السلام عليكم ورحمه الله وبركاته
باختصار انا اتعرضت للخيانه الزوجيه من سنتين
زوجي خاني مع وحده أقل ما يقال عنها انها زباله في كل حاجه و للاسف خيانه كامله فضل سنه معها و في خلال السنه دي كان بيعملني معامله العبيد انا كنت حاسه بكل حاجه بس كنت بقول ربنا يكشف لي الحقيقة و كنت متحمله كل اللي بيعملوا معايا حتى حقي الشرعي كان بيحرمني منه
المهم بعد ما عرفت و شفت صور زباله كانت بتبعتهالو و هي عريانه وواجهته و خربت الدنيا اعترف بكل حاجه الا أن. نام معها حلف على المصحف انو ما وصلت لكده معها
لكن انا متاكده انو نام معها و كتير كمان
المهم بعد اسف منه كتير و وعدني انو خلاص تاب لربنا و رجع لبيته و عيالو لاني ساعت ما عرفت كان معايا منه طفل و حامل في الشهر الرابع
هو من ساعتها و هو فعلا اتغير و بيعمل معيا كل شيء جميل و لحد النهارده بيتأسف لي
المشكله اني مش عارفه أنسى و قلبي و عقلي فيهم نار انا صاحيه نايمه افكر في اللي عمله حسه اني هموت اعمل اي فدوني
وعليكم السلام ورحمة الله وبركاته، أختي العزيزة، أشعر بألمك العميق وأنتِ تعيشين هذا الجرح منذ سنتين. الخيانة الزوجية تجربة قاسية جداً، خاصة عندما تكون مصحوبة بمعاملة سيئة وكذب، ومن الطبيعي أن يظل قلبك وعقلك مشتعلين بالأفكار والشكوك رغم تغيّر زوجك وتوبته. أنتِ الآن أم لطفل وكنتِ حاملاً وقت اكتشاف الأمر، وهذا يزيد من ثقل المسؤولية والمشاعر المختلطة. الله يعلم كم تحملتِ وكم صبرتِ، وهذا الصبر له أجر كبير عنده سبحانه. من الناحية العملية، الشفاء من مثل هذه الجراح يحتاج وقتاً وجهداً واعياً. حاولي أن تخصصي لحظات يومية للدعاء والاستغفار، فاللجوء إلى الله يخفف من نار القلب ويمنح راحة داخلية. كذلك، يمكنكِ التحدث مع زوجك بهدوء عن مشاعرك دون اتهام، وتذكيره بأنكِ تحتاجين إلى إثبات مستمر للثقة من خلال أفعاله اليومية. ركزي على اللحظات الإيجابية التي يقدمها الآن، واكتبي قائمة صغيرة بما يفعله بشكل جيد لتذكير نفسكِ بأن التغيير حقيقي. كما أن الاهتمام بنفسكِ وبأطفالكِ وروتينكِ اليومي يساعد على إعادة توجيه الطاقة نحو البناء بدلاً من الاجترار. تذكري أن النسيان التام قد لا يحدث بين يوم وليلة، لكن السيطرة على الأفكار ممكنة بالتدريج من خلال التركيز على الحاضر والمستقبل. ابحثي عن أسئلة مشابهة على فدني للحصول على المزيد من الآراء والتجارب. أنتِ قوية، ومع الوقت والصبر والدعاء ستجدين السلام الداخلي إن شاء الله. إذا أردتِ مشاركة المزيد، أنا هنا لأستمع.
