كنت مرتبطه بواحد فتره مش قليله و جي علينا وقت بعدنا عن بعض بدون سبب يذكر في الفتره دي هو قرر يخطب و أهله رشحوله بنت خالته و أمه صممت عليها لأن هي اللي مربياها و انا كمان كنت اتخطبت محصلش نصيب بيني و بين خطيبي و هو محصلش نصيب بينه و بين بنت خالته ورجعنا لبعض تاني فتره تقريبا سنه و بابا اتوفي و هو عمه اتوفي و كل ما اقوله انت كنت جاهز الخطوبه قبل كده و خطبت تعالى اتقدم يقولي اصلي عمي متمش سنه و أصل الشقه لسه مصبتهاش مع العلم أن بابا كمان مكملش سنه بس انا كنت عاوزاه يتقدم و هتبقى حاجه ع الضيق جدا
المهم حسيت أن الموضوع طول و بقي بايخ و أن اصلا مامته مش هتحبني لأن هو من الصعيد و طبعا نظرتهم ليا أنه كان بيكلمني قبل ما يخطبني هبقى حاجه وحشه في عينه
حبيت اسيبه و مكنش عندي طريقه غير أن أقوله انا اتخطبت عشان يبعد عني و فعلا عملت كده و قولتله متكلمنيش تاني و لينا اسبوع مبنتكلمش
و مش قادره ع البعد عاوزه ارجعله ممكن تنصحوني اعمل ايه عشان بجد تعبانه
أعتقد أن دى حالة مؤقتة وانت فعلا اتصرفت صح لان مش بس اهلوا اللى هيبصولك كدة لكن هو كمان ان مكانش بيبصلك كدة دلوقتى فعلا وعشان كدة بيماطل انت بس محتاجة توقفى تفكير فيه شوية اشغلى بالك ووقتك باى حاجة ابعدى عن الحاجات اللى بتفكرك بيه على الأقل دلوقتى وخلى كرامتك فوق كل شيئ وان شاء الله تنسيه وتكملى حياتك وطبعا انت ادرى بنفسك وبيه
تم النشر الثلاثاء، ٢٣ يونيو ٢٠٢٦
أنا فاهمة إنك تعبانة جدًا ومش قادرة على البعد ده، والقرار اللي أخدتيه كان صعب عليكِ. اللي حصل بينكم علاقة طويلة مليانة تعقيدات وفقدان وضغوط عائلية، وده طبيعي يخلّي الواحد يحس بالإرهاق والحيرة. بس خلينا نفكر مع بعض بطريقة عملية وواضحة. أول حاجة، الكذبة اللي قلتيها (إنك اتخطبتي) خلّت الموضوع أصعب، لأنها أوقفت التواصل فجأة. لو عايزة ترجعي، لازم تفكري في طريقة صادقة ومحترمة تعالجي بيها الموقف، مش ترجعي بنفس الطريقة اللي هتزود التعقيد. في الإسلام، العلاقة دي لازم تتحول لخطوة رسمية وحلال (الخطوبة والزواج) عشان ما تبقاش مصدر تعب مستمر. فكري: هل هو فعلاً جاهز يتقدم دلوقتي ويتجاوز ضغط أهله، ولا هيفضل يأجل؟ اللي بيحصل دلوقتي بيورِّك إن فيه عوائق كتير (أمه، الشقة، فترة الحداد). نصيحتي العملية: خدي وقت قصير (أسبوع أو اتنين) تركزي فيه على نفسكِ، تصلي استخارة، وتكتبي إيجابيات وسلبيات الرجوع. لو قررتِ ترجعي، ابدئي بتواصل بسيط وصريح زي "أنا آسفة على اللي حصل، كنت محتاجة أفكر"، ومن غير ما تفتحي موضوع الخطوبة الكاذبة إلا لو سأل. وبعد كده، خلّي الحوار يدور حوالين الخطوة الرسمية: "لو عايز تكمل، لازم نتكلم مع أهلنا دلوقتي". لو لقيتِه بيأجل تاني، يبقى ده إشارة واضحة إن الموضوع مش هيتحرك. أنتِ تستاهلي حد يقدرك ويتقدم بسرعة ويحترم مشاعرك، مش يخلّيكِ تنتظري وتتعبي. لو الموضوع ده بيأثر على صحتكِ النفسية، حاولي تشغلي نفسكِ بحاجات تانية زي الرياضة أو هواية أو حتى البحث عن فرص عمل. لو عايزة تتكلمي أكتر عن الخطوة الجاية، أنا هنا. خدي قرار يريح قلبكِ ويحترم قيمكِ.
تم النشر السبت، ٢٠ يونيو ٢٠٢٦
أفضل خطوة بجد البعد الله يعينك اللهم آمين أنا فخورة بيكِ جدًا وكمان ألم المعصية بيكون صعب بس لذة التوبة أفضل مليون مرة) هقولك شوية حاجات بس مش حلول سحرية أكيد أنا هقولك عواقب رجعوك أنتِ قررتي تترركي الإنسان وقولتي سبب يبقى مترجعيش خالص عارفة ليه هيعدي شهر شهرين تلاتة، هتحسي نفسك كنتِ في علاقة أصلًا بلا فائدة وعمرك كان هيضيع فيها وهتبدأي تركزي في نفسك وحياتك ومستقبلك، وصدقيني والله دا مش حب يعني أنتِ بتقولي أنا مش قادره على البعد بس هو مش حب أصلًا دا فراغ أول ما حياتك تتملي أهداف وصحبة صالحة هتكتشفي أن دا مش حب ولو ربنا يكرمك بالزوج الصالح هتكتشفي أن دا فعلًا مش حب 💘 أنا بجد بكلمك كـ صديقة إياكِ والرجوع وصدقًا عمرك هيضيع وخلاص والأخ دا لما يتزوج هيختار حد غيرك وأنتِ نفسيتك هتبوظ بس هو عشان هو بيتسلى بيكِ مش بيحبك بجد وفوق دا كله أنتِ لأزم تفكري في نفسك وإنك غالية فـ بلاش ترخصي نفسك وتكملي وأنا بجد فخورة بيكِ إنك تركتي العلاقة لله وربنا هيعوضك بس بحاجة حلال وبلاش تستسلمي💕
تم النشر الأحد، ٢١ يونيو ٢٠٢٦
شكرا جدا ليكي و الله
تم النشر الأحد، ٢١ يونيو ٢٠٢٦
لعرض السؤال في فدني اضغط هنا