ممكن تكون مشكلتي صغيرة أو حد يشوفها تافهة بس حقيقي هي تاعباني نفسياا بشكل كبير جدااا انا بنت وعندي ١٧ سنة ليا واحدة صاحبتى أو مش هقول صاحبتي هي اكبر مني بكذا سنة بعتبرها أختي الكبيرة وأكتر كمان وبحبها أكتر من أي حاجه ف حياتي حقيقي مفيش أي حاجه ممكن توصف فرحتي لمجرد رؤيتها قدامي بس هي شخصية بيزنيس شوية وهي شغلها عندي ف نفس البلد بس هي مش عايشة ف نفس بلدي هي ف مكان تاني بتسافر علشان تيجي شغلها انا ببقي متواجدة ف مكان شغلها ف بقعد معاها كتير وبنروح مع بعض كل يوم انا بيني وبينها ٧ سنين ف يمكن الفرق كبير او انا صغيرة شوية ف اللي هو بنتكلم مع بعض علطول وهي بتحبني جدا عايزة اقول انا حابة أن انا اتقرب منها جدااا حابة أن انا اكون حاجه أساسية ف حياتها لاني فعلا بحبها جدااا جدااااا وعندي مشكلة كدا بتحرج أظهر لأي حد ان انا بحبه مثلا او مبعرفش اعبر أو عندي كبرياء شوية ف بمعني اصح يعني زي م بيقولو مبحبش اتدلق علي حد أو أي تصرف بتصرفه مع اي حد بخاف ابقي تقيلة ع الناس بخاف أن حد يحسني تقيلة علي قلبه أو يزهق مني ف بحاول أظهر أن انا مس مهتمة بس بيظهر من تصرفاتي مع الأشخاص اللي انا فعلا بحبهم جداا زيها كدا بحاول اخفي كدا لان دي طبيعتي اصلا بس بردو بيظهر أن انا بحب الشخص دا جداا بس كبريائي مانعني أن انا اتقرب منو أو كدا بالنسبالها هي انا متعلقة بيها بشكل مش طبيعي فكرة ان يعدي يوم من غير م اشوفها هفضل افكر فيها طول اليوم حرفيااا هي في حاجه حصلت ف هي هتضطر تسيب المكان اللي انا يشوفها فيه واللي هو اصلا هي بتسافر من بلدها وتيجي البلد عندي علشان الشغل دا انا حرفياا بقالي حوالي ٣ ايام مش عارفة اتعايش يومي كلو عبارة عنها وعايزة اقول انا مبظهرلهاش اي حاجه هو طبعا من تعاملي وتصرفاته واهتمامي بيها مبين جداا أنها حاجه كبيرة اوي بالنسبالي طبعاا بدعيلها ف كل لحظة عايزة اجيبلها الدنيا كلها احطها قدامها لو لقيتها متضايقة يومي كلو بيتقلب لما بتكلم معاها بروح البيت اقعد افكر ف كل كلمة انا قلتها لها وف كل تصرف انا اتصرفته معاها وف كل ريأكشن أخدته وف كل كلمة قالتها لي واقول دا كان مناسب ولا لأ ودا كان ينفع ولا لأ المفروض مكنتش اقول كدا زمانها قالت عليا اي لما قلت كدا وسوسة غير عادية والوسواس دا موجود ف حياتي بس مش كلها يعني مع الأشخاص الاعلي مني مقاما بس لما بتعامل معاهم بفضل ييجي اسبوع افكر في الكلام اللي قلته المهم انا دلوقتي تعبانة جدااااا مش قادرة استوعب فكرة ان انا مش هقدر اشوفها تاني حتي مقدرش اروحلها حاسة أن انا عيلة صغيرة بردو يعني مش من سنها ولا حاجه ف مش حابة الزق كدا أو ازهق حد هي لو من سني كنت قلت ماشي إنما هي اكبر مني بكتير بحط نفسي مكانها وانا عن نفسي بحب ديما اصاحب اللي اكبر مني مبصاحبش اللي من سني أد م بحب أن انا اكون مع الأكبر مني وبالنسبة للي اصغر مني ولو بسنة واحدة مبحبش بصراحة