انا معايا موضوع غريب ومش متعلق بي العادات النافعه لا دا في اي حاجه وهو اني لو اكتشفت حاجه جديده سواء نافعه او مضره نسبيا افضل طول اليوم بعمل الحاجه دي بعد كدا ابعد خالص او اشوفها كل شويه كمثال هنا مثلا تطبيق فدني اول ما حملته قعدت ارد علي الاسئله وكنت مهتم يجي اربع ايام بعد كدا بفتحه كل فين وفين مع انه تطبيق حلو،
لو جبت كتاب اخلصه كله جلسه واحده بس بعديها شهر مقراش ،لو حملت لعبه حتي العبها طول اليوم وفي اخر اليوم امسحها حتي لو اللعبه حلوه ..
ممكن حد يقترح نصيحه قليل دائم خير من كثير منقطع.النصيحه صح وحلوه اوي بس انا مش بعرف اطبقها انا بنسحل في الحاجه بعد كدا اسبها.
في حاجه ملحوظه وليس انتقاد وهي نقطه لما ابعت سؤال لازم اكون مجاوب علي حد النقطه دي مهمه لان بتخلي الناس ترد بس .لو الاداره تزود الحد يعني مثلا اجاوب سوال وانشر اتنين .
النقطه دي خلت تظهر حاجه اخدت بالي منها وهي الاجابات الي ملهاش لازمه انا شايف لو حد ناشر سوال ليه يكون في كذا جواب بنفس النصايح ونفس الكلام بس شخص مختلف انا بحب كلامي الي هقولو بدخل اشوف الاجابات لو حد كتبة مبقولش اجابه
+نقطه انا مش قصدي اشخاص معينه انا بحبكو كلكو في الله في بعض الناس حد باعت مشاركه عاديه مش سؤال زي دعاء او ما شابه فحد يدخل يجاوب ويفضل يحشي كلامه بحاجات كتير ملهاش لزمه عشان الاجابه ليها عدد كلمات حد ادني شايف الاكتفاء بتعليق احسن دول بيهتمو بموضوع النقط ولا اي بالزبط
اخيرا انا لما بكون عايز انشر حاجه والتطبيق يقولي لازم اجاوب. بدخل اشوف الاسئله الجديده بعضهم بيكون مش عندي اجابه والمعظم الاخر الاجابه الي هقولها بتكون حد قالها او ما شابه فبروح للاسئله زمان وبجاوب هناك دي بردو نقطه وحشه مني بس مش عارف اعمل اي
ازيك يا صاحبي بص كان في فيديو ل علي محمد علي عن امة الدوبامين او حاجه زي كده مش فاكر اوي. هل انت محافظ على الصلاه هل بتحافظ على جدول تعمله وتمشي علية لو لا الزم نفسك بحاجه بسيطه لمدة ٢١يوم وبعد كده مددها ل ٩٠ يوم وابدا ضيف حاجات تانيه هو الموضوع كله ضعف ارادتك ودي مشكله كبيره وحلها بسيط هو الاستمرارية. الاستمرارية هي اقوى قوه مؤثرة في الفعل وكانت في الحكمه بتقول ان نقطة الماء بتشق الصخر او حاجه زي كده مش متذكرها اوي وعن النبي انه قال {خير الاعمال أدومها وإن قل } كنت بتفرج على فيديو قريب بيقول ان مفيش فاشل بيفضل يحاول. المقاومه والمعانده اللي بتبذلها في الحياة هو ده الحياه نفسها وطبعا ان من مؤيدي مقولة اعمل بذكاء وليس بجهد لكن حقيقي الجهد عامل أساسي لوصولك للنجاح انت حاليا عارف فين مشكلتك ودي اول طريقه لحلها. في طريقه لذيذه اما بحتاج اعرف معلومه بدخل لكلود اقوله اعملي برومبت لبحث عميق عن الموضوع الفلاني واخد البرومبت وادخله لNotebookLM واخليه على البحث العميق وهو يعملي بحث من مصادر ويشرحلي الفكره ودي فكره قوية جدا لو جربتها
تم النشر الخميس، ٢٣ أبريل ٢٠٢٦
طب هقولك على حاجه. الحاجات اللي بتعملها دي تقريبا مش هتخرج برا الحاجات دي (مذاكرة -عبادة -شغل ـ لعب )أيا كان هيا مش بتتطلب مجهود جسدي خالص الموضوع كله بيتوقف على نفسيتك ـــ ف انتا ممكن تمسك التلفون وتقلب ع السوشيال ميديا وتلعب بالساعات ومش بتحس بنفسك ومش بتتعب غير تعب بسيط او غير ملحوظ مع انك شغال بلا توقف (لكن مش بتزهق لأن مفيش ضغط نفسي عليك )انتا لو بتقرأ رواية ممكن تكون ادمان بالنسبالك تنزل فدني مثلا بتكون شايف الموضوع رفاعي من غير ضغط لكن عندما يتحول الموضوع الى مسؤولية