ساعات بحس اني مبعرفش اتكلم كلام كتير مني بيطلع غلط او مش التعبير الي انا عاوزه مع أن كل الي بيتكلم معايا بيقول عليا اني لمض وبعرف ارد واتكلم بس انا بشوف العكس
ولو في مشكله وانا بتكلم فيها بعد المشكله دي بيجي في دماغي ردود احسن من الي قولتها وقرارات احسن المفروض كنت اعملها وان القرارات والكلام دا كان هيخلي شكلي احسن وبتعذب جدا من الموضوع
المفروض اعمل ايه واحل الموضوع ازاي
السلام عليكم، على فكرة بيحصل مع كتير مننا، بعد الموقف ما بيعدي الواحد يفضل يتخيل ويقول كان ممكن أقول كذا ولا أرد بكذا وبيجي في بالك ردود مثالية وتندم إنك مقلتهاش. فعادي، تعامل مع الأمر إنه عادي ومنتشر. وحاول تفرق بين إنك مش بتعرف تتكلم أو فاشل في الكلام وبين إنك مقلتش أفضل حاجة عندك. طبيعي إن بعد ما الموقف يعدي وعقلك يكون أهدى إنه يفكر بروية وهدوء ويخترع ردود مثالية فمتحسش بالذنب وتفضل تقارن أو تحسس نفسك إنك فاشل في الكلام، لأن الموقفين مختلفين وطبيعي رد الفعل يختلف. الأفضل طبعا تبعد عن الخناقات والنقاشات الحادة اللي مفيش منها فائدة لكن لو مضطر فحاول تدرب نفسك على الهدوء والتحكم في الأعصاب بحيث متكونش ردودك متسرعة. لو لقيت نفسك بتفكر وبتقول لو، على طول رجع تفكيرك لأن خلاص الموقف عدى و(لو) مش هتغير حاجة وإيه اللي ممكن تعمله في موقف مشابه بعد كده عشان متكررش الغلط أو الكلام اللي ندمت عليه. *** طبعا لو التفكير ده بيقعد لساعات طويلة أو بيؤثر سلبا على حياتك وشغلك فالأفضل تتابع مع مختص يساعدك تتخلص منه. بس أعتقد بما إن الموضوع منتشر فهو إن شاء الله سهل تتعامل معه، ومش محتاج منك تفضل ضاغط نفسك او تحوله لمشكلة وعقدة.
تم النشر الثلاثاء، ١٥ سبتمبر ٢٠٢٦
أنا أفهم تمامًا اللي بتمر بيه، وده شعور شائع جدًا بيحصل لكتير من الرجالة، خاصة اللي بيهتموا بصورتهم قدام الآخرين. اللي بيحصل معاك اسمه "الاجترار بعد الحدث"، يعني دماغك بيراجع الكلام بعد ما يخلص الموقف ويطلع أفكار أفضل، وده بيخليك تحس إنك "فشلت" في التعبير، رغم إن الناس اللي بتكلمهم بيشوفوك لميض ومتمكن. التناقض ده طبيعي لأن الدماغ بيشتغل بطريقة مختلفة لما يكون في ضغط المحادثة الحية مقارنة بالتفكير الهادئ بعدين. عشان تحل الموضوع عمليًا، ابدأ بتسجيل المواقف اللي بتحصل فيها المشكلة دي في مذكرة بسيطة: اكتب الموقف، اللي قولته، والرد اللي جالك في دماغك بعد كده. بعد أسبوعين هتلاقي أنماط متكررة، زي مواضيع معينة بتتوتر فيها، وده هيساعدك تجهز ردود أو قرارات مسبقًا للمرات الجاية. كمان، جرب تمارس الكلام في مواقف يومية بسيطة زي مناقشة مع زميل أو حتى تسجيل صوتي لنفسك وأنت بترد على سؤال افتراضي، عشان تبني ثقة تدريجية بدون ضغط. الأهم إنك تتعامل مع نفسك بلطف وما تعذبش نفسك بالمقارنة، لأن كل واحد بيحسن كلامه مع الوقت والممارسة. لو استمر الشعور ده وأثر على مزاجك، ابحث عن أسئلة مشابهة على فدني عشان تشوف تجارب الآخرين وتستفيد من وجهات نظر إضافية. أنت قادر تتطور في ده، وهتتحسن خطوة بخطوة.
تم النشر الاثنين، ١٤ سبتمبر ٢٠٢٦
متفكرش كتير واللي حصل حصل واتقال وخلاص تفكيرك وندمك هيزعلك مش اكتر اتعلم من اللي حصل معاك وبس
تم النشر الأربعاء، ١٦ سبتمبر ٢٠٢٦
وسواس قهري ناتج عن المثالية ، انت تريد ترد افضل الردود الي ما بيها اي عيب.
تم النشر الثلاثاء، ١٥ سبتمبر ٢٠٢٦
يعني أستنى على نفسي دقيقة ولأ أقعد ندمان أسبوع، قبل ما تفكر في الناس فكر في نفسك الـ هتفضل تجلد فيها ومش هترحمها فكر برضو في أثرك في الدنيا وهكذا بلاش تفكر في الناس عادي هيستنوا دي دقيقة بعدين خليك رزين وعاقل وناضج ودي هتفرق في العلاقات
تم النشر الثلاثاء، ١٥ سبتمبر ٢٠٢٦
الحل بسيط جدًا قبل ما ترد على أي حاجة أو أي حد خذ دقيقة فكر وطلع كلامك مظبوط ومرتب، ودماغك هتقول الكلام الصح بعدها، التفكير لمدة دقيقة هيساعدك جدًا جدًا تقلل ندم وتقول الرد الصح، بلاش تقول الـ على لسانك على طول قول الـ في دماغك الكلام الصح المرتب، جرب الطريقة دي هتفرق معاك جدًا جدًا جدًا وهتشكر نفسك
تم النشر الثلاثاء، ١٥ سبتمبر ٢٠٢٦
@. . دا حقيقي ونفسي في حل للموضوع دا بجد
تم النشر الثلاثاء، ١٥ سبتمبر ٢٠٢٦
@فَاطِمٌ الشَّافِعِيُّ. الكلام دا عملي جدا في النقاشات وغيرها إنما المشكله انا لو في خناقه أو مشاده في الكلام اكيد محدش هيستناني افكر دقيقه وبقول الكلام الي بقوله ومع انفعالي يرتكب أفعال كتير بعد شويه بقول ياريتني قولت كذا وعملت كذا
تم النشر الثلاثاء، ١٥ سبتمبر ٢٠٢٦
لعرض السؤال في فدني اضغط هنا