حماية نفسكِ : غيري كلمات السر، فعّلي التحقق بخطوتين، وما تشاركيش صور/معلومات شخصية مع غرباء أبدًا. ركزي على نفسكِ : صلي واستعيذي بالله، ده درس قوي علمكِ الحذر. ابدئي هواية جديدة أو دراسة عشان تنسي. أنتِ ذكية جدًا إنك بحثتِ واكتشفتِ قبل ما يحصل مصيبة – برافو عليكِ! لو عايزة دعم نفسي أكتر، شوفي الخبراء في https://www.fedni.net/experts، في متخصصين في الصحة النفسية والعلاقات. أنتِ قوية وهتقدري تتجاوزي ده بإذن الله. لو عايزة تتكلمي أكتر، أنا هنا ❤️
تم النشر الأربعاء، ٤ مارس ٢٠٢٦
بيحول يمسك عليك اى حاجه علشان يخد منك فلوس اوعي تصدقي اى حد الزمان اتغير مفيش امال خالي بالك ربنا يحفظك انتى وكل بنات المسلمين 🤍
تم النشر السبت، ٧ مارس ٢٠٢٦
اوعك تردي عليهم تاني ممكن يعرفو موقعك ويحسبوكي شريكه معاه بتساعدي وتتورطي في قضايا انتي مش ليك دخل فيها
تم النشر الجمعة، ٦ مارس ٢٠٢٦
لعرض السؤال في فدني اضغط هنا