انا عندي انعدام شغف و طاقة و دايما حزينه و عايزه اعيط وانام بس و معلومه انا داخله تالته ثانوي و خلاص هبدأ دروس ومش عارفه ايه الحل للي انا فيه ده
السلام عليكم ورحمه الله وبركاته ما هو لو مفيش حاجه في الحياه حصلت تضايق اصلا او حاجه بتستنذف طاقتك فهنا ممكن بس ده يكون ده من التوتر اللي انت داخله عليه انت قاعده عماله تسترجعي قد ايه ثالثه ثانوي وسنه صعبه وحياتي ومصيري والدنيا هتتوقف على كل اللي انا هعمله فنوعا ما من جواكي ممكن تكوني حاسه انك مش مستعده للنوع ده من أنواع الضغط فعشان كده حاسه بالاحساس ده كله.
تم النشر الخميس، ١٢ يونيو ٢٠٢٥
مرحبًا بك، أقدر جدًا صدقك وشجاعتك في التعبير عن مشاعرك. الشعور بالحزن وعدم وجود شغف وحالة من الكآبة مع الإرهاق والرغبة في البكاء والنوم بشكل مستمر، خصوصًا وأنت في مرحلة مهمة زي الصف الثالث الثانوي، هو أمر صعب جدًا، وأتفهم تمامًا الضغط اللي بتحسيه. خليني أساعدك بكذا نقطة مهمة ممكن تساعدك تفهمي حالتك وتبدأي تتحركي نحو التحسن: حاولي تحددي مشاعرك بشكل أكبر: أحيانًا بنشعر بحزن عام لكن ما بنكونش عارفين السبب الحقيقي. هل في حاجة معينة مضايقاك بشكل مستمر؟ هل في توتر من الدراسة، الخوف من المستقبل، أو ضغوط اجتماعية أو عائلية؟ مجرد محاولة فهم السبب خطوة مهمة. الضغوط الدراسية وتأثيرها: ثالثة ثانوي مرحلة مرهقة جدًا حتى للناس الأقوياء نفسيًا، ومن الطبيعي أنك تحسي بإرهاق نفسي وجسدي. مهم جدًا تنظمي وقتك بحيث تدي لنفسك فترات راحة وتمارس نشاطات بسيطة تحبيها ولو لفترة قصيرة. اهتمي بالجانب الصحي: النوم الكافي، التغذية الجيدة، وممارسة المشي حتى لو قليل يساعدوا المزاج بشكل كبير. بالرغم إنك بتحسي بالنعاس والرغبة في النوم، لازم تخلقي روتين يساعدك تتحركي بدل ما تبقي ساكنة. التحدث مع شخص تثقي فيه: الحديث مع أحد أفراد الأسرة أو مع مستشارة المدرسة يمكن أن يخفف كثير من الضغط عنك. لو حابة، يمكنك أيضًا البحث عن استشارية نفسية متخصصة تساعدك تتعاملي مع مشاعرك. الحفاظ على الأمل والتوكل على الله: ذكري نفسك أن الله لا يحمل نفسًا فوق طاقتها، وأن هذه الفترة مهما كانت صعبة، هي مرحلة مؤقتة. ادعي الله واطلبي منه العون والراحة النفسية، فهذا ينمي قوتك الداخلية ويمنحك أمل. تحديد أهداف بسيطة: لا تتوقعي منك أنك تكوني في أفضل حال دائمًا. ابدأي بخطوات بسيطة، مثل تحديد وقت للمذاكرة، وأوقات للراحة والراحة النفسية. مهما كانت صغيرة، نجاحك في تحقيقها سيعزز شعورك بالقدرة. إذا شعرت أن مشاعرك متفاقمة أو أن هذه الحالة استمرت فترة طويلة ومأثرة بشكل كبير على حياتك، أنصحك أن تستشيري طبيب نفسي أو مستشارة نفسية محترفة يمكنها تقديم دعم متخصص. وأخيرًا، لا تنسي أن شعور الحزن وفقدان الشغف له أوقات بتمر بيها الكثير من البنات في مثل عمرك، ومع الوقت والدعم ستتحسن الأمور بإذن الله. لو تحبي، ممكن أساعدك في البحث عن استشاريين نفس أو متابعة مواضيع مشابهة هنا في فدني لكي تستفيدي من تجارب أخرى. أنا هنا معك، فلا تترددي في العودة إليّ في أي وقت، يا غالية. 🌸
تم النشر الخميس، ١٢ يونيو ٢٠٢٥
دا كله طاقه سلبيه متخزنه جواكي ومش عارفه تفريغها ازاي الطاقه السلبيه دي مش بس هتبوظ مزاجك لا دي هتتعبك جسديا دوري ع طرق تستخرجي الطاقه السلبيه والمشاعر المتراكمة من جسمك يمكن تالته ثانوي ليها عامل بس مش كل العامل هي مجرد سنه بلاش تخوفي نفسك ولا توهمي نفسك دي مش اخر الدنيا ولسه عندنا حياه قدام هتعرف فيها أن ثانوي ولا اي حاجه
تم النشر الجمعة، ١٣ يونيو ٢٠٢٥
انا حاسة بيكي جدا اللي انتي فيه مش ضعف ولا كسل ده ضغط وتعب ومفيش طاقة لانك مكبوتة غالبًا ثالثة ثانوي مش صعبة وعالعموم انتِ أقوى منها جربتي تتكلمي مع حد بتحبيه وبيفهمك؟ او تكتبي اللي جواكي في ورقة! الدموع مش غلط والتفريغ واجب حاولي تاخدي بالك من نفسك اعملي كل يوم حاجة صغيرة بتحبيها حتى لو بسيطة بس هتفرق معاكي انتِ مش لوحدك في الىحلة المقبلة عليها وانتِ مش قليلة وخليكي دايمًا فاكرة«ألا بذكر الله تطمئن القلوب» خليكي حنينة على نفسك وادعميها بالتوفيق وعقبال ما ترجعي يومًا ما محققة حلمك وجواكِ فرحة العالم كله🫂💞
تم النشر الجمعة، ١٣ يونيو ٢٠٢٥
متشغليش نفسك ب ٣ثانوي دلوقتي استمتعي بما تبقى من الاجازة و لما تبدأ فترة الدروس ثقي تماما إن ربنا معاكي
تم النشر الجمعة، ١٣ يونيو ٢٠٢٥
الا بذكر الله تطمئن القلوب.. نصيحه حاولي تقربي من ربنا اكتر وبالأخص حفظ القرآن وهتلاقي الحياه اتغيرت تماما بعدها
تم النشر الجمعة، ١٣ يونيو ٢٠٢٥
هل الأسرة مترابطة وبينهم الإحترام ؟ ايه الوضع ؟
تم النشر الجمعة، ١٣ يونيو ٢٠٢٥
لعرض السؤال في فدني اضغط هنا