تم النشر السبت، ١٥ أغسطس ٢٠٢٦
السلام عليكم ورحمه الله وبركاته. ان شاء الله ولكن خلينا في النقطه الاساسيه لو مش قادره فعلا الموضوع ده لوحدك ارجوكي تابعي مع اخصائي نفسي او طبيب نفسي يعني الموضوع مش حاجه صعبه ولكن في امور ما بنقدرش يعني نعملها لوحدينا او نقدرش نمشي الخطوات بتاعتها لوحدها محتاجين بس حد نعديها ما فيش مشكله خالص نفسي علشان يقدر يوضح لك الخطوات اللي فيها معاكي وبتحطي الموضوع باذن الله. خلينا بقى نشوف ليه احنا مش قادرين نهى من الموضوع اييي واحنا بنتصالح او واحنا بنتقبل الاعتذار او احنا اللي قدرنا بيعتذر عن الخطا اللي هو اخطائه بيكون في كده ميزان وانا لسه ما اتظبطش يعني انا حسيت بالم شديد جدا يعني عندي جرح عميق زي الجرح لو انا جيت قلت للمريض بتاع الجرح العمليات ده من العمليه عادي هنديك كده يعني ايه بنادول طبعا ده كلام مش منطق ليه لان الجرعه اللي موجوده دول مش مناسبه خالص لدوله القلم اللي هو حاسس بيها لو اديته بنادول وهو قاعد يقول لا انا لسه طب انا اعمل لك ايه؟ هو مسكن اه ولكن مسكن لا يتناسب مع شده الالم فهنا ده بيحصل معانا في المواقف اللي ممكن يكون الاسف او الحاجات اللي تقدمت لسه بالنسبه لنا غير مناسبه ولا طرفها للدرجه اللي موجوده عندك طب مين اللي هيحدد بقى ايه اللي هيرقل درجه الالم اللي عندي او ايه اللي مناسب لدوله الالم فهنا بتجي اهم مرحله انا محتاجه اعرف هو درجه القلم اللي جوايا. يوازيها ايه علشان يثبتها وعلشان يعالجها؟ انا ساعتها حسيت بايه يعني لو انا وقتها حسيت بانه جوزي مش شايفني ست بالشكل فهنا هو يعني عمل لي جرح احساسي الانس. وطبعا خلاص حتى لو رجع يتعمل كويس انا لسه الجرح نظرتي لنفسي انه انا مش انثى كافيه بس انا محتاجه هنا اعالج الجرح ده و ده محتاجه اعالجه انا مع نفسي انا محتاجه اشوف نفسي انسى. قبل ما هو يشوفني ليه انا لسه مجروحه امبارح ده يعني ده كان مجرد مثال ضروري جدا تعرفي درجه القلم بتاعك انت وقتها كنت حاسه بايه وايه الحته اتجرحت قوي عندك سبب موضوع الخيانه علشان تقدري توضحيها لزوجك عشان هو محتاج كمان حتى منه يعمل مسدود للاسفور عن الموضوع ده في النقطه دي بالذات اي حاجه ثانيه لانه لو عمل مجهود في اي حاجه ثانيه يعتبر انه هو بيساعدك في حاجه ان هو يكون كويس جدا معاكي في المعامله بس مصالحكيش في الحته دي او ما دواش الحته دي للجرحت يبقى هيبقى كله انت هتحتاجي توديه محتاج ازاي يعتبر لك بما يتناسب مع درجه الالم بتاعها.