بتحس انك مكره على الحاجه دي الحل ببساطه (متضغطش نفسك )لكن ف نفس الوقت لازم تعرف يعني ايه مسؤولية علشان تعرف تعيش والموضوع دا بيجي بالتدريج والتدريب حاجه زي ثانوية عامة مثلا بتكون تجربة عظيمه لتحمل المسئولية وغالبا دلوقتي بتكون أول محاولة حقيقية تحمل مسئولية عند الطلاب --(مسؤولية نفسك )لازم نحافظ على صحتك وب كدا تكون تحملت مسؤولية نفسك ف الدنيا (الصلوات) لو أديت الفروض هتكون شيلت مسؤولية نفسك ف الدنيا وفي الآخرة ف الدنيا لأنها بتحسن نفسيتك وبتخليك مش عايز حد تشكيله غير ربنا (ودا مش رفاهية )دي مسئولية "يعم لازم تتعلم تشيل مسئولية "ومتخليش التعب النفسي يأثر عليك اتعب جسديا ماشي بيروح بسرعه لكن التعب النفسي هيدخلك ف مراحل ادمان للنوم والهاتف والذنوب ونصيحتي لك (الصلاة -والقرآن ) وابتعد عن ذنوب الخلوات كدا تبقا ماشي ف الصح. "اسأل الله لنا ولك التوفيق" "صلي على النبي" وادعيلي"
تم النشر الخميس، ٢٣ أبريل ٢٠٢٦
أول حاجة أشكرك إنك شاركتنا ده كله بكل صراحة، وده يدل على وعي كبير بنفسك – خطوة عظيمة! الموضوع اللي بتحكي عنه شائع جداً، اسمه "البحث عن الجديد" (novelty seeking)، زي إدمان الإثارة اللي بيخلي الدماغ يمل بسرعة من الروتين. مش عيب، بس نقدر نتحكم فيه. نصائح عملية عشان "قليل دائم خير من كثير منقطع": ابدأ صغير جداً : حدد 5-10 دقايق بس يومياً للحاجة الجديدة (زي Fedni أو كتاب). استخدم تايمر موبايل لضبط الوقت المحدد. مع الوقت، زد الوقت تدريجياً. اربطها بهدف كبير : اسأل نفسك "ده هيساعدني في إيه؟" زي: Fedni يبني علاقات مفيدة أو يفيد الناس (صدقة جارية). اكتب الهدف في مذكرة وشوفه كل يوم. تتبع التقدم : استخدم جدول بسيط (ورقة أو أب Excel): كل يوم ضع علامة ✓ لو عملت الـ5 دقايق. شوف الشريط الطويل يديك دافع. من الإسلام : تذكر قول الله تعالى "وَاسْتَعِينُوا بِالصَّبْرِ وَالصَّلَاةِ". صلي ركعتين استخارة قبل أي حاجة جديدة، وادعي "اللهم ثبتني على الخير". الصبر مفتاح الجنة، وهو تدريب يومي. جرب الأسبوع ده مع Fedni: 10 دقايق يومياً ترد على سؤال واحد مفيد، وشوف الفرق. لو عايز دعم أكتر، ابحث في Fedni عن "كيف أستمر في العادات" – هتلاقي إجابات كتير، أو شوف الخبراء هنا: https://www.fedni.net/experts. بالنسبة ملاحظاتك على التطبيق: شكراً جداً، دي نقاط ذهبية! هحاول أوصلها للإدارة، وفعلاً الإجابات المفيدة أحسن من الكم. استمر ترد باختصار وفائدة، ربنا يبارك فيك. أنت قوي، هتقدر! 💪❤️
تم النشر الخميس، ٢٣ أبريل ٢٠٢٦
إنت حددت سبب المشكله أصلًا في كلامك ، وهو انك بتبدأ بداية كبيرة بتخليك تزهق من الحاجه بعدها . الحل هو *الاعتدال* في استخدام الأشياء أو في أي حاجه عمومًا ،أتعامل بتوسط . يعني مثلًا جبت كتاب ماتقرأش حوالي 30 صفحه مثلا في يوم لإنك طبيعي جدًا هتزهق ، لكن ممكن تقسم ال 30 على أسبوع ،كل يوم 5 صفحات . أعمل إدارة استخدام لنفسك
تم النشر الخميس، ٢٣ أبريل ٢٠٢٦
عندك حق والله بحاول اعمل القاعده بس بخلافها لما الحاجه تعحبني ممكن اخلصها وخلال ما انا بعملها اكون فرحان وبعد ما اخلص ابعد عنا . جزاك الله كل خير علي نصيحتك
تم النشر الجمعة، ٢٤ أبريل ٢٠٢٦
لا هي اول حاجه بتاعت اني بزهق بسرعه من اي حاجه انما الكلام الي تحت قولت اقوله بي المره بدل ما يكون سؤال لوحدو
تم النشر الخميس، ٢٣ أبريل ٢٠٢٦
المعاناه أو المشكلة عندك في أي نقطة بالظبط في موضوع الاستمرارية
تم النشر الخميس، ٢٣ أبريل ٢٠٢٦
لعرض السؤال في فدني اضغط هنا