اتكلم معاهم انا مش متكبرة ولا حاجه بس بزهق بصراحة ف بحط نفسي مكانها بحس أن هي مش ناقصة عيال صغيرة حتي لو بحبها ماشي بس ملزقش فيها بالشكل دا هزهقها انا لو مكانها كان هيبقي دا شعوري مع أن انا عارفه انها بتحبني جداا والله انا آسفة طولت جداا بس الفكرة انا متعلقة بيها تعلق غير عادي وحياتي من ساعة م هي مشيت محطمة نفسيا يعني مش عارفه اعيش من غير م افكر فيها خمس دقايق علي بعض
مشكلتك مش تافهه ولا حاجة اولا مفيش مشكلة فى كونك تحبى تصاحبى الاكبر منك ... المهم هل انتى عارفه انتى بتحبى تصاحبيهم ليه ؟..يعنى بتشوفى نفسك فيهم لما تكبرى مثلا وبيبقوا بالنسيالك قدوه ولا بتحسى كده بالامان وانتى مع حد اكبر منك ؟ اهتمامك بانك متغلطيش معاهم فى الكلام وانك تحافظى على صورة معينه ده شىء جميل بس هل هو مع الاشخاص دول بس ولا بتركزى مع الناس كلها كده عشان متزعليش حد ؟ واحب اعرف شكل علاقتك باهلك وهل انتى قريبة منهم ولا لا ؟
تم النشر الاثنين، ١٩ فبراير ٢٠٢٤
حتي إذا كان عندك كبرياء مستحيل تخبي خوفك وحبك ليها بمعني أنك أصلا عيوانك هتكشفك أنك بتحبي صاحبتك وأنتي صافية وحلوة بجد ربنا يحفظك
تم النشر الاثنين، ١٩ فبراير ٢٠٢٤
شوفي راح أعطيك الخلاصة والعلاج الأمثل وكثير سهل بس يحتاج مثابرة كل الي عليكِ هو انك تتعلقي بالله عز وجل وبس لأن الله اذا أحببتِ أحد غيره فسيحرمك منه ولهذا فكري دائما بأنه لمصلحة هذا الشخص و لمصلحتك أن تتعلقي بالله أكثر شيء من خلال العبادات أكثري من الصلاة الغير فريضة كقيام الليل والصوم والزكاة فإنها تريح النفس وقراءة القرآن فهو يهذب النفوس ويريحها فهو كتاب بكلام الله عز جلاله وبه رسائل لكل شخص محتاج فقط هذا هو العلاج هو سهل لكنه يحتاج لمن يواظب عليه أرجو أن تثابري بنصيحتي قبل الندم💜
تم النشر الجمعة، ٢٣ فبراير ٢٠٢٤
حولي تكتسبي الثقة في نفسك دي مهمة جدا هتخليكي شخص اخر اعتمدي علي نفسك و لو زنقت معاكي خدي رائي اقرب الناس ليكي عشان الحجات دي لو مش موجودة مش هتعرفي تتاقلمي مع حياتك العادية وهتحتاجي ديما الناس جنبك ومش هتعرفي تخدي قرارات ولا تصرف لحياتك نهائي هيكون اعتمادك الي الاخرين حتي في اصغر الاشياء
تم النشر الأربعاء، ٢١ فبراير ٢٠٢٤
ضروري تخلي في مسافه حتي مع صحابك لان كده كده الايام هتعدي وان الدنيا تلاهي يعني صحبتك مش هتدملك ممكن تتكلمي معاها بس مش كتير ع متزهقش او متملش وحاولي تخلي يومك مليان ع متفكريش كتير فيها ولازم تتعلمي انك متتمسكيش بصديق لانهم مش بيدومو
تم النشر الثلاثاء، ٢٠ فبراير ٢٠٢٤
اتواصلي مغاها على النت وكلميها وكدا وحاولي تقوليلها ان انت زعلانه انك سبتيها وان هيا غاليه عندك
تم النشر الثلاثاء، ٢٠ فبراير ٢٠٢٤
اتعلمي ازاي تكوني لوحدك ومع ربنا ومش فارق معاكي حد حبي بس ماتتعلقيش ومارسي حياتك وكأنك فيها لوحدك
تم النشر الثلاثاء، ٢٠ فبراير ٢٠٢٤
لعرض السؤال في فدني اضغط هنا