تم النشر الثلاثاء، ١٨ أغسطس ٢٠٢٦
جزاكم الله خير الجزاء بإذن الله هعمل بكل نصائحكم
تم النشر الأحد، ١٦ أغسطس ٢٠٢٦
وكمان حضرتك منقدرش نحكم عليه انه وقع في الكبيرة لأن مفيش دليل
تم النشر الأحد، ١٦ أغسطس ٢٠٢٦
لازم تحمدي ربك كثير أوي لأنه وفقك للشرف والعفة .. زوجك مذنب هو والمسخ اللي كان بيكلمها ففكري بعقل ليه تحرقي دمك على ذنب غيرك هم اللي المفروض يكون عندهم حرقة الدم لأنهم هم المذنبين مش انتي ..... ولو الشيطان بيوسوس لك ان المسخ دي احسن منك فده تفكير خاطئ لأن دي مجرد متعة لحظية بتتلاشى ويبقا الخزي والعار .... عموما ربنا يهديهم والآن بالنسبة لزوجك فهو تاب والتائب من الذنب كمن لا ذنب له ..... حاليا هو عرف قيمتك وانك انتي اللي هتكوني وفية وصادقة معاه مش المسخ الثانية ...... الدنيا بخير وانتي بخير وزوجك ان شاء الله على خير بس لو رجع تاني للكلام ده ساعتها لازم تقولي لأهلك
تم النشر الأحد، ١٦ أغسطس ٢٠٢٦
ادي لنفسك فرصه تفكري و تقرري عاوزة تكملي و لا لا لان الخيانه شئ صعب بكل اشكالها و الاصعب انه هو يتعافى منها تماما و كمان انك تقدري تسامحي و تنسي ده صعب اوي برضو ممكن بسبب خيانته دي تقلبي ست شكاكه و الرجاله كلامها كتير خليكي في افعاله لكن لو حسيتي بأي تغيير و رجعت ريما لعادتها القديمه انصحك بلاش تكملي لو تقدري تصرفي ع ولادك و نفسك اطلقي بعدها
تم النشر السبت، ١٥ أغسطس ٢٠٢٦
لو نتي شايفة أنه اتغير فعلا اديله فرصة علشان خاطر أطفالك ومتضغطيش ع نفسك انك تنسي بسرعة أنه خانك وان شاء الله تصرفاته الكويسة معاكي هتنسيكي كل حاجة
تم النشر السبت، ١٥ أغسطس ٢٠٢٦
بجد ربنا يعينك احساس الخيانه احساس صعب اي شخص يتحمله وبالذات لما ييجي من اقرب شخص ليكي الي هو زوجك حاولي تنسي وابدئي صفحه جديده عشان خاطر اطفالك وبدعيلك من كل قلبي ربنا يزيل الحزن والهم والضيق والاحساس الوحش ده من قلبك لاني بجد حاسه بيكي جدا لاني مررت بنفس الشي
تم النشر السبت، ١٥ أغسطس ٢٠٢٦
عليكم السلام ورحمة الله وبركاته ، اصبري ولا تتبعي مشاعرك تماما لكن انظري في أمره فترة وشوفي هل فعلا تغير ام لا لأنه قد يفعل هذا فترة من الوقت كحيلة خداعية منه لإسكات الأمر، ولا توسوسي ايضا يعني انظري في حاله فقط دون شكوك.
تم النشر السبت، ١٥ أغسطس ٢٠٢٦
استخيري ربنا وحاولي تعدلي ما بين حق نفسك واطفل اللي مش ذنبو يطلع يلاقي اهله كده ابوه قدوته وامه مطلقين عشان بابا عمل كذا.. كلنا بشر ووراد نغلط وربنا يهدي سركم ونورلك بصيرتك انتي تحمدي ربنا انه كشفلك الحقيقه وحاولي تتعلمي من اللي فات حافظي عليه لو فعلاً اتغير اهتمي ببيتك وحياتك الدنيا مش مستاهله تفضلي شيله وتتعبي قلبك💚
تم النشر الجمعة، ٢١ أغسطس ٢٠٢٦
هو ممكن يكون موصلش لكده فعلا والله اعلم ولكن طلاما اتغير معاكي وبقا انسان كويس اديله فرصه الانسان مننا مش ملاك طبيعي يغلط اديله فرصه وانسي الي فات بانك تشوفي معاملته دلوقتي وانه اتغير فعلا
تم النشر الثلاثاء، ١٨ أغسطس ٢٠٢٦
بوصي ابعدي عنه فتره و تكوني فيها الوحده لحد ما تخدي القرار الصح و قربي من ربنا
تم النشر الأحد، ١٦ أغسطس ٢٠٢٦
لعرض السؤال في فدني اضغط هنا