كيف يمكنني أن انتظم ف صلاتي وأبطل كسل
أنا طول عمري مقطعة في الصلاة مش كنت منتظمة عشان اقول نفسي ارجع اصلي زي ماكنت عشان مكدبش
فاتمنى حد ينصحني ازاي اقدر انتظم حتى في مرضي ودراستي وغيره
يا حبيبتي، أول حاجة أقولها لك إن نيتك دي لوحدها خطوة كبيرة وجميلة، وربنا بيحب العبد اللي بيحاول يرجع له حتى لو بعد فترة طويلة. الانتظام في الصلاة مش هيحصل بين يوم وليلة، وده طبيعي جدًا، خاصة إنك طول عمرك مش منتظمة. المهم إنك تبدئي بخطوات صغيرة وواقعية تناسب ظروفك، سواء في المرض أو الدراسة أو أي ضغوط تانية. ابدئي بخطوة واحدة بس: ركزي على صلاة واحدة في اليوم، مثلًا صلاة الفجر أو العصر، وخليها ثابتة مهما حصل. استخدمي منبه في الموبايل بصوت هادي وكلمات تشجعك زي "حان وقت الصلاة"، وحطيه قبل الأذان بخمس دقايق عشان تجهزي نفسك. لو بتدرسي، حاولي ترتبي جدولك بحيث تخلي فترات الراحة بين المذاكرة تكون للصلاة، ولو مريضة، تذكري إن الصلاة تقدر تكون قاعدة أو حتى بالإيماء لو الوضع صعب، وربنا غفور رحيم. كمان، ادعي ربنا كل يوم قبل النوم إنه يعينك ويثبتك، ولو حسيتي بالكسل، قولي لنفسك "هصلي دلوقتي ولو ركعتين بس"، لأن البداية الصغيرة بتفتح الباب للاستمرار. جربي تكتبي في مذكرة صغيرة كل يوم صليت فيه، عشان تشوفي تقدمك وتشجعي نفسك. ولو عايزة أفكار أكتر، ابحثي عن أسئلة مشابهة على فدني عشان تلاقي تجارب ناس تانيين. أنتِ قادرة، وكل خطوة بتقربك أكتر، خديها براحة وثقي في ربنا.
تم النشر الجمعة، ٢ أكتوبر ٢٠٢٦
مشكلة عدم الالتزام في الصلاة بتتعالج من جذورها عن طريق صناعة دافع وإرادة قلبية تجاهها ، بطبيعة الحال أنت لازم تبقى الآخرة كبيرة في قلبك أكتر من الدنيا ( والآخرة خير وأبقى) فالطريق هو أنك تسمعي كتير للڤيديوهات أو الكتب المتعلقة بمعرفة الله ( فمن عرف الآمر امتثل أوامره) واليوم الآخر، (الجنة والنار والحساب وأحداث يوم القيامة......)، التزكية الإيمانية هي الحل الناجع لكل دا، وحتى لو أنت ملتزمة في الصلاة فكون أنك مش بتفكري نفسك بالآخرة والجنة والنار فدا هيخلي الصلاة مجرد عمل روتيني ومسئولية صعبة بتتخلصي منها عشان تشوفي دنيتك، لكن الأصل أن الصلاة هي وسيلة لزيادة الإيمان والتقرب لله..... حوالي ربع القرآن بيتكلم عن الآخرة والنعيم والعقاب فأكيد مش هيبقى عدد الآيات دا كله من فراغ.
تم النشر السبت، ٣ أكتوبر ٢٠٢٦
اقرئي كتير الصلاه بتعمل اي وهتفرق معاكي جدا ،وإقرئي عن أهميه الوضوء ، وخليكي عارفه ان طالما انتي واخده بالك إنك مقصره وبتحاسبي نفسك يبقا انتي شخص كويس وربنا اختارك عشان ترجعيله ، ربنا يوفقك يارب ي حبيبتي ويسهل عليكي الطاعه ويرزقك الجنه من غير حساب ولا سابق عذاب ❤️❤️
تم النشر الاثنين، ٥ أكتوبر ٢٠٢٦
بصى انا كنت زيك لحد ما واحدة قالتلى احنا زمام أمورنا ف ايد ربنا... ازاى منستجيبش لأمره؟ 💗 كلام من ذهب عمرى ما هنساه... كل ما هتلاقى نفسك هتتكاسلى وتفوتى صلاة واحدة بس اسألى نفسك السؤال ده لأن حقيقى احنا من غير ربنا بنضيع... احنا ولا حاجه من غيره 💓
تم النشر السبت، ٣ أكتوبر ٢٠٢٦
النصوص الواردة في الوعيد لتارك الصلاة تجعل أي مسلم يخاف علي نفسه من ترك صلاة واحدة حتى يخرج وقتا. الموضوع بجد مرعب وخطير نسأل الله العافية.
تم النشر الجمعة، ٢ أكتوبر ٢٠٢٦
ابتدي واحده واحده بمعني ابداي في انتظام في صلاه الضهر بس لمده ٢١ يوم وبعدين زودي كل ٢١ يوم صلاه لحد ما مخك يتعود علي الصلاه دي
تم النشر الثلاثاء، ٦ أكتوبر ٢٠٢٦
يارب انتظم
تم النشر الجمعة، ٢ أكتوبر ٢٠٢٦
لعرض السؤال في فدني اضغط هنا