هو عادي يكون مكتوب كتابنا ولا بيجبلي هدايا من اول الخطوبة ولا بيخرجني من أول الخطوبة ولنا اكتب كتابنا لما بقولو خرجني عايزة اتمشي شوية يقعد يتحجج ورافض نهائي حوار أننا نخرج واصل لما نتجوز هنخرج براحتنا راحه الامتحان بقولو وصلني بيقولي أصل مفيش بنزين ف المكنه والله العظيم كلمة حبيبتي دي مكنش بيقولهالي حتي الا بعد م قولتله كتيييير اوي قولي حبيبتي
حاسه إنه بيستخسر فيا الوقت والفلوس ال هيدفعهم وبيستخسر فيا الكلمة الحلوة ال هيسمعهالي دا غير أنه لما تحصل اي مشكلة يقعد يقول هطلقك هطلقك وبيروح يجري يقول لأمه وأمه تقولي معلش اصله مضغوط م الشغل ، أنا تعبت يا بنات عايزة اتطلق والله بس معنديش حد لا ام ولا اب بقول أطلق واشتغل واقعد ف سكن وأصرف ع نفسي كدا كدا أنا بصرف ع نفسي
عزيزتي، أقدر مشاعرك وأفهم الضغط الذي تتعرضين له في هذه العلاقة. من الواضح أنكِ تشعرين بعدم الارتياح حيال سلوك خطيبك، والذي يبدو أنه غير قادر على إظهار المشاعر بشكل كافٍ أو تقديم الدعم العاطفي والمالي. من المهم أن تكوني محاطة بشخص يفهمك ويقدر جهدك ومشاعرك، وليس شخصًا يتجنب الالتزام. إذا كان خطيبك يظهر هذه السلوكيات منذ البداية، فقد يكون من الحكمة إعادة تقييم العلاقة. قد تكون فكرة التحدث إليه بصراحة حول مشاعرك وأفكارك فكرة جيدة، سواء كان ذلك عبر التعبير عن عدم ارتياحك لسلوكياته، أو مناقشة احتياجاتك ورغباتك العاطفية. الحب والتفاهم جزء أساسي من أي علاقة ناجحة. إذا كنتِ تشعرين بأن الأمور لا تتجه نحو التحسن، فمن المهم أن تقيمي خياراتك بحكمة. اطلبي المساعدة من الأصدقاء أو المعارف الذين يمكنهم تقديم الدعم لكِ في هذه الفترة الصعبة. تأكدي أنكِ تستحقين شريكًا يدعمك ويعبر عن حبه لكِ بطريقة صحيحة. نتمنى لكِ القوة والخير في اتخاذ القرار الذي يناسب راحتك وسعادتك.
تم النشر الاثنين، ٥ مايو ٢٠٢٥
السلام عليكم ورحمه الله وبركاته يعني انا لو اخدت بدايه سؤالك هو عادي يكون مكتوب كتابنا وما بيعملش كل حاجه بتمثل تعبير عاطفي ليكي فلا هو مش عادي لانه الحاجز بيكون ان احنا نكون خلاص في سياق شرعي صحيح وما نكونش بنعمل حاجه حرام وما نكونش يعني بالنسبه لبعض اغراب فالمفروض انه يبدأ يتعامل معاكي كزوجته ويديك الاشباع العاطفي اللي انت محتاجاه فطبعا الكلام ده مش موجود يبقى لا ده مش عادي بس محتاجين نرجع ونسأل سؤال انت وافقتي على الشخص ده بناء على ايه ايه المميزات او ايه الحاجات اللي انت شفتيها مناسبه لك ولحياتك اللي انت منتظراها معايا بعد الجواز السؤال ده مهم جدا ااا لانه بما انك شفتي الحاجات دي بعد كتب الكتاب ولقيتي السياق ده يبقى اكيد كان في سياق قبليه خلاكي على الاقل تشوفيه انه الشخص ده مقبول بالنسبه لك وانك عاوزه تكملي الموضوع للجواز إيه الحاجات اللي انت شفتيها؟ وهل الحاجات اللي انت شفتيها اختفت بعد كتب الكتاب ولا اصلا ما كانش فيه حاجه ظاهره ولا مخدتيش بالك؟
تم النشر الأربعاء، ٧ مايو ٢٠٢٥
يا حبيبتي، بصّي في السما، وقولي لنفسك: "أنا ليّا رب… مش سايبني، مش ناسي دموعي، ولا ضيقتي، ولا قلبي اللي بينكسر وبيحاول يقوم." ربنا قال: "وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ" يمكن اللي حصل يوجع، بس هو خير، لأنه بيطهّرك من حد مش قدك، وبيقرّبك من حياة أنضف، ومن ناس تعرف قيمتك. إنتي دلوقتي في ابتلاء، بس ربنا بيحبك… عشان كده بيطهّرك، بيعلّمك، وبيعدّلك نصيب أحسن، وأنضج، وأحن. ربنا بيقول: "إن مع العسر يسرًا" مش "بعده"، لأ، "معه". يعني وإنتي في قلب التعب… في رزق بيتخلق ليكي، في فرحة بتتجهز، في خير جاي ليكي مخصوص. خليكي مع ربنا، وخلي الدعاء صاحبك، صلي وارفعي إيدك وقولي له من قلبك: "يا رب، جبرًا من عندك، وسندًا منك، وبديل يخليني أنسى كل اللي وجعني." وصدقيني… القلوب اللي تعبت وربنا سندها، عمرها ما وقعت. وهتشوفي بعينك، إن يوم من الأيام هتبتسمي وهتقولي: "الحمد لله إني مشيت وقتها، الحمد لله إني اخترت نفسي وربنا."
تم النشر الاثنين، ٥ مايو ٢٠٢٥
يا حبيبتي، بصي خليني أقولك كلام من القلب، من أخت حاسة بيكي ومقدّرة كل لحظة تعب وكسرة انتي عشتيها. إنتي مكتوب كتابك، يعني المفروض تكوني في أجمل فترة، تحسي فيها إن في حد بيحبك، بيهتم بيكي، بيفكر فيكي، بيتكلم معاكي بحنية. مش فترة تهديدات، وسكوت، وجفاف، وكأنك عبء عليه مش شريكة عمره. لما تبقي تطلبي منه يخرجك أو يمشي معاكي شوية في الهواء، ويتهرب، ولما تطلبي توصيلة في يوم امتحان ويلاقي حجج، ولما الكلمة الحلوة تطلعيها منه بالعافية، ولما يقولك "هطلقك" كأنها كلمة سهلة… فده مش راجل بيحافظ عليكي، ده حد مش مقدّرك، ولا حاسس بقيمتك. الحياة بالشكل ده عمرها ما هتكون حياة، لأن اللي يهددك بالطلاق في كل لحظة، ده شخص مش بيحبك ولا حتى خايف يخسرك. الحب مش كلام وبس، الحب فعل، ومسؤولية، وراحة، مش دموع وهمّ ووجع قلب. وانتي غالية… غالية قوي، حتى لو معندكيش حد في الدنيا، فربنا معاكي، وربنا عمره ما هيسيبك ولا هينسى دمعة واحدة نزلت منك. أنا مش بقولك خدي قرار دلوقتي، بس لازم تقفي مع نفسك وقفة حق. اسألي قلبك: هو ده اللي ينفع أكمل حياتي معاه؟ هل ده اللي هشوف معاه يوم فيه أمان وفرحة؟ هل ده الشخص اللي هيشيلني وقت ضعفي؟ لو الإجابة كلها "لأ"… فاعملي اللي يرضي ربنا، ويرضيك، حتى لو الطريق صعب. ربنا هيعوضك، وهيجبر بخاطرك، وهتشوفي الأيام الجاية أحلى بإذن الله. ومتنسيش، إنتي قوية، وربنا هيبعتلك الخير، بس لازم تبدأي تفوقي وتحبي نفسك كفاية علشان ماترضيش باللي بيأذيكي.
تم النشر الاثنين، ٥ مايو ٢٠٢٥
والله يا أخت جزاكي الله خير على طلب النصيحة ولكن هعرض عليكي نظرتي للموضوع .... اصل المشكلة مش من الخطيب بل من أبوكي وأمك هما دول اللي كان المفروض يدوكي الاشباع العاطفي فبغيابهم انتي في حالة عطش .... فأسقطتي العطش ده على الخطيب ... فالأصل هو انك تتوقفي بينك وبين نفسك وتحطي خطة لعلاج العطش ده وبعدين تشوفي حياتك
تم النشر الاثنين، ٥ مايو ٢٠٢٥
الحمد لله علي كل حال جزاك الله خيرا يقلب ♥️
تم النشر الاثنين، ٥ مايو ٢٠٢٥
بصراحه لو بالطريقه دي مش هتكوني مرتاحه معاه بعد كدا.. ف انتي اختاري اللي يحافظ عليكي ويحبك بجد ولو علي الطلاق ده كتب كتاب انا بالنسبة لي زي الخطوبه طلما ماروحتيش بيته وكمان صلي صلاة استخاره وربنا هيدلك عشان. ربنا بيقول وعسى أن تكرهوا شيئًا وهو خيرٌ لكم وعسى أن تكرهوا شيئًا وهو شرٌ لكم. ف الحل انك تصلي صلاة استخارة بس بقلب خاشع عشان ده مستقبلك وممكن يدمرك وبعد كدا ربنا هيدلك يامه تشوفي حلم يا اما تتمسكي بي ويتصلح حاله ياما يجيلك حد يقولك سبيه او حتي ممكن تلاقي اي رساله تخص الموضوع ده سوا في التلفزيون او التلفون عن طريق حد ف مافيش قدامك غيرها عشان ربنا هو اللي عالم الغيب
تم النشر الثلاثاء، ٦ مايو ٢٠٢٥
انا من رأيي سبيه انا عارفه أننا في مجتمع الانفصال فيه مش احسن حاجه بس دا الأمثل دا شخص بخيل في كل حاجه حتي مشاعره ومش مهتم يعني هو دلوقتي كده فلما تتجوزوا تحت سقف واحد التعامل بينكم هيبقي صعب هو هينشغل في الشغل وانتي هتبقي قعدة مستنيه حب واهتمام ومش هتلاقيه ففكري تاني وشوفي الأنسب ليكي واعملي الا يريحك في الاخر واستعيني بربنا لما متلقيش الحل الا يريحك
تم النشر الثلاثاء، ٦ مايو ٢٠٢٥
كل حاجة لا فعلا الطريق صعب جدا جدا بس ربنا يجعلني أدها وأعول نفسي يارب💔💔
تم النشر الاثنين، ٥ مايو ٢٠٢٥
لعرض السؤال في فدني اضغط